Matiyu 4:4 - The Keyagana NT and 25 OT books

⁴ Yesuʼa geʼaleʼmo aeno atagaina huno ha painoʼaeʼmo, Goti mukufiʼmo avoʼmo kae maleʼniya gemoʼmo hunoʼaeʼmo, vayaʼmogimo peleti mayaʼageʼmo neʼnisayana alagepa huʼa oʼmaigayaʼmonanafa Gotiʼa avayafatiʼmo muki huʼniya geʼamo afiteʼapaeʼmo alagepa huʼa maigae, huno ha paiʼniye.

Matiyu 4:4 ပူးပေါင်းရင်းမြစ်များ

Hatu maeno apate'niya gemae 16:15

Isaleli vayaʼmogimo ani yaʼmo ageteʼapaeʼmo oʼageʼnaya yaʼmo ageʼnayaʼmofeʼmo mani yaʼmo na agufa yane, huʼa huʼnae. Huʼnagenoʼaeʼmo Moseseʼa hapa painoʼaeʼmo, Ala kava neʼmoʼa peleti mayagana hutapa nesayafeʼmo lapamiʼniye.

Hatu maeno apate'niya gemae 16:35

Isaleli vayaʼmogimo ani neʼyaʼmo fotiʼa kafugamo neʼnae. Neme neme uʼa Kenani vayaʼmo maiʼnaya koteʼmo avaʼyi huʼnae.

Hatu maeno apate'niya gemae 16:8

Moseseʼa magoʼe gemo hapa painoʼaeʼmo, Ala kava neʼmoʼa agaefeʼmo hagalu hagalu hutapa ge hauʼnaya gemo ago afiʼniyaʼmofeʼmo Ala kava neʼmoʼa asole ameʼamo uneʼmo lapamige netepiʼmo netapa lapamu hutetapa maisaya agufa peleti mayamo lapamige hugiye. Laʼagaemo ina lataʼamo maiʼnoʼae. Lapakaemo laʼagaefeʼmo hagalu hagalu hutapa ge nolahaʼaʼmonanafa Ala kava nefekeʼmo ge nehae, huno hapa paiʼniye.

Matiyu 15:11

Apavayafiʼmo neʼnaya neʼyaʼmoʼa alino hosu huno noʼapatefa apavayafatikeʼmo nehaya gemoʼa alino hosu huno neʼapate, huno hapa paiʼniye.

Matiyu 4:10

Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno

Matiyu 4:7

Ha paiʼniyaʼmonanafa Yesuʼa, magoʼe huno mukufiʼmo avoʼmo kae maleʼniya gemoʼmo hunoʼaeʼmo, Ala kava neʼmo Gotitapimofeʼmo amalageka osiyo, huno avoʼmo kae maleʼniye, huno ha paiʼniye.

Maki 7:20

Yesuʼa magoʼe gemo hunoʼaeʼmo, mago vekamoʼmo agaiʼa aipafatiʼmo haineno afole neʼaiya yaʼmokeʼmo agaiʼamo alino hosu huno neʼate.

Luki 4:12

Yesuʼa hunoʼaeʼmo, Goti mukufi gemoʼa hunoʼaeʼmo, Ala kava neʼmo Gotitapimofeʼmo amalageka osiyo, huno huʼniye, huno ha paiʼniye.

Luki 4:4

Yesuʼa geʼaleʼmo aeno atagaina huno ha painoʼaeʼmo, Goti mukufi gemoʼmo hunoʼaeʼmo, vayaʼmogimo peleti mayaʼagekeʼmo nesayana alagepa huʼa oʼmaigayaʼmonanafa muki gemo Gotiʼa avayafatiʼmo huʼniya gemo afiteʼapaekeʼmo alagepa huʼa maigae, huno huʼniye, huno ha paiʼniye.

Luki 4:8

Yesuʼa hunoʼaeʼmo, Sataniyo, huno, nakamelegamo ekuka maiyo. Goti mukufi gemoʼmo hunoʼaeʼmo, Ala kava neʼmo Gotitapimofekeʼmo mono huteta agaiʼa magokeʼageʼmo akame hiyo, huno huʼniye, huno ha paiʼniye.

Yoni 15:26

Nagaemo lapa maesiya vekamo alagi lama gemo aepa Aunemeʼamo Afoʼnimotegatiʼmo aliʼna atesugeno emineno nagaefeʼmo faigoko geʼnimo hugiye.

Yoni 6:63

Nauneʼnameʼmoʼa afaʼa maisaya yaʼmo neʼapamiye. Nagufafati nameʼamoʼmo lapa oʼmaegaiye. Lapa nepauva gefiʼmo aunemeʼamo haneʼniyanageno afaʼa maisaya yaʼmo neʼapamiya gemo haneʼniye.

Lomu 15:4

Akeyaʼvilagamo avoʼmo kae maleʼnaya gemoʼmo alino laya malesiyafeʼmo avoʼmo kae maleʼnae. Goti mukufiʼmo huʼniya gemoʼa laha maesigeta oʼataleta atafauta alagi huta maiʼnisunageno laipamoʼmo falu huʼnisigeta lavayagunagu huta agava maisunafeʼmo avoʼmo kae maleʼnae.

Efasasi 6:17

Gotiʼa lapakufamo alino katino lapateʼniya kavaʼmo aeni kakolitagana huno haneʼniyanagi lagufamo alino katino lateʼniye, hutetapa alita maleyo. Goti geʼamo Aunemeʼamo naipegana huno haneʼniyanagi aliyo.