Matiyu 5:22 - The Keyagana NT and 25 OT books

²² Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

Matiyu 5:22 ပူးပေါင်းရင်းမြစ်များ

Aepa Gemae 37:4

Nepuʼamogimo ageʼnayana afoʼapimoʼmo Yosefefekeʼmo lusi kava huno hauʼnigeno apakaefeʼmo aiseʼamo hauʼniya kavaʼmo ageteʼapaeʼmo Yosefefeʼmo alagi ohapauʼnigeʼa apaini huteʼa agaeʼeʼmo alagepa huʼa magokepi gege huʼa oʼmaiʼnae.

Aepa Gemae 37:8

Nepuʼamogimo ani gemo afiteʼapaeʼmo Yosefefeʼmo huʼapaeʼmo, kagaemo ala vekamo maiteka yagaika latesanafeʼmo nehapiye. Kagaemo ala vekatimo maisanafeʼmo nehapiye, huʼa huteʼa alagamuna ageʼniya kavaʼe hapa paiʼniya geʼefeʼmo magoʼe huno alagi ohapauʼniye.

1 Kini 21:4

Ehapiʼmo ani Yesali taonifi vekamo Nemotiʼmo huʼniya gemo afitenoʼaeʼmo aipafiʼmo ge hauteno hosu aipamo kaliʼnigeno noʼafiʼmo uno haino hipaʼaleʼmo havaeʼnenoʼaeʼmo augosamo kegiʼyalegamo aino afe leʼniye. Agaemo neʼyaʼmo oʼneʼniye. Nemotiʼa hunoʼaeʼmo, Naginago vayaʼmogi aliʼnaya mopamogeʼna okategauve, huno ha paiʼniyaʼmofeʼmae.

2 Sitoli 19:5

Apatetenoʼaeʼmo agoti gemo afisaya vayaʼmo apateteno Yuta kotegamo muki lokiya yafa kegiʼyamo haneʼniya taonifiʼe taonifiʼeʼmo apateʼnigeʼa maiʼnae.

Samu 14:1

Negi nagi vayaʼmogimo apaipafiʼmo, Gotiʼa oʼmaiʼniye, huʼa nehae. Afumo nefaligenoʼaeʼmo apakufamo nekasaliya kava huʼa hosu vayaʼmo maiʼnae. Gotiʼa avenatuʼnaʼmo heno neʼapateya kavaʼmo nehae. Magoke vekamoʼmo alagepa kavaʼmo nehiya vekamo alagi oʼmaiʼniye.

Samu 25:3

He, muki vayaʼmogimo kagava neʼmaiya vayaʼmo hapa maegenoʼao apavagage osino. Apakaetegamo mago hosu kavaʼmo osuʼnayaʼmonanafa fiku hosu kavaʼmo nehaya vayaʼmo hapa oʼmaeka afaʼa apatalegenoʼao apavagage hino.

Samu 37:8

Lapaipamo oletapa hosu kavatefeʼmo alagi lapayamukiki osiyo. Lapakaemo hosu kavaʼmo hisayafeʼmo lapakesa alaʼamo afitetapa lapausoli osiyo.

Samu 49:10

Apakaemo ago apakeʼnayana ageteʼa afiʼnaya vayaʼmo ago nefaliya kava huʼa muki vayaʼmo oʼafiʼnaya vayaʼe negi vayaʼeʼmo faliʼapaeʼmo kagemi yaʼapimo ataleʼa faliʼnageʼapaeʼmo alu vayaʼmogi neʼaliye.

Samu 69:4

Nayokaʼmo asole yaʼmo haneʼniya kava huʼa kame vayaʼnimo magoʼe huʼa maiʼnae. Apakaetegamo mago agufa hosu kavaʼmo osuʼnovaʼmonanafa nagaefeʼmo fikumo apaini nehae. Afaʼa fikumo nahaesayafeʼmo huʼnaya vayaʼmo lokiya vayaʼmo maiʼnae. Mago yaʼapimo kumaya oʼaliʼnovaʼmonanafa anonaʼnilefeʼmo afaʼa apamiguve.

Samu 7:4

nao vekamo alagepa kavaʼamo anonaʼalefeʼmo hosu kavakeʼmo huge kameʼnimoʼmo hosu kavaʼmo osuʼniyaʼmonanafa agaetegamo hosu kavaʼmo huge ani agufa hosu kavaʼmo huge huʼnovesinana

Samu 92:6

Oʼafiʼniya vekamoʼmo ani kavaʼmo afaʼa oʼagegaiye. Negi vekamoʼmo ani kavafeʼmo alagi afino aeto osugiye.

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 18:6

Negi vekamoʼmo alu vayaʼmo ge vaisaya gemo nehiye. Ge vaisaya gemo nehigeʼapaeʼmo vayaʼmogimo ani gemo afiteʼapaeʼmo amagigefeʼmo nehae.

Neniyo 3:13

Nepukanesaʼmo ani gemo afitenoʼaeʼmo lusi kava huno aipamo leʼnigeno hapa painoʼaeʼmo, Satalakiʼagi Misakiʼagi Ameʼnagoʼagi hutapa apavalelita eyo, huno huʼnigeʼa apavaleli eʼnae.

Neniyo 3:19

Nepukanesaʼa ani gemo afitenoʼaeʼmo lusi kava huno aipa leʼnigeno ani vayaʼaifeʼmo augosamo alino lokiya vaiʼniye. Agaemo aliʼyaʼamo neʼaliya vayaʼaifeʼmo hunoʼaeʼmo, atamo kaegeno lusi kava huno leno amuko hino, huno huʼniye. Mago afinaʼmo kaeʼnigeno leno amuko nehiya kavaʼmo ago aeno aga seno magoʼe huno leno amuko huʼniye.

Omataiya 1:10

Lapakaemo konagatapimo Yekopu nofi vayaʼmogi yaʼmo kumayaʼmo alitetapa kamitimo apamagiʼnayaʼmofeʼmo nagaemo aliʼna hano huʼna lapatalesugeʼa muki afinaʼmo lapakitapileʼmo aliʼa afepiʼmo atege atege huʼa maigae.

Omataiya 1:12

Apakaemo konagatapimo kalavusi huʼa apateʼnaya afinaʼmo lapakaemo alagi osisaya agufa kavaʼmo hutapa afaʼa maiʼnageno ani kavafeʼmo lapaipamoʼmo kanale huʼniye. Aliʼa hano huʼa apataleʼnaya afinaʼmo magoʼe hutapa alagi osisaya agufa kavaʼmo hutapa lapamogaga aiʼnae. Lusi kana yaʼmo aliʼnaya afinaʼmo magoʼe hutapa alagi osisaya agufa kavaʼmo hutapa kigi yokalo gegeʼmo huʼnae.

Matiyu 10:17

Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Matiyu 12:24

Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 18:21

Mago afinaʼmo Pitaʼa Yesutegamo eno ha painoʼaeʼmo, Ala kava nene, huno, konagaʼnimoʼmo nagaetegamo hosu kavaʼmo hisigeʼnaeʼmo na magi afinaʼmo hosu kavaʼamo aliʼna atalete atalete hisuve. Seveniʼa afinaʼmo aliʼna atalesufiye, huno afi geʼniye.

Matiyu 18:35

Yesuʼa ani gemo hapa paitenoʼaeʼmo, lapakaemo lapaipafatiʼmo konagatapimogi hosu kavaʼapimo alita oʼatalesayana kokuʼnapi Afoʼnimoʼmo kini vekaʼapimoʼmo huʼniya agufa kavaʼmo lapakaetegamo hugiye, huno hapa paiʼniye.

Matiyu 23:15

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Magoke vekamoʼmo getapimo afiteno lapakame hisiyafeʼmo solovala aniʼmo lakaege muki mopafiʼmo umenitata huge hutapa neʼmaiye. He afaʼa afiguve huno hisiyaʼmoʼmo alitapa aya maleteta hosu kavatefeʼmo aeno lapaka seno ata kopiʼmo lamino maisiya vekamo alita hamaletapa neʼatae.

Matiyu 23:33

Nagaloʼyave vayanagi nagaloʼyave afamo anaga vayane, huʼna, Gotiʼa agoti huno lapatetenoʼaeʼmo, hosu vayaʼmo maiʼnae, huno hisigetapa ata kopiʼmo uta lamigae. Haiya kava hutapa faita kasalo paegae.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 26:59

Mono huʼa neʼapataya vayaʼaiteʼmo yagaiʼa neʼapataya vayaʼe muki kanisole vayaʼmogiʼeʼmo Yesuʼa amagisaya geeʼmo kahauya huʼnae.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Matiyu 5:34

Ani gemo huʼnayaʼmonanafa hemenimo nagaemo lapa paiʼnaeʼmo, Gotitegatiʼmo alagi lama gemo nehuve, hutapa osiyo. Kokuʼnapiʼmo Gotiʼa fai maiʼneno yagaino neʼapateya aimuʼyamo haneʼniyaʼmofeʼmo muga anaga kokuʼnategatiʼmo alagi lama gemo nehuve, hutapa osiyo.

Matiyu 5:44

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Maki 14:55

Mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼmogiʼeʼmo Yesuna amagisageno falisiya gemo afisayafeʼmo kahauya huʼnayana oʼafiʼnae.

Maki 15:1

Gotilamiyapiʼmo malage huʼa mono huʼa neʼapataya vayaʼaiteʼmo yagaiʼa apateʼnaya vayanagi vayatama vayanagi keʼaepa gemo avoʼmo kaeʼa aliʼa apaya neʼmalaya vayanagi magoʼe kanisole vayanagi huʼa ge huge afige huʼnae. Huteʼapaeʼmo Yesuʼa ayatalateʼmo nofi kiʼa ateteʼa avaleliʼuʼa kiyape vekamo agiʼamo Pailati ayapiʼmo ateʼnae.

Luki 12:5

Ina lafeʼmo koli hisafigeʼna lapa paiguve. Afaʼa lahapaesigeta falitesagenoʼaeʼmo himamuʼaletiʼmo alino ata kopiʼmo yaga auno lapatalesiya vekaekeʼmo koliʼamo hiyo. He, agaefekeʼmo koliʼamo hiyo, huʼna nehuve.

Luki 22:66

Gotilamiyapiʼmo kanisole vayanagi vayatama vayanagi mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa eʼa aliʼa anupa huteʼa Yesuʼmo kanisole vayaʼaitegamo avaleliʼeʼapaeʼmo,

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 15:25

Apakae keʼaepa gemoʼmo hunoʼaeʼmo, apakaetegamo mago hosu kavaʼmo osuʼnovaʼmonanafa nagaefeʼmo fikumo apaini huʼnae, huno avoʼmo kae maleʼniya gemo afole aisiyafeʼmo ani kavaʼmo nehae.

Yoni 7:20

muki asole vayaʼmogimo huʼapaeʼmo, kaipafiʼmo hosu aune vekamo maiʼniye. Ina laʼmo kamagisiyafeʼmo nehiye, huʼa afi geʼnagenoʼaeʼmo,

Yoni 8:48

Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 22:30

Egaʼamo hogote vekamo yagaino neʼapateya vekamoʼmo Yu vayaʼmogi Polofeʼmo hosu kavaʼmo huʼniye, huʼa huʼnaya gemo aepaʼamo afisiyafeʼmo hunoʼaeʼmo, nofiʼmo hatu maetapa ateyo, huno hapa paiteno mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼefeʼmo, Etapa alita anupa huta maiyo, huno ge huʼniye. Eʼa aliʼa anupa huʼa maiʼnagenoʼaeʼmo Poloʼa avalelineno apaulagaleʼmo alino he tino ateʼniye.

Apa 23:1

Poloʼa he tino maiʼnenoʼaeʼmo kanisole vayaʼmo aulu hapaeno apakeʼnenoʼaeʼmo, Konagaʼnimogitapae, huno, Goti aulagaleʼmo nehuva kavafeʼmo yuʼilaga vekaʼnimoʼa agoti huno noʼnate, huno hapa paiʼniye.

Apa 24:20

Eʼa agoti huʼa oʼnatesageʼapaeʼmo manile maiʼnaya vayaʼmogimo kanisole vayaʼai apaulagaleʼmo he tiʼna maiʼnova afinaʼmo hosu kavaʼnimo ageʼnisaya kavafeʼmo afaʼa kaha paigae.

Apa 4:15

Inagi anakaefeʼmo huʼapaeʼmo, kumatega utana lamiʼao, huʼa hana paiteʼapaeʼmo,

Apa 5:21

Apa vayaʼmogimo geʼamo afiteʼa akame huʼa kotilamiyapiʼmo uʼa alopa mono nopiʼmo uʼa haiʼa aliʼa apaya maleʼnae. Mono huʼa neʼapataya vayaʼaiteʼmo yagaino neʼapateya vekaʼe vayaʼamogiʼeʼmo muki Yu vayaʼaiteʼmo yagaiʼa neʼapataya vayatama vayaʼaifeʼmo ge huʼnageʼa eʼa kanisole vayaʼeʼmo aliʼa anupa huʼa maiʼnae. Maiʼneʼapaeʼmo ati vayaʼaifeʼmo huʼapaeʼmo, uta kalavusi nopatiʼmo apavalelitapa eyo, huteʼa aliʼa apateʼnageʼa uʼnae.

Apa 5:27

Apakaemo apavaleliʼeʼa kanisole vayaʼai apaulagaleʼmo aliʼa he tiʼa apateʼnageno mono huʼa neʼapataya vayaʼaiteʼmo yagaino neʼapateya vekamoʼmo loka huno apafi geʼniye,

Apa 6:12

afiteʼapaeʼmo muki vayanagi yagaiʼa neʼapataya vayatama vayanagi keʼaepa gemo aliʼa apaya neʼmalaya vayanagi huʼa he ti uʼa Sitiveniʼmo atafauʼa kanisole vayaʼaitegamo avaleliʼa uʼnae.

Apa 6:15

Kanisole vayaʼai nopiʼmo maiʼnaya vayaʼmogimo aulu haeʼa ageʼnayana Sitiveni augosamoʼmo enisole vekamo augosagana huʼnigeʼa ageʼnae.

Apa 7:37

Ani vekamo Moseseʼa Isaleli vayaʼaifeʼmo hunoʼaeʼmo, Ala kava neʼmo Gotitapimoʼmo mago vekamo agaetegati gemo alinineno aeno hakalo huno lapa paisiya vekamo nagaekana huno maisiya vekamo alino atesigeno lapakaetegamo eminegaiye. Lapakaemo ani vekamoʼmo muki hisiya geʼamo alagepa hutapa afiyo, huno hapa paiʼniye.

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

1 Kolitiyani 6:10

kumayaʼmo neʼaliya vayaʼmofi hapaʼye nehiya vayaʼmofi aniʼmo neteʼa negi nagi gemo nehaya vayaʼmofi huʼa faipa huʼa neʼapataya vayaʼmofi koli yaʼmo aliʼa apamiteʼa kumayaʼmo neʼaliya vayaʼmogimofi huʼa Gotiʼa yagaino neʼapateya koteʼmo uʼa haiʼa oʼmaigae.

1 Kolitiyani 6:6

Vaehae, huʼna, lapakaemo afaʼa alita api aita noʼapatayaʼmonanafa apakesamo afiʼa fatago nosaya vayaʼaitegamo apavalelitapa neʼvae.

1 Tesaloniyani 4:6

Ani kavatefeʼmo fiku yanageʼa mago vayaʼmogi konagaʼapimogifeʼmo humi apateteʼa aliʼa hosu huʼa apategae. Hogoteta hutaeʼmo, Ala kava neʼmoʼa kumai kavaʼmo anonaʼapilefeʼmo apamigiye. Ehetapiye, huta ago lapa paiʼnone.

Taitasi 3:2

Mago vayaʼaifeʼmo huta faipa huta oʼapatetapa kaveta hisaya agufa gemo osutapa yagu yaga kavaʼmo nehutapa muki vayaʼeʼmo alagepa hutapa magokepi lokaeta maiyo, huka hapa paiyo.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 5:9

Gotiʼa aliʼyaʼamo alisiyafeʼmo avaleno aote ateʼnigenoʼaeʼmo agaemo geʼamo akame nehaya vayaʼai apakufamo alino katino neʼapateya kavaʼmo afoʼamoʼmo hamaleʼniye.

Yemisi 2:20

Negi vekae, huʼna, kagesamo afika fatago huʼnanaʼmonanafa alagepa kavaʼmo nosanaʼmofeʼmo kagesamo afika fatago huʼnana kavakamo faligekana huno haneʼniye, huʼna aliʼna kave lisufiye.

Yemisi 3:6

Apavayamo atagana huno haneʼneno alu hosu ge alu hosu gemo nehiye. Lavayamo lagufafiʼmo aise yaʼatomo haneʼniyaʼmonanafa muki lagufaʼamo alagi alino hosu huno neʼate. Lavayamoʼa ata kotegatiʼmo atamo aelineno muki vayaʼamogita lahaopaleʼmo kae maleʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.

1 Pita 3:9

Inagi mago vayaʼmogimo lapakaetegamo hosu kavaʼmo nehisagetapaeʼmo anonaʼapilefeʼmo hosu kavaʼmo osiyo. Mago vayaʼmogimo lifana huʼa lapatesagetapaeʼmo anonaʼapileʼmo alita auleta apateyo. Gotiʼa ani kavaʼmo hisagenoʼaeʼmo alino auleno lapatesiyafeʼmo keya aeno ge huʼniye.

1 Yoni 2:9

Mago vekamoʼmo hunoʼaeʼmo, ha le yategamo neʼmauve, huno huteno konagaʼaeʼmo aini huʼnisiyana hanipiʼmo maime maime neʼe.

1 Yoni 3:10

Muki vayaʼmogi fatago kavaʼmo nosaya vayaʼmo Goti mafaʼneʼamo oʼmaiʼnae. Konagaʼapieʼmo nohapaiya vayaʼmogimo ani kavaʼmo huʼa Goti mafaʼneʼamo oʼmaiʼnae. Ani kavatetiʼmo Goti mafaʼnemo maiʼnafi Satani mafaʼnemo maiʼnafi huʼa apakegae.

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.

Yuti 1:9

Neʼapatayaʼmonanafa enisole vayaʼaiteʼmo hogote vekamo yagaino neʼapateya vekamo Maikoʼa Sataniʼeʼmo Mosese agufaʼalefeʼmo ge vaiteʼanaeʼmo Maikoʼa Satanifeʼmo koli huʼniyaʼmofeʼmo huno faipa huno ge ohauʼniyaʼmonanafa, Ala kava neʼmoʼa ge kahaugiye, huno ha paiʼniye.

Leveleseni 20:14

Gotiʼa nefaliya kavaʼe vayaʼmo faliʼnageno apakupi mafaʼneʼamo uno neʼmaiya kotegaʼeʼmo alino hano huno ataleʼniye. Ata kotupiʼmo maiʼnaya kavaʼmo agiʼamo napa tu afinaʼmo nefaliya kavaʼmae.