Matiyu 5:11 - The Keyagana NT and 25 OT books

¹¹ Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Matiyu 5:11 ပူးပေါင်းရင်းမြစ်များ

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 51:7

Fatago kavaʼnimo alagepa hutapa ageteta keʼaepa geʼnimo lapaipafiʼmo haneʼnisiya vayaʼmogitapae, huʼna, geʼnimo afiyo. Vayaʼmogi lapakaetegamo hosu gemo hisageno lapavagage hisiyafeʼmo koli osiyo. Apakaemo huʼa faipa huʼa lapatesayafeʼmo lapamoʼya oʼaiyo.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Matiyu 10:18

Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Matiyu 10:22

Muki vayaʼmogimo nagiʼnilefeʼmo apaini huʼa lapategayaʼmonanafa oʼataleta atafautapa alagi hutapa maime maime uta atupa afinaʼmo afole aisagenoʼaeʼmo Gotiʼa lapakufamo alino katino lapategaiye.

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 10:39

Ma mopafiʼmo alagepa hutageʼmo maigune, huʼa apakesamo neʼafisaya vayaʼmo alagepa huʼa neʼmaiya kavaʼapimo alagi hano hugiye. Mago vayaʼmogimo nagiʼnilefeʼmo ma mopafiʼmo alagepa huʼa neʼmaiya kavaʼapimo atalesayana alagepa huʼa maisaya yaʼmo aligae.

Matiyu 19:29

Muki vayaʼmogimo nagaetefeʼmo noʼapimo ataleʼa eʼnisafi konagaʼapimogi apataleʼa eʼnisafi apasaʼapimogi apataleʼa eʼnisafi afoʼapimogi apataleʼa eʼnisafi itaʼapimogi apataleʼa eʼnisafi mafaʼneʼapimo apataleʼa eʼnisafi hoyaʼapimo ataleʼa eʼnisafi huʼnisaya vayaʼmogimo vani hataletiʼa agufa yaʼmo aliteʼa alagepa huʼa maige maige huʼa maigae.

Matiyu 24:9

Ani agufa kavaʼmo afole aisigeʼapaeʼmo kalavusi huʼa lapateteʼa lapavaleli uʼa vayaʼai apayapiʼmo lapatesageʼa kayoʼmo lapamiteʼa kamitimo lapamagigae. Apakaemo muki nofi vayaʼmogi nagiʼnilefeʼmo apaini huʼa lapategae.

Matiyu 27:39

Kateʼmo u eʼa huʼnaya vayaʼmogimo keka huteʼapaeʼmo,

Maki 13:13

Muki vayaʼamogimo nagiʼnilefeʼmo lapakaefeʼmo apaini hugae. Hugayaʼmonanafa oʼataleʼa atafauʼa alagi huʼa maime maime neʼvisaya vayaʼaina hano hisiya afinaʼmo apakufamo alino katino apateteno hapau vaigiye.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Maki 4:17

Apamogaga neʼaiyaʼmonanafa hafuʼya oʼaeʼniyaʼmofeʼmo aise afinaʼmo maiʼnagenoʼaeʼmo hanageke kavaʼmo afole neʼaifi Goti geʼamo noʼafiya vayaʼmogi apaini huʼa neʼapatafi huʼa nehageʼapaeʼmo malage huʼa asagauʼa neʼaiye.

Maki 8:35

Ina lagimo ma mopafiʼmo alagepa huʼa maige maige huʼa maisaya kavateʼmo yagaiʼa apateʼa maiʼnisafi falisagenoʼaeʼmo alagepa huʼa neʼmaiya kavaʼapimo alagi hano hugiye. Ina lagimo nagaetefenagi alagepa faigoko geʼnilefenagi huʼa alagepa huʼa maiʼnaya kavaʼapimo ataleʼnisayana alagepa huʼa maisaya yaʼapimo aligae.

Luki 21:12

Ani kavaʼmo afole oʼaiʼnisigeʼapaeʼmo hogoteʼa apaini huʼa lapatege kalavusi huʼa lapatege mono nokopiʼmo agoti huʼa lapateteʼa kalavusi huʼa lapatege hugae. Apakaemo nagiʼnilefeʼmo lapavaleli eʼa alaʼapimo yagaiʼa neʼapataya vayaʼaitegaʼe gamani vayaʼaitegaʼeʼmo aliʼa he tiʼa lapatesagetapaeʼmo nagae nava gemo huta faigoko geʼnimo hapa paigae.

Luki 21:17

Nakame nehayaʼmofeʼmo muki vayaʼmogi lapakaefeʼmo apaini hugayaʼmonanafa

Luki 6:22

Vemo mafaʼnemo akame nehayaʼmofeʼmo vayaʼmogi lapakaefeʼmo apaini huge aliʼa lapafaiʼa lapatalege huʼa faipa huʼa lapateteʼapaeʼmo lapakitapileʼmo aliʼa afepi lapatege hugayaʼmofeʼmo Goti aulena vayaʼamo maiʼnae.

Luki 9:24

Ina lagimo ma mopafiʼmo alagepa huʼa maige maige huʼa maisaya kavafeʼmo hapauʼnisigeʼa yagaiʼa ateʼa maiʼnisafigeno alagepa huʼa neʼmaisaya kavaʼapimo alagi hano hugiyaʼmonanafa ina lagimo nagaetefeʼmo alagepa huʼa neʼmaisaya kavaʼapimo ataleʼnisafigeʼa alagepa huʼa maisaya kavaʼapimo aligae.

Yoni 15:21

Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Yoni 9:28

kagaemo ani vekamo geʼamo neʼafina vekamo maiʼnanaʼmonanafa lagaemo Mosese geʼamo neʼafuna vayaʼmo maiʼnone.

Apa 9:16

Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

Lomu 8:36

Goti mukufiʼmo avoʼmo kae maleʼniya gemoʼa hunoʼaeʼmo, Gotiyo, huʼa, vayaʼmogimo kagaetefeʼmo muki afinaʼmo kamitimo lamagisayafeʼmo nehae. Apakaemo huʼapaeʼmo, kamitimo apamagisuna sipisipi afugana huʼa maiʼnae, huʼa nehae, huno huʼniye.

1 Kolitiyani 4:10

Lagaemo Kalaisitefeʼmo neʼmaunageʼapaeʼmo negi vayaʼmo maiʼnae, huʼa nehayaʼmonanafa lapakaemo Kalaisipiʼmo maiʼnetapaeʼmo agetetapa afiʼnaya vayaʼmo maiʼnae. Lokiya noʼvauna vayaʼmo maiʼnonaʼmonanafa ago lokiya neʼvaiya vayaʼmo maiʼnae. Vaehae, nahauʼnimogitapae, huʼna, Ala lapakimo nelapamiyaʼmonanafa lagaefeʼmo, ina agufa vayaʼmo maiʼnae, huʼa nehae.

2 Kolitiyani 4:11

Yesuʼa afaʼa maiʼniya himamuʼamo kasalisiya lagufaleʼmo lagesayafeʼmo afaʼa neʼmaiyategamo neʼmauna vayaʼmo Yesu agiʼalefeʼmo lamagisageta falisuna kavategamo maiʼnone.

Filipai 1:29

He, Gotiʼa Kalaisifekeʼmo lapakesamo afita fatago hisaya kavaʼageʼmo fikumo olapamiʼnifa agaetefeʼmo lapakafu kisiya kavaʼeʼmo lapamiʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.

1 Pita 4:14

Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.

Leveleseni 2:3

Nagiʼnilefeʼmo hanageke yaʼmo aliʼnetapaeʼmo alagaʼmo olapaeʼnigetapa oʼataleta atafautapa alagi hutapa maiʼnayaʼmonanafa