Matiyu 6:19 - The Keyagana NT and 25 OT books

¹⁹ Alagepa kagemi yatapimo ma mopafiʼmo ageta alu ai oʼmaleyo, fiku yanageno kafamoʼmo hatagauge oʼaniʼya faige kumaya vayaʼmogi noʼmo aeʼa yakiʼa kumayaʼmo alige hugae.

Matiyu 6:19 ပူးပေါင်းရင်းမြစ်များ

Samu 62:10

Lapakaemo agoti hutapa apatege kumaya alige hisaya kavafeʼmo alita amufa oʼamiyo lapa oʼmaegayanagi. Monitapimo magoʼe huno hanesigetapaeʼmo, laha maegaiye, huta lapakesamo oʼafiyo.

Mai'naya kavane 11:4

Ala kava neʼmoʼa aipamo leno apatesiya afinaʼmo vayaʼai kagemi yaʼapimoʼa hapa oʼmaegaiyaʼmonanafa vayaʼai fatago kavaʼapimoʼa falisaya kavategatiʼmo apakufamo alino katino apategaiye.

Mai'naya kavane 16:16

Afiteʼa neʼagaya kavaʼmo alisaya kavaʼmoʼa magoʼe huno kanale alagepa kavaʼmo haneʼneno goli yafaʼmo ago aeno aga seʼniye. Afiʼa aeto nehaya kavaʼmo alisaya kavaʼmoʼa magoʼe huno kanale kavaʼmo haneʼneno siluva yafaʼmo ago aeno aga seʼniye.

Sefanaiya 1:18

Ala kava neʼmoʼa aipamo neleya kavaʼmo afole aisiya afinaʼmo muki siluva yafaʼapimoʼe goli yafaʼapimoʼeʼmo alagi hapa oʼmaegaiye. Haʼao. Kaino nefaiya kavaʼmoʼa atagana huno muki Isaleli mopamo leno asagaligiye. Agaemo malage huno muki mani koteʼmo maiʼnaya vayaʼmo alagi alino hano huno apatalegaiye.

Matiyu 19:21

Yesuʼa ani gemo afitenoʼaeʼmo, muki geʼamo akame huteka haika hapaisanafeʼmo uka kagemi yakamo alinikuka maketi hugeʼa miya faiʼa hano hutesageka kagemi yaʼapimo ohaneʼnisiya vayaʼaina fako huka apamigenoʼa alopa kagemi yakamo kokuʼnapiʼmo haneno. Apamiteka eka nakame huvo, huno ha paiʼniyaʼmonanafa

Matiyu 6:20

Alagepa kagemi yatapimo ageta kokuʼnapikeʼmo alu ai malegenoʼao, kafamoʼmo ohatagauge oʼaniʼya ofaige kumaya vayaʼmogi noʼmo aeʼa yakiʼa kumaya oʼalige hugae.

Luki 12:21

ani kavaʼmo huʼa apakaiʼapilefekeʼmo kagemi yaʼapimo ageʼa neʼmalayaʼmonanafa Gotitefeʼmo ageʼa noʼmalaya vayane, huno hapa paiʼniye.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 12:39

No aepa vekamoʼmo kumaya neʼaliya vekamo esiya afinafeʼmo afiʼniyesinana au okaleno afaʼa yagaino maiʼnisigeno kumayaʼmo neʼaliya vekamo eno noʼamo aeno akaino kumayaʼmo oʼaliʼniyesine.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Luki 18:24

hosu augosamo kaliʼnigeno Yesuʼa agetenoʼaeʼmo,

1 Timoti 6:17

Ma mopafi kagemi yaʼapimo haneʼniya vayaʼaifeʼmo hukaeʼmo, lapakufamo avalelita ohaitapa hano hisiya moniʼeʼmo alita amufa oʼamitapa muki yaʼamo lamogaga aisunafeʼmo nelamiya vekamo afaʼa maiʼniya Gotifeʼmo alitapa amufa amiyo, huka hapa paiyo.

Himulu 13:5

Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.