Matiyu 5:31 - The Keyagana NT and 25 OT books

³¹ Akeyaʼvilaga vayaʼmogimo huʼapaeʼmo, Mago vekamoʼmo aʼamo ha faino atalesiyafeʼmo hunoʼaeʼmo hapa faiʼa neʼapatalaya avoʼmo kaeno amiteno hafaino atalegaiye, huʼa huʼnae.

Matiyu 5:31 ပူးပေါင်းရင်းမြစ်များ

Malakai 2:16

Ala kava neʼmo Isaleli vayaʼmogi Gotiʼapimoʼmo muki vayaʼaiteʼmo yagaino neʼapateya vekamoʼmo hunoʼaeʼmo, Lapakaemo aʼnetapimo hapa faitapa neʼapatalaya kavafeʼmo alagi oʼnahauʼniye. Ani kavatetiʼmo kavetamo nehaya kavaʼmo afole neʼaigetapa aʼnetapimo neʼapamagiye. Ani hosu kavaʼmo afole neʼaiyaʼmofeʼmo lapaunelapameteʼmo alagepa hutapa yagaitapa atetetapa aʼnetapiyeʼmo aigofe kavaʼmo hutetapa veyalave kotalakemo amagitapa oʼataleyo.

Matiyu 19:3

Mago Falasi mono vayaʼmogimo agaetegamo eʼa amalageka huʼa ge huʼa afisayafeʼmo huʼapaeʼmo, aʼne anagaʼmogimo alu kava alu kavaʼmo hisageʼapaeʼmo anauʼapimogimo afaʼa hapa faiʼa apatalesayana keʼaepa getimo amagiʼa atalegafi kanale kavaʼmo hugae, huʼa afi geʼnagenoʼaeʼmo,

Matiyu 19:7

Ani gemo huʼnanaʼmonanafa na kava higeno Moseseʼa hunoʼaeʼmo, mago vekamoʼmo aʼamo ha faino atalegefeʼmo hunoʼaeʼmo ha faino atalesiya avoʼmo kaeno amino, huno huʼniye, huʼa ge huʼa afi geʼnae.