Matiyu 5:46 - The Keyagana NT and 25 OT books

⁴⁶ Apakaemo lapakaefeʼmo hapau apayamopafiʼmo nehapausiya vayaʼaifekeʼmo lapau lapayamopafiʼmo nelapausiyana na agufa miyatapimo aligae. Takesi moni neʼaliya vayaʼmogimo ani agufa kavaʼmo nehae.

Matiyu 5:46 ပူးပေါင်းရင်းမြစ်များ

Matiyu 11:19

Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Matiyu 18:17

Agaemo anavalelika visana vekalaʼani geʼanimo oʼafisigekaeʼmo siosi vayaʼaifeʼmo hapa paiyo. Agaemo siosi vayaʼai geʼapimo oʼafisigekaeʼmo Goti geʼamo noʼafisaya vayaʼaitegaʼe takesi monimo neʼaliya vayaʼaitegaʼeʼmo nehana kava huka agaetega huvo, huno huteno,

Matiyu 5:47

Konagatapiekeʼmo ge apamamaetapa alita falu fala huta apatetetapaeʼmo haiya kava higetapaeʼmo mago vayaʼmo aeta neʼapakasae. Haʼao, malaga vayaʼmogimo ani agufa kavaʼmo nehae.

Matiyu 6:1

Ehetapiye, huʼna, Vayaʼmogimo lapakesayafeʼmo apaulagaleʼmo vayaʼmo hapa maesaya agufa kavaʼmo osiyo. Hisagenoʼaeʼmo kokuʼnapi afotapimoʼmo miyatapimo olapamigiye.

Maki 2:15

Henagaʼamo Yesuʼa uno Livai nopiʼmo neʼyaʼmo neʼniye. Asole vayaʼmo takesi moni neʼaliya vayanagi keʼaepa gemo akame nosaya vayanagi huʼa eʼa agaeʼe geʼamo neʼafiya vayaʼeʼmo magokepi lokaeʼa maiʼneʼapaeʼmo neʼyaʼmo neʼnae. Ani afinaʼmo asole ani agufa vayaʼmo eʼa aepa faiʼa akame huʼnae.

Maki 2:16

Falasi mono vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apakayana Yesuʼagi takesi moni neʼaliya vayanagi keʼaepa gemo akame nosaya vayanagi huʼa magokepi lokaeʼa maiʼneʼa neʼyaʼmo neʼnageʼa apaketeʼapaeʼmo geʼamo neʼafiya vayaʼaifeʼmo hapa paiʼapaeʼmo, na kava higeno ani agufa vayaʼeʼmo magokepi lokaeno maiʼneno neʼyaʼmo neʼne, huʼa ge huʼa apafi geʼnae.

Luki 15:1

Mago afinaʼmo takesi moni neʼaliya vayaʼe Yu monoʼmo noʼafiya vayaʼmogiʼeʼmo Yesu geʼamo afisayafeʼmo eʼnae.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Luki 19:2

mago vekamo agiʼamo Sakiyasiʼa takesi monimo neʼaliya vayaʼaiteʼmo yagaino apateʼniya vekamo asole kagemi yaʼamo haneʼniya vekamo maiʼniye.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 3:12

Takesi monimo neʼaliya vayaʼmo aniʼmo faleno apatesiyafeʼmo eʼapaeʼmo, Tisao, huʼa, lagaemo haiya agufa kavaʼmo hisune, huʼa ge huʼa afi geʼnagenoʼaeʼmo,

Luki 5:29

Livaiʼa noʼafiʼmo Yesuʼmo lusi yagita huno ateʼnigeʼapaeʼmo hiʼyalamuteʼmo Yesuʼagi takesi moni neʼaliya vayanagi alu vayanagi huʼa anakaeʼeʼmo magokepi lokaeʼa fai maiʼneʼa neʼyaʼmo neʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Luki 7:29

Muki afa vayaʼmogiʼe takesi moni neʼaliya vayaʼmogiʼeʼmo Yoniʼa huʼniya gemo afiteʼapaeʼmo, Gotiʼa alagepa vekamo fatago vekae, huʼa huʼnageno Yoniʼa aniʼmo faleno apateʼniyaʼmonanafa

Luki 7:34

Vemo mafaʼnemoʼmo emineno neʼyaʼmo mo osino nege nofi alagafati aniʼmo nege huʼnigetapaeʼmo, ageyo, hutapa, neʼyafeʼmo lusi kava huno hauʼnigeno lusi neʼyaʼmo neteno nofi alagafati aniʼefeʼmo lusi kava huno hauʼnigeno neʼneya vekamae. Takesi moni neʼaliya vayaʼe hosu vayaʼeʼmo apao vekamo maiʼniye, hutapa nehae.