Matiyu 5:12 - The Keyagana NT and 25 OT books

¹² Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Matiyu 5:12 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

1 Kini 18:13

Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnageʼnaeʼmo Gotitegati gemo aliniʼeʼa aeʼa hakalo nehaya vayaʼmo vani hataletiʼa vayaʼmo fifiti fifti huʼna lole yafa katalapiʼmo aliʼna fala kiʼna apateʼnove. Yagaiʼna apateteʼna neʼyaʼmo apamige aniʼmo apamige huʼnove. Mago vekamoʼmo huʼnova kavafeʼmo ava gemo huno kaha opaiʼnifiye.

1 Kini 18:4

Koli huʼniyaʼmofeʼmo kuvini a kanomo Yeyemeliʼmo Ala kava neʼmo geʼamo aliniʼeʼa aeʼa hakalo nehaya vayaʼmo kamitimo apamagiʼnigeʼa faliʼnagenoʼaeʼmo Omanaiyaʼmo ani agufa vayaʼmo Ala kava neʼmo geʼamo aliniʼeʼa aeʼa hakalo nehaya vayaʼmo vani hataletiʼa vayaʼmo apavaleno alino alopa yafa kapiʼmo fala kino apateʼniye. Agaemo alu yafa kapiʼmo fifitiʼa vayaʼmo fala kino apateteno alu yafa kapiʼmo fifitiʼa vayaʼmo fala kino apateʼniye. Agaemo yagaino apateʼnenoʼaeʼmo neʼyaʼmo apamige aniʼmo apamige huʼniye.

1 Kini 19:2

Yeyemeʼmo afitenoʼaeʼmo Ilaiyategamo ina ge huno ge huno atalegeno uʼniye. Inagi nagaemo kagaemo ani Meo geʼamo aeʼa hakalo nehaya vayaʼmo kamitimo apaiʼnana agufa kavaʼmo huʼna egamo mani hemeni agufa kanaleʼmo kaisugeka apaiʼnana vayakana huka maigane. Nagaemo ani agufa kavaʼmo osisuvaʼmoʼmo kanale kavanageʼa gotigimo kamitimo namagigae, huno huteno agoʼyamo ataleʼniye.

1 Kini 21:20

Ha paiʼnigeno Ilaiyaʼmo Ehapitegamo uʼnigeno Ehapiʼmo Ilaiyafeʼmo ha painoʼaeʼmo, Kame vekaʼnimogae, huno, nagaefeʼmo kahauya hulikeka nageʼnapiye, huno huʼnigeno, Kagaeteʼmo hosu kavaʼmoʼa yagaino katesigeka Ala kava neʼmo aulagaleʼmo hosu kavaʼmo huka kalavusi aliʼyaʼamo alisanafeʼmo kagufamo maketi hu maleʼnanaʼmofeʼmo kagaefeʼmo kahauya huliʼneʼna kageʼnove.

2 Kini 1:9

Inagi kini vekamoʼmo ati vayaʼaiteʼmo yagaino apateʼniya vekaʼe fifitiʼa ati vayaʼeʼmo alino apateʼnigeʼa uʼa Ilaiyaʼmo avaleliʼa esayafeʼmo neʼuʼapaeʼmo agayana Ilaiyaʼmo mago aise avefiʼmo fai maiʼnigeʼa ageʼnae. Inagi ati vayaʼaiteʼmo yagaino neʼapateya vekamoʼmo Ilaiyafeʼmo ha painoʼaeʼmo, Goti vekaʼamogae, huno, Kini vekamoʼmo hunoʼaeʼmo, Kagaemo eka emikeno, huno huʼniye.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Samu 19:11

Gekamoʼmo, ehekae, huno nehigeʼnaeʼmo aliʼyakamo neʼaluva vekamoʼnamo afiteʼnaeʼmo atete nehuve. Gekamo akame nehaya vayaʼmogimo alopa miyaʼapimo aligae.

Samu 58:11

Vayaʼmogimo ina ge huʼapaeʼmo, Fatago vayaʼmogimo alagepa miyaʼapimo alagikeʼmo aligae. Gotiʼa ma mopafi vayaʼmo alagikeʼmo alino fako nehiye, huʼa hugae.

Mai'naya kavane 11:18

Hosu vekamoʼmo aliʼyaʼaletiʼmo miyaʼamo hano hisiya miyaʼmo aligiyaʼmonanafa avina yaʼmo nehakalaya kava huno fatago kavaʼmo huʼniya vekamoʼmo henagaʼamo alagi alagepa miyaʼmo aligiye.

Aiyeya 3:10

Alagepa fatago kavaʼmo nehaya vayaʼaifeʼmo, lapakaemo alagepa hutapa maigae, huka hapa paiyo. Alagepa kavaʼapimoʼmo neʼyaʼamo negayaʼmofeʼmae. Negayaʼmonanafa hosu vayaʼmo hanageke yaʼmo aligae. Hosu kavaʼapimo miyaʼamo aligayaʼmofeʼmae.

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Luki 13:34

Yulusalemuvo, Yulusalemuvo, huʼna, monoteʼmo yagaiʼnaya vayaʼmogitapamo lapakaemo Gotitegati gemo alini eʼa aeʼa hakalo huʼa hapa nepaiya vayaʼmo apamagige alino apateʼnigeʼa lapakaetegamo uʼnaya vayaʼmo yafa kayotetiʼmo kamitimo apamagige huta neʼmaiya vayane. Kokolemogimo apanaʼaumo aliʼa hapakufiʼmo neʼapataya kava huʼna muki afinaʼmo mafaʼnetapimo nagaetega apavaleliʼna esuvafeʼmo nahauʼniyaʼmonanafa lapakaemo olapauʼniye.

Luki 6:23

Ani agufa kavaʼmo lapakaetegamo hisaya afinaʼmo lapamogaga aitetapa lapavayagunagu nehutapaeʼmo aeta hailo hiyo kokuʼnapatiʼmo alopa miyatapimo aligae. Lapakaetegamo hisaya agufa kavaʼmo huʼa apakinago vayaʼmogi ani kavaʼmo huʼa Gotitegati gemo alini eʼa aeʼa hakalo huʼa hapa nepaiya vayaʼaitegamo huʼnayaʼmofeʼmo lapamogaga aiyo.

Luki 6:35

Lapakaemo kame vayatapieʼmo lapau lapayamopafiʼmo lahapauʼnisigetapa alagepa kavaʼmo huteta anonatapileʼmo halate alisayafeʼmo lapakesamo oʼafita fikumo apamiyo alopa yatapimo aligae. Ala kava neʼmo anaga hogote vekamoʼmo muki yaʼamo neʼapamigeʼa aliteʼapaeʼmo kahao ke hove, huʼa osuʼa fiku neʼaliya vayaʼe hapaku ataleʼneʼa neʼaliya vayaʼeʼmo alagepa kavaʼmo huno yagaino neʼapateyaʼmofeʼmo ani agufa kavaʼmo hisayaʼmoʼmo mafaʼneʼamo maigae.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

Apa 5:41

Apa vayaʼmo kanisole vayaʼai nopatiʼmo ataleʼa kumatega uʼa nelamiʼapaeʼmo, Vae, huʼa, Gotiʼa lagaefeʼmo hunoʼaeʼmo, Yesu agiʼalefeʼmo apavagage hisaya yaʼmo afaʼa alisaya agufa kavaʼmo huʼa maiʼnae, huno agesa afiʼniye, huʼa huteʼa lusi kava huʼa apamogaga aiʼnae.

Lomu 5:3

Afole aisiya kavafekeʼmo lamogaga noʼaunaʼmonanafa hanageke yaʼeʼmo aliʼnetaeʼmo lamogaga neʼaune. Ani hanageke yatetiʼmo laha maesiyafeʼmo oʼataleta atafauta alagi huta maiʼnisunagenoʼaeʼmo lokiya vaino lategaiye, huta ago afiʼnonaʼmofeʼmo lamogaga neʼaune.

1 Kolitiyani 3:8

Avina yaʼmo nehakalaya vayaʼe aniʼmo nelakiya vayaʼmogiʼeʼmo magoke agufa aliʼyaʼmo neʼaliyanageʼa haiya agufa kavaʼmo huʼa aliʼyaʼapimo neʼalisafigeʼa ani kava huʼa miyaʼapimo apamete apamete huʼa aligae.

2 Kolitiyani 4:17

Aise hanageke yaʼmo aise afinaʼmo neʼaluna kavaʼmoʼa alino alo huno nelateyanageta anonaʼaleʼmo lusi kava huno aeno agaseʼniya ha le konali yatimo hanege hanege huno hanesiya ha le konali yatimo aligune.

Filipai 1:29

He, Gotiʼa Kalaisifekeʼmo lapakesamo afita fatago hisaya kavaʼageʼmo fikumo olapamiʼnifa agaetefeʼmo lapakafu kisiya kavaʼeʼmo lapamiʼniye.

Filipai 2:17

Lapakesamo afita fatago huʼnetapaeʼmo alagepa kavaʼmo nehaya kavaʼmoʼa lapakaemo Gotiʼmo ofalini neʼamiya yakana huno haneʼniye. Namagisageʼna faliʼnaeʼmo kolaʼnimo lapakae ofalinileʼmo laki malesuvana namogaga aiteʼna lapakaeʼeʼmo magokepi lamogaga aigune.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

Kolosi 3:24

Ala kava neʼmo Kalaisi aliʼyaʼamo neʼaliyaʼmofeʼmo ago afiʼnayana Ala kava neʼmoʼa alo hu maleʼniya yapatiʼmo miyatapimo lapamigiye.

1 Tesaloniyani 2:15

Yu vayaʼmogimo akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼapimo kamitimo apamagige Ala kava neʼmo Yesuʼa kamitimo amagige huteʼapaeʼmo hemenimo lagaefeʼmo apaini huʼa nelatae. Apakaemo Gotiʼa alagi ohauʼniya agufa kavaʼmo nehuʼapaeʼmo muki vayaʼaifeʼmo kame huʼa neʼapatae.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

Himulu 11:26

Agaemo Gotiʼa amisiya miyafekeʼmo agesamo afiʼniyaʼmofeʼmo Kalaisi agiʼalefeʼmo huʼa faipa huʼa natesaya kavaʼmo hogote kanale kavaʼmo haneʼnigeno Isipi koteʼmo haneʼniya kagemi yaʼe konali yaʼefeʼmo henaga yaʼmo ina agufa yaʼmo haneʼniye, huno agesamo afiʼniye.

Himulu 11:33

Apakaemo apakesamo afiʼa fatago huʼnaya kavatetiʼmo alu nofi vaya alu nofi vayaʼai ati vayaʼapiʼeʼmo kamemo huʼa aeʼa apakaseʼnae. Apakaemo vayaʼai kavaʼapimo aliʼa fako huʼa apateʼnageʼapaeʼmo alagepa kavaʼmo huʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo ago aliʼnae. Afela laiyonimogimo hapaesaya kavaʼmo huʼnayaʼmonanafa apakesamo afiʼa fatago huʼnaya kavatetiʼmo apavayamo alino akaniʼniye.

Himulu 11:6

Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.

Yemisi 1:2

Konagaʼnimogitapae, huʼna, lapakaemo asole hanageke kavapiʼmo asagautapa aiʼnisayaʼmoʼmo lapamalageka nehisigetapaeʼmo lusi kava huta lamogaga aisuna agufa kavaʼmo afole aiʼniye, hutapa lapakesamo afiyo.

Yemisi 5:10

Konagaʼnimogitapae, huʼna, ema akeyaʼvilaga vayaʼmogi Gotitegati gemo alini eʼa aeʼa hakalo huʼa hapa nepaiya vayaʼai kavafeʼmo lapakesamo afitetapa apakame hiyo. Apakaemo Ala kava neʼmo agiʼalefeʼmo geʼamo hapa nepaiʼapaeʼmo kana yaʼmo aliʼneʼapaeʼmo oʼataleʼa atafauʼa alagi huʼnae.

1 Pita 4:13

Kana yaʼmo aliʼniya kava huno kana yaʼmo neʼalitapa agaeʼeʼmo magoke agufa kana yaʼmo aliʼnayaʼmofeʼmo lapamogaga aiyo. Kalaisi ha le konali yaʼamo afole aisiya afinaʼmo lusi kava hutapa lapamogaga aigayaʼmofeʼmo magoʼe hutapa lapamogaga aiyo.

Luti 2:12

Ala kava neʼmoʼa kaha maeno kamisigeka maiyo. Kagaemo eka Ala kava neʼmo Isaleli vayaʼai Gotiʼapimo hakufiʼmo fala kiʼnananageno alagepa huno yagaino kategaiye, huno ha paiʼniye.