Matiyu 5:39 - The Keyagana NT and 25 OT books

³⁹ Mani gemo huʼnayaʼmonanafa hemenimo nagaemo lapa paiʼnaeʼmo, Lapakaetegamo hosu kavaʼmo hisagetapaeʼmo afaʼa maiyo. Mago vekamoʼmo lapakalametaleʼmo lapamagisigetapaeʼmo magokayaga lapakalametamo aita afe letapa amigeno lapamagino.

Matiyu 5:39 ပူးပေါင်းရင်းမြစ်များ

Mai'naya kavane 20:22

Kagaemo hukaeʼmo, hosu kavaʼamo anonaʼalefeʼmo aeʼna atagaina huʼna huguve, huka osuvo. Ala kava nefekeʼmo agava maiʼnegenoʼao kaha maegaiye.

Mai'naya kavane 24:29

Kagaemo hukaeʼmo, nagaetegamo hosu kavaʼmo huʼniyanageʼna hemenimo anonaʼalefeʼmo agaetegamo hosu kavaʼmo huguve, huka osuvo.

Maika 5:1

O, Yulusalemu vayane, huno, ati vayatapimo apavaleta alita anupa hutapa apateyo. Kame vayatapimogi eʼa ago faiʼa vego huʼa lateʼnae. Apakaemo Isaleli vayaʼaiteʼmo yagaiʼniya vekamo agalametaleʼmo kayotetiʼmo amagigae, huno hapa paiʼniye.

Matiyu 5:40

Mago vekamoʼmo siotitapimo alisiyafeʼmo hunoʼaeʼmo, agoti huʼna lapategesuve, huno hisigetapaeʼmo alapa saketitapiʼeʼmo asagita amiyo.

Luki 22:64

lavolavoletiʼmo aulagafiʼmo aiʼa ati kaeʼa ateʼneʼa eʼa amagite amagite huteʼapaeʼmo, ina laʼmo kamagiʼnifigi kaune gemo huka laha paiyo, huʼa ge huʼa afi geʼnae.

Luki 6:7

Keʼaepa gemo avoʼmo kaeʼa aliʼa apaya neʼmalaya vayaʼe Falasi vayaʼmogiʼeʼmo hosu kavaʼmo nehiye, huʼa hisaya kafeʼmo kahauya huʼa agesayafeʼmo yagaiʼa maiʼnae. Ageteʼapaeʼmo, Sapati afinaʼmo ayaʼmo alino api aino atesifigetae, huʼa huteʼa agava maiʼnae.

Yoni 18:23

Alagepa gemo huʼnisuvana na kava higekaeʼmo neʼnamagine, huno ha paiʼniye.

1 Kolitiyani 6:7

Lapakaitapimo agoti hutapa nelapatayaʼmofeʼmo agotimo aeta neʼagasesafi noʼagasesafigeno Sataniʼmo ago aeno lapakaseʼniye. Lapakaetegamo hosu kava nehisagetapaeʼmo afaʼa maisayaʼmoʼmo kanale hugiye. Lapakae yaʼmo kumayaʼmo alisagetapaeʼmo afaʼa maisayaʼmoʼmo kanale hugiye.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

Himulu 12:4

Hosu kavafeʼmo kame nehageʼapaeʼmo kamitimo olapamagiʼnayaʼmofeʼmo oʼataleta kamemo hutapa ateyo.

Yemisi 5:6

Lapakaemo fatago vayaʼaina agoti hutapa apatetetapaeʼmo kamitimo apamagiʼnae. Afaʼamo maiʼneʼapaeʼmo lapakaetegamo mago kavaʼmo osuʼnayaʼmonanafa fikumo apamagiʼnae.

1 Pita 3:9

Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.