Matiyu 5:18 - The Keyagana NT and 25 OT books

¹⁸ Lama ge lapa nepauve, huno, Keʼaepa gemoʼa aise yaʼatomo alagena yaʼmo magoke yaʼatomo alagi hano osuno afaʼa haneme haneme neʼvisigeno kokuʼnaʼe mopaʼeʼmo hano hugiye. Hogoteno muki keʼaepa geʼamo afole aite afole aite huno afole aino hano hugiye.

Matiyu 5:18 ပူးပေါင်းရင်းမြစ်များ

Samu 119:152

Nagaemo akeyaʼvilagamo kavayafatiʼmo huʼnana keʼaepa gekamo faika ateʼnanaʼmofeʼmo muki afinaʼmo afaʼa hanegaiye, huʼna ago afiʼnove.

Aiyeya 40:8

Kahaumo vaige ausemo hifalige nehiyaʼmonanafa Gotitimo geʼamoʼmo muki afinaʼaeʼmo hano osuno afaʼa hanege hanege huno hanegaiye.

Aiyeya 51:6

Kokuʼnaʼmo halinagana huno alagi hano hisigeʼa oʼagegayaʼmofeʼmo lapakaemo anaga kokuʼnategamo alita maku hutapa ageyo. Ma mopamo kukena yakana huno atafa hegaiyaʼmofeʼmo lapakaemo afelaga mopafiʼmo aulu heyo. Muki ma mopafi vayaʼmo ani kava huʼa faligayaʼmonanafa nagaemo hanege hanege huno hanesiya fatago kavaʼniletiʼmo vayaʼnimo alagi apakufamo aliʼna katiʼna apatesugeʼa muki afinaʼmo maige maige huʼa maigae. Maisageʼa vayaʼmogi fatago kavaʼnimo aliʼa hano huʼa oʼatalegae.

Matiyu 10:15

Lama ge lapa nepauve, huno, Gotiʼa agoti huno apatesiya afinaʼmo Gomola taonifiʼmo maiʼnaya vayaʼe Sotomi taonifiʼmo maiʼnaya vayaʼeʼmo hanageke yaʼmo aligayaʼmonanafa ani taonifiʼmo maiʼnaya vayaʼmogimo magoʼe huʼa aeʼa apaka seʼa lusi hanageke yaʼmo aligae.

Matiyu 10:23

Mago taonifatiʼmo apaini huʼa lapatesagetapaeʼmo ataletapa lapaune hetaletapa alu taonifiʼmo viyo. Lama ge lapa nepauve, huno, lapakaemo muki Isaleli vayaʼai taoniʼafi taoniʼafiʼmo uteta hutapa hano osuʼnisagenoʼaeʼmo Vemo mafaʼnemo eminegaiye.

Matiyu 10:42

He lama ge lapa nepauve, huno, mago vekamoʼmo afa vekamoʼmo nakame nehiya vekamo agetenoʼaeʼmo nakame nehiya vekamo maiʼniyaʼmofeʼmo lanitani aniʼmo hefino amisiyana miyaʼamo alagi aligiye, huʼna lapa nepauve, huno hapa paiʼniye.

Matiyu 11:11

Lama ge lapa nepauve, huno, Yoniʼa aniʼmo faleno neʼapateya vekamoʼmo muki ma mopafi vayaʼmo ago aeno apaka seʼniyaʼmonanafa Gotiʼa yagaino neʼapateya kegiʼyafiʼmo maiʼnaya vayapatiʼmo henaga vekamoʼmo Yoniʼmo ago aeno aga seʼniye.

Matiyu 13:17

Lama gemo lapa nepauve, huno, asole vayaʼmogi Gotitegati gemo alini eʼa aeʼa hakalo huʼa hapa nepaiya vayaʼe fatago vayaʼmogiʼeʼmo lapakaemo neʼagaya kavaʼmo agesayafeʼmo hapauʼniyaʼmonanafa oʼageʼnae. Lapakaemo neʼafiya gemo afisayafeʼmo hapauʼniyaʼmonanafa oʼafiʼnae.

Matiyu 16:28

Lama ge lapa nepauve, huno, hemenimo mani kanaleʼmo maiʼnaya vayapatiʼmo mago vayaʼamo ofaliʼnisageno Vemo mafaʼnemo ala kini vekaʼapimo emineno yagaino apatesigeʼa agegae, huno hapa paiʼniye.

Matiyu 17:20

Yesuʼa hapa painoʼaeʼmo, aiseʼamo lapakesamo afita fatago nehayaʼmofeʼmae. Lama ge lapa nepauve, huno, lapakesamo afita fatago huʼnaya kavatapimoʼa aise avina yaʼmo masateti avina yakana huno haneʼnisiyana lapakaemo mani aveeʼmo, manileʼmo ataleka mugagayaga uvo, hutapa hisageno ugiye. Osisaya agufa kavaʼmo afaʼa hugae.

Matiyu 18:18

Alagi lama ge lapa nepauve, huno, ma mopafi maiʼnetapaeʼmo kitamo ki malesayana ani kava huno kokuʼnapi vekamoʼmo kitamo ki malegaiye. Kitamo yaki malesayana ani kava huno kokuʼnapi vekamoʼmo kitamo yaki malegaiye.

Matiyu 18:3

alagi lama ge lapa nepauve, huno, mafaʼnegana huno alino hamaleno olapateʼnisayaʼmoʼmo Gotiʼa yagaino neʼapateya kegiʼyafiʼmo uta ohaigae.

Matiyu 19:23

Ago ataleno utegenoʼaeʼmo Yesuʼa geʼamo neʼafiya vayaʼaifeʼmo hunoʼaeʼmo, alagi lama gemo lapa nepauve, huno, kagemi yaʼapimo haneʼniya vayaʼmo Gotiʼa yagaino neʼapateya kopiʼmo haisaya kaʼmo lokiya vaiʼniya kaʼmo haneʼniye.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Matiyu 21:21

Yesuʼa hunoʼaeʼmo, Lama ge lapa nepauve, huno, lapakesamo afita fatago huʼnetapaeʼmo lole lapakesamo oʼafiʼnisayana fiki yosaeʼmo huʼnova agufa gemo afaʼa hugae. Ani kava hutapa mani aveeʼmo, nokamo atalekuka solovala anipiʼmo asagauka aiyo, hutapa hisageno uno asagauno aigiye.

Matiyu 21:31

Haiya mafaʼnemoʼmo afoʼamo geʼamo afiʼniye, huno apafi geʼnigeʼapaeʼmo, yege mafaʼneʼamoʼae, huʼa ha paiʼnae. Yesuʼa hunoʼaeʼmo, lama ge lapa nepauve, huno, takesi moni neʼaliya vayaʼe kumai kavaʼmo nehaya aʼnemogiʼeʼmo aeʼa lapaka seʼa uʼa hogoteʼa Gotiʼa yagaino neʼapateya kopiʼmo uʼa nehaiye.

Matiyu 23:36

Lama ge lapa nepauve, huno, ani hapaeʼnaya kavatefeʼmo muki hemenimo afaʼa maiʼnaya vayaʼmo kayoʼmo lapamigiye, huno hapa paiʼniye.

Matiyu 24:2

muki nokoʼamo ageʼnafiye. Lama ge lapa nepauve, huno, magoke yafateʼmo akalo akalo huno ohanegaifa heʼa halagape vaiʼa ataleteʼa muki yafaʼamo aliʼa akoliʼa aote aote huʼa atalegae, huno hapa paiʼniye.

Matiyu 24:47

Lama ge lapa nepauve, huno, aliʼyaʼmo afoʼamoʼmo muki kagemi yaʼaleʼmo yagaisiyafeʼmo alino he tino ategaiyaʼmonanafa

Matiyu 25:12

geʼapileʼmo aeno atagaina huno hapa painoʼaeʼmo, alagi lama ge lapa nepauve, huno, olapakeʼnove, huno hapa paiʼniye, huno hapa paitenoʼaeʼmo,

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Matiyu 25:45

Afi gesagenoʼaeʼmo, lama ge lapa nepauve, huno, nagae vayapatiʼmo ina agufa naganaʼnimogitegamo ani kava osuʼnayaʼmofeʼmo nagaetegamo osuʼnae, huno hapa paigiye.

Matiyu 5:26

Lama ge kaha nepauve, huno, anonakalefeʼmo alagi maleka hano osisanaʼmoʼmo afaʼa ataleka oʼugane.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 6:2

Aeʼa ati nekaya vayaʼmogimo kagemi yaʼapimo ohaneʼnisiya vayaʼmo apamisayafeʼmo pikuli nehaya vayaʼaifeʼmo hapa paiʼapaeʼmo, hogoteta uta pikulimo hiyo, huʼa hapa nepaiye. Pikulimo huʼnageʼapaeʼmo vayaʼmogi ala apakiʼapimo apamisayafeʼmo mono nopiʼmofi kategamofi huʼa kagemi yaʼapimo ohaneʼniya vayaʼmo neʼapamiye. Ani agufa kavaʼmo osiyo. Lama gemo lapa nepauve, huno, miyaʼapimo ago aliʼnae.

Matiyu 8:10

Yesuʼa ani gemo afitenoʼaeʼmo hau aiʼniye. Agaemo akame nehaya vayaʼaifeʼmo, Lama ge lapa nepauve, huno, Nagaemo muki Isaleli vayaʼai apaipafiʼmo ani agufa lokiya apakesa afiʼa fatago huʼnaya kavaʼapimo oʼapakeʼnove.

Maki 10:15

Lama gemo lapa nepauve, huno, mago vekamoʼmo hunoʼaeʼmo Gotiʼa yagaino nategaiye, huno huteno aise mafaʼnegana huno oʼmaiʼnisiyaʼmoʼmo Gotiʼa yagaino apateʼniya kegiʼyafiʼmo afaʼa uno ohaigiye, huno hapa paiʼniye.

Maki 10:29

lama gemo lapa nepauve, huno muki vayaʼmogimo nagaetefenagi alagepa faigoko gelefenagi huʼa noʼapimo atalege konagaʼapimogimo apatalege apasaʼapimogimo apatalege afoʼapimogimo apatalege itaʼapimogimo apatalege mafaʼneʼapimo apatalege aʼapimo apatalege aʼmafaʼneʼapimo apatalege hoyaʼapimo atalege huʼnisaya vayaʼmogimo hemenimo vani hataleti agufa yaʼmo aliteʼa noʼapigi konagaʼapigi apasaʼapimogiʼe itaʼapimogiʼenagi mafaʼneʼapigi hoyaʼapiʼenagi huʼa aligae. Aligayaʼmonanafa mago vayaʼmogi apakaetegamo hosu kavaʼmo hugayaʼmonanafa henagaʼamo afole aisiya afinaʼmo alagepa huʼa maige maige huʼa maisaya yaʼapimo aliteʼa maigae.

Maki 11:23

Lama gemo lapa nepauve, huno, mago vekamoʼa lole agesamo oʼafiʼneno, hisuva gemo alagi afole aigiye, huno agesamo afino fatago huʼnenoʼaeʼmo mani aveeʼmo, nokamo atalekuka solovala anipiʼmo asagauka aiyo, huno huʼnisiyaʼmoʼmo huvo huno hisiya kavaʼmo afaʼa hugiye.

Maki 12:43

Agaemo geʼamo neʼafiya vayaʼaifeʼmo ge huʼnigeʼa eʼnagenoʼaeʼmo, lama gemo lapa nepauve, huno, mani kogu akanomo kagemi yaʼamo ohaneʼniya kogu aʼmoʼa huʼniya monimoʼmo muki vayaʼamogimo huʼnaya monimo ago aeno aga seʼniye.

Maki 13:30

Lama gemo lapa nepauve, huno, hemeni afinaʼmo maiʼnaya vayapatiʼmo ofaliʼnisageno muki lapa nepauva kavaʼmo afole aigiye.

Maki 14:18

Hiʼyalamuteʼmo maiʼneʼa neʼyaʼmo neʼneʼapaeʼmo Yesuʼa hunoʼaeʼmo, lama gemo lapa nepauve, huno, lapakaepatiʼmo mago vekamo nagaeʼeʼmo magokepi maiʼneno neʼyaʼmo neʼneya vekamoʼmo kame vayaʼmo navaleno apamigiye, huno hapa paiʼniye.

Maki 14:25

Lama gemo lapa nepauve, huno, halate nofi alagafati aniʼmo oʼneʼna maime maime neʼvisugenoʼaeʼmo Gotiʼa yagaino apateʼniya kotetiʼmo saufa aniʼmo lapakaeʼeʼmo magokepi negaune, huno hapa paiʼniye.

Maki 14:30

lama gemo kaha nepauve, huno, ani haniʼilagamo kokolemoʼmo lole afinaʼmo age oʼaiʼnisigekaeʼmo nagaefeʼmo loleʼe magoʼe afinaʼmo hukaeʼmo, oʼageʼnova vekae, huka hugane, huno ha paiʼnigenoʼaeʼmo

Maki 14:9

Lama gemo lapa nepauve, huno, vayaʼmogimo nava gemo mani alagepa faigoko geʼnimo aliʼniʼuʼa muki haopalegamo aeʼa hakalo huʼa hapa paisageʼa afisaya vayaʼmogimo mani aʼmoʼa huʼniya kavafeʼmo apakesa afisayafeʼmo ava gemo huʼa hapa paigae, huno hapa paiʼniye.

Maki 3:28

Lama gemo lapa nepauve, huno, Gotiʼa muki hosu kavaʼapiʼe agaefeʼmo huʼa faipa huʼa neʼataya geʼapiʼeʼmo afaʼa alino atalegaiye.

Maki 6:11

Neʼvisageʼapaeʼmo mago taonifiʼmo maiʼnisaya vayaʼmogimo aliʼa falu fala huʼa olapateʼa getapimo oʼafisayaʼmoʼmo Gotiʼa kavatieʼmo ohauʼniye, huʼa agesayafeʼmo apataleta ugefeʼmo lapaiyaletiʼmo mumusopamo alita fopo hutaletapa viyo. Lama ge huve, huno, Gotiʼa agoti huno apatesiya afinaʼmo Sotomi taonifiʼe Gomola taonifiʼeʼmo maiʼnaya vayaʼmogi mago hosu yaʼmo aligayaʼmonanafa ani taonifiʼmo maiʼnaya vayaʼmogi magoʼe huʼa lusi hosu yaʼmo aligae, huno hapa paiʼniye.

Maki 8:12

Yesuʼa avamusa aitenoʼaeʼmo, na kava higeʼa hemeni afinaʼmo maiʼnaya vayaʼmogi huʼapaeʼmo noʼagona lokiya kavaʼmo alika lave liyo, huʼa nehae. Alagi lama gemo lapa nepauve, huno, nagaemo mago aune kavaʼmo hemeni afinaʼmo maiʼnaya vayaʼaina aliʼna apave oliguve, huno hapa paiteno apataleno halate sipifiʼmo uno haino maiteno mugagayaga faligamo lakaeno uʼniye.

Maki 9:1

Huno hapa paitenoʼaeʼmo, Alagi lama gemo lapa nepauve, huno, hemenimo maiʼnaya vayapatiʼmo mago vayaʼamo ofaliʼneʼa Gotiʼa yagaino apateʼniya kavaʼmo himamuʼaletiʼmo alino afole aino atesigeʼa agegae, huno hapa paiʼniye.

Maki 9:41

Lama gemo lapa nepauve, huno, mago vekamoʼmo lapaketenoʼaeʼmo, Kalaisi vayaʼamo maiʼnae, huno agesa afiteno nagiʼnilefeʼmo kapufi aniʼmo hefino lapamisiyana miyaʼamo aligiye, huno hapa paiʼniye.

Luki 11:51

Hogoteʼa Evoʼmo haeteʼa magoʼe vayaʼmo hapaeme hapaeme eʼa henagaʼamo Sekalaiyasiʼa mono no kumateʼmo haeʼnae. He, lapa paiʼnaeʼmo, Gotiʼa hemeni afinaʼmo maiʼnaya vayaʼmo ani kavatefeʼmo agoti huno apategaiye.

Luki 12:37

Aepa vekamo esiya afinafeʼmo ohavaeʼa afaʼa yagaiʼa maiʼnaya vayaʼmo aulena vayaʼmo maiʼnae. Lama gemo lapa paiʼnaeʼmo hapao ke hetenoʼaeʼmo, eta haitetapa hiʼyalamuteʼmo siyateʼmo maiyo, huno hapa paiteno aliʼyaʼmo neʼaliya kukenamo vailiʼneno neʼyaʼmo fako huno apamigiye.

Luki 13:35

Afiyo, huʼna, Gotiʼa ago lapataleno uʼniye. Nagaemo lapa paiʼnaeʼmo oʼnageta maime maime neʼutapaeʼmo Ala kava neʼmo agiʼalefeʼmo neʼeyanagi aulena vekamo maiʼniye, hutapa hisaya afinaʼmo nagegae, huno hapa paiʼniye.

Luki 16:17

Ani gemo nehuvaʼmonanafa kokuʼnaʼe ma mopaʼeʼmo hano hisiya kavaʼmo alagi kana osuʼniyaʼmonanafa keʼaepa gemoʼmo aiseʼatoʼamo hano hisiyafeʼmo lusi kava huno magoʼe huno kana huʼniye.

Luki 18:17

Lama gemo lapa nepauve, huno, vayaʼmogi Gotiʼa yagaino neʼapateya yaʼmo aise mafaʼnemogi neʼaliya kava huʼa noʼalisayana Gotiʼa yagaino neʼapateya kegiʼyafiʼmo afaʼa uʼa ohaigae, huno hapa paiʼniye.

Luki 18:29

lama gemo lapa nepauve, huno, muki vayaʼmogi Gotiʼa yagaino neʼapateya kavatefeʼmo noʼapigi aʼneʼapigi konagaʼapigi itaʼapi afoʼapimogimo mafaʼneʼapigi huʼa apataleʼeʼa maiʼnisaya vayaʼmo

Luki 23:43

lama gemo kaha nepauve, huno, hemenitomo Palanaisi koteʼmo uka haisanagetaʼa nagaeʼeʼmo maiguʼae, huno ha paiʼniye.

Luki 4:24

Lama gemo lapa nepauve, huno, Gotitegati gemo alini eʼa aeʼa hakalo huʼa hapa nepaiya vayaʼmo afole aiʼnaya koteʼmo uʼnageʼapaeʼmo vayaʼapimogi amuse huʼa noʼapatae.

Yoni 1:51

alagi lama gemo kaha nepauve, huno, kagaemo ageganana kokuʼnaʼmo halo aisigeʼapaeʼmo Goti enisole vayaʼamogi Vemo mafaʼneletiʼmo uʼa haiteʼa emiʼeteʼa hisageka apakegane, huno ha paiʼniye.

Yoni 10:1

Yesuʼa hunoʼaeʼmo, alagi lama gemo lapa nepauve. Mago vekamoʼa sipisipi anagaʼmogi kegiʼya yuʼilagamo haleno haisiyafeʼmo hunoʼaeʼmo kipatetiʼmo uno ohaino kegiʼya afafafatiʼmo aeno haleno nehaisiya vekamo kumaya vekamo maiʼneno vayaʼmo apamagiteno kumayaʼmo neʼaliya vekamo maiʼniye.

Yoni 10:7

Afiʼa aeto osuʼnayaʼmofeʼmo Yesuʼa halate hapa painoʼaeʼmo, alagi lama gemo lapa nepauve. Nagaemo sipisipi anagaʼmogi kipaʼapimo maiʼnove.

Yoni 12:24

Lama gemo lapa nepauve, huno, Avina yaʼmo mopafiʼmo ohakaleʼnisayana magoke avina yaʼmo alagi hanegaiyaʼmonanafa hakale maleʼnisageno falitenoʼaeʼmo halate hageteno asole avina yaʼmo aegaiye.

Yoni 13:16

Lama gemo lapa nepauve, huno, Mago aliʼyaʼmo neʼaliya vekamoʼa aliʼyaʼmo afoʼamoʼmo aeno noʼagase. Ani kava huno apa vekamoʼa alino ateʼnigeno uʼniya vekamo aeno noʼagase.

Yoni 13:38

nagaetefeʼmo falisanafeʼmo alo huʼnapiye. Alagi lama gemo kaha nepauve, kokolemoʼmo age oʼaiʼnisigekaeʼmo nagaefeʼmo oʼageʼnova vekae, huka huteka kakameʼyamo namigane, huno ha paiʼniye.

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 16:20

Alagi lama gemo lapa nepauve, huʼna, lapakaemo aviʼyaʼmo hugayaʼmonanafa ma mopafi vayaʼmogimo apamogaga aigae. Yulagefa aitetapaeʼmo halate aitapa afe letapa lapamogaga aigae.

Yoni 16:23

Ani afinaʼmo afole aisigetapaeʼmo mago kavafeʼmo loka huta nafi okegae. Alagi lama gemo lapa nepauve, huʼna, lapakaemo Afoʼnimofeʼmo nagiʼniletiʼmo muki yafeʼmo afi gesagenoʼaeʼmo afaʼa lapamigiye.

Yoni 21:18

Alagi lama gemo kaha nepauve, neya vekamo maiʼnekaeʼmo kukenakamo kagaikamo alika vaitekaeʼmo kagesa afiʼnana kotegamo afaʼa utaleka neʼane. Henagaʼamo kosuna letekaeʼmo kayaʼmo aeka hayo huʼnisanageno kukenakamo vaino kateteno visanafeʼmo okahauʼnisiya kotegamo kavalelino ugiye, huno ha paiʼniye.

Yoni 3:11

Alagi lama gemo kaha nepauve, huno, afiʼnoʼa gemo lapa paitetaʼa ageʼnoʼa kavafeʼmo aetaʼa hakalo hutaʼa lapa nepauʼaʼmonanafa getiʼamo noʼafiye.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 6:26

Yesuʼa hunoʼaeʼmo, alagi lama gemo lapa nepauve, huno, noʼagaya agufa aune kavaʼmo agetapa aeto huʼnayaʼmofeʼmo nagesayafeʼmo oʼmeʼnafa peleti mayamo lapamiʼnogetapa netapa lapamu huʼnayaʼmofeʼmo nagesayafeʼmo eʼnae.

Yoni 6:32

Alagi lama gemo lapa nepauve, huno, Moseseʼa kokuʼnapati lama ge peleti mayamo oʼapamiʼnifa Afoʼnimokeʼmo kokuʼnapatiʼmo lama ge peleti mayamo nelapamiye.

Yoni 6:47

Alagi lama ge lapa nepauve, huno, Apakesamo afiʼa fatago nehaya vayaʼmo afaʼa maige maige huʼa maisaya yaʼmo ago aliʼnae.

Yoni 6:53

Yesuʼa hunoʼaeʼmo, alagi lama gemo lapa nepauve, huno, lapakaemo Vemo Mafaʼnemo ameʼaʼe kolaʼaʼeʼmo oʼneʼnisayana afaʼa maisaya yaʼmo alagi oʼaliʼnae.

Yoni 8:34

alagi lama gemo lapa nepauve, huno, haiya vayaʼmogi hosu kavaʼmo nehisafigeno hosu kavaʼapimoʼa kalavusi huno apateʼnigeʼa aliʼyaʼamo neʼaliya vayaʼmo maiʼnae.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

Leveleseni 20:11

Hutegeʼnaeʼmo ageʼnovana alopa yaveyave siyamo yagaino neʼapateya vekamo siyaʼamo haneʼnigeno mago vekamo ani siyateʼmo fai maiʼnigeʼna ageʼnove. Ma mopaʼe kokuʼnaʼeʼmo ani vekamo augosamo neʼageʼanaeʼmo anaune heʼana uʼana alagi lageso huʼnaʼae.