Matiyu 5:14 - The Keyagana NT and 25 OT books

¹⁴ Lapakaemo ma mopafi vayaʼai ha le yaʼapigana hutapa maiʼnae. Mago taonimo avefiʼmo ki maleʼnisaya taonimoʼmo fala kino ohanegaifa afole yateʼmo haneʼnisigeʼa agegae.

Matiyu 5:14 ပူးပေါင်းရင်းမြစ်များ

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Yoni 12:36

Ha le yaʼmo neʼapamiya vekamo lapakaeʼeʼmo magokepi lokaeno maiʼniyanagi agaefeʼmo lapakesamo afitapa fatago higenoʼao ha le vayaʼmo ha malegayanagi, huno hapa paiteno apataleno uno fala kino maiʼniye.

Yoni 5:35

Yoniʼa lamugana huno aeno ha leʼniye. Lapakaemo aeno ha leʼniya yategamo etapa maiʼneta agaefeʼmo aise afinaʼmo amuse huʼnae.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 9:5

Ma mopafiʼmo maiʼneʼnaeʼmo ma mopafi vayaʼai ha le yaʼapigana huʼna maiʼneʼna aeʼna ha leʼna neʼapatove, huno hapa paiteno

2 Kolitiyani 6:14

Alu anagufaʼe alu anagufaʼe afulaʼmo magokepi lokaeʼana aliʼyaʼmo alisaʼafeʼmo yosaletiʼmo kiʼa anatafauʼana noʼanatae. Noʼanataya kava hutapa apakesamo afiʼa fatago osuʼnaya vayaʼeʼmo magokepi lokaeta aliʼyaʼmo oʼaliyo. Haiya kava huʼana alagepa kavaʼe hosu kavaʼeʼmo afalu afalugana huʼana magokepi lokaeʼana hanegaʼae. Haiya kava huʼana ha le yaʼe hani yaʼeʼmo afalu afalu huʼana magokepi lokaeʼana hanegaʼae.

Filipai 2:15

Vaiʼmo olapamisageno lapaipafiʼmo hosu kavatapimo ohaneʼnisiya Goti mafaʼneʼamo maigae. Lapakaemo hosu kavaʼmo nehaya vayaʼe hosu apaipa apakesamo neʼafiya vayaʼeʼmo maiʼnaya folagapiʼmo neʼmaiyaʼmofeʼmo lama gemokeʼmo afaʼa maisaya yaʼmo neʼapamiya geleʼmo atafautapa alagi huʼnetapa ha le yakana hutapa maiʼnetapaeʼmo ha le yaʼmo apamiyo. Lapakaemo ani kavaʼmo hutapa maiʼnisayana Kalaisi afinaʼmo afole aisigeʼnaeʼmo, nayamufa aliʼyaʼmo fikumo aliʼna ataleʼnove, huʼna osugufa namogaga aiguve.

1 Tesaloniyani 5:5

Lagaemo hanipiʼmo oʼmaige haniʼilagamo umenitata nehaya vayakana huta oʼmaige huʼnone. Mukiʼamogitapamo ha le yategamo maiʼnetapa felugamo umenitata nehaya vayakana hutapa maiʼnae.

Leveleseni 1:20

Seveniʼa kanefiʼmo lamaga nayapiʼmo haneʼnigeka ageʼnana kanefiʼe seveniʼa goli yafatetiʼmo alo huʼnaya hiʼyalamuʼefeʼmo aepaʼamo haneʼniyana alino fala ki maleʼniya kavafeʼmo aepaʼamo kaha paiguve. Seveniʼa kanefiʼmo haneʼniya kava huʼa seveniʼa siosifiʼmo apa vayaʼmo maiʼnae. Seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo haneʼniya kava huno seveniʼa siosiʼamo haneʼniye.

Leveleseni 2:5

Lapakaemo muga anaga alagepa kavategatiʼmo ataleta asagautapa aiʼnayanagi hogoteta huʼnaya kavafeʼmo halate lapakesamo afita ho hiyo. Lapaipamo alita afe letetapaeʼmo hogoteta huʼnaya agufa kavaʼmo hiyo. Lapaipamo alita afe olesayana emineʼnaeʼmo aise hiʼyalamutapileʼmo lamumo neʼmalaya hiʼyalamuʼmo aliniʼna uguve.