Matiyu 5:40 - The Keyagana NT and 25 OT books

⁴⁰ Mago vekamoʼmo siotitapimo alisiyafeʼmo hunoʼaeʼmo, agoti huʼna lapategesuve, huno hisigetapaeʼmo alapa saketitapiʼeʼmo asagita amiyo.

Matiyu 5:40 ပူးပေါင်းရင်းမြစ်များ

Matiyu 5:39

Mani gemo huʼnayaʼmonanafa hemenimo nagaemo lapa paiʼnaeʼmo, Lapakaetegamo hosu kavaʼmo hisagetapaeʼmo afaʼa maiyo. Mago vekamoʼmo lapakalametaleʼmo lapamagisigetapaeʼmo magokayaga lapakalametamo aita afe letapa amigeno lapamagino.

Matiyu 5:41

Mago gamani vekamoʼmo hunoʼaeʼmo, kuʼnileʼmo naha maeta alita kofilitutapa mago afafaleʼmo nateyo, huno hisigetapaeʼmo kuʼamo ha maetapa alita kofilituta atetetapaeʼmo halate magoʼe hutapa alita kofilituta mega afagiʼaleʼmo ateyo.

Luki 6:29

Mago vekamoʼmo kagalametaleʼmo nekamagisigekaeʼmo aika afe leka magokayaga kagalametamo amiyo. Mago vekamoʼmo saketikamo alitenoʼaeʼmo siyotikaʼeʼmo aligefeʼmo husigekaeʼmo, oʼaliyo, huka osuvo.

1 Kolitiyani 6:7

Lapakaitapimo agoti hutapa nelapatayaʼmofeʼmo agotimo aeta neʼagasesafi noʼagasesafigeno Sataniʼmo ago aeno lapakaseʼniye. Lapakaetegamo hosu kava nehisagetapaeʼmo afaʼa maisayaʼmoʼmo kanale hugiye. Lapakae yaʼmo kumayaʼmo alisagetapaeʼmo afaʼa maisayaʼmoʼmo kanale hugiye.

1 Kolitiyani 7:36

Afoʼapimogitapae, huʼna, aʼmafaʼnetapimo kositeʼapaeʼmo veleʼmo uʼna maigesuve, huʼa nehisagetapaeʼmo haʼao, huʼna hisuvana agaetegamo hosu gemo huguve, hutapa hisayana hapauʼnisiya kavaʼmo afaʼa hugae. Kanalenageno veleʼmo uno maisiya kavaʼmo hosu kavaʼmo ohaneʼniye.