Matiyu 4:3 - The Keyagana NT and 25 OT books

³ Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Matiyu 4:3 ပူးပေါင်းရင်းမြစ်များ

Hatu maeno apate'niya gemae 16:3

Apakaemo huʼapaeʼmo, Lanakaemo muki vayaʼamo kaʼme kotegamo laga tesigeta falisunafeʼmo lavalelitana eʼnaʼae. Ala kava neʼmoʼa Isipi kotegamo maiʼnisunageno kamitimo lamagiʼniyesinana kanale huʼniyesine. Isipi kotegamo maiʼnetaeʼmo samofiʼmo afu ameʼamo kaege neʼyaʼmo kaege hutetaeʼmo fai maiʼneta neʼyaʼmo neta lamu huʼnone, huʼa huʼnae.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Maki 1:1

Alagepa faigoko geʼamo Yesu Kalaisi Goti mafaʼneʼamo ava gemo ina kava huno aepa faiʼniye.

Maki 3:11

Hosu apaune vayaʼmogi ageteʼapaeʼmo asagauʼa aiteʼa alopa gefatiʼmo huʼapaeʼmo, Goti mafaʼneʼamo maiʼnane, huʼa huʼnae.

Luki 1:35

Aote Aunemeʼamoʼmo Goti himamuʼamo hiyakana huno kagaeteʼmo eminesigeka alika atesana mafaʼneeʼmo, aote vekamo Goti Mafaʼneʼae, huʼa agi aegae.

Luki 22:70

inagi kagaemo hukaeʼmo, Goti Mafaʼneʼamo maiʼnove, huka nehapiye, huʼa ge huʼa afi geʼnagenoʼaeʼmo, lapakaitapimo ani gemo alagi nehae, huno hapa paiʼnigeʼapaeʼmo,

Luki 4:3

Sataniʼa hunoʼaeʼmo, Goti mafaʼneʼamo maiʼnisanaʼmoʼmo mani yafafeʼmo ge hugenoʼao peleti mayamo alino hamaleno, huno ha paiʼnigeno

Luki 4:41

Inagi hosu apaune vayaʼmo asole vayaʼmogi apaipafatiʼmo emi eʼapaeʼmo, Goti mafaʼneʼamo maiʼnane, huʼa alopa gefatiʼmo huʼnae. Kalaisi vekamo maiʼniye, huʼa ago ageʼnayaʼmofeʼmo Yesuʼa hunoʼaeʼmo, ge osuta afa maiyo, huno hapa paiʼniye.

Luki 4:9

Sataniʼa Yulusalemu taonifiʼmo avalelinuno alopa mono noʼmo yatala noʼmo nokatoʼmuleʼmo avalelino haino ateʼnenoʼaeʼmo, Goti mafaʼneʼamo maiʼnisanaʼmoʼmo mopafiʼmo aeka hailo huka asagauka aiyo.

Yoni 1:34

ani kavaʼmo huʼna ageʼnovaʼmofeʼmo ani vekamo Goti mafaʼneʼamae, huʼna aeʼna hakalo nehuve, huno hapa paiʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Yoni 9:35

Yesuʼa aliʼa hafaiʼa ataleʼnaya kavafeʼmo ava gemo afiteno uno kahauya huno agetenoʼaeʼmo, kagaemo Goti mafaʼneʼaeʼmo kagesamo afika fatago nehapiye, huno afi geʼnigenoʼaeʼmo,

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

2 Kolitiyani 1:19

Sailasiʼagi Timotiʼagi nagaiʼnimogi huta Goti Mafaʼneʼamo Yesu Kalaisifeʼmo ava gemo aeta hakalo huta lapa paiʼnona vekamoʼmo lole agufa gemo afoʼamoʼmo oʼmaiʼniye. Agaetefeʼmo he, nehutaeʼmo aita atagineta, haʼao, huta nosune. Agaemo he gemo afoʼamoʼmo maiʼneno lama gemo afoʼamoʼmo maiʼniye.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

1 Tesaloniyani 3:5

Ani kavafeʼmo nahausoli huʼnigeʼnaeʼmo, magoʼe huʼna afaʼa oʼmaiguve, huʼna huteʼna Timotifeʼmo, apakesamo afiʼa fatago nehafigi uka apako, huʼna ha paiʼnove. Sataniʼmo apamalageka huteno aliʼyatimo alino hano huno ataleʼnisifi, huʼna huteʼna lusi kava huʼna koli huteʼna aliʼna ateʼnogeno uʼniye.

Himulu 12:16

Isoʼa kumai kavaʼmo huge mono osuno aote kavafeʼmo, afa kavaʼmo haneʼniye, huno huge huʼniye. Isokana huno maiʼnisiya vekamo lapakaeʼeʼmo oʼmaisiyafeʼmo kava yagaitapa maiyo. Isoʼa yege mafaʼnemo maiʼniyaʼmonanafa aise neʼyaʼmo miya faisiyafeʼmo yege mafaʼnemogi neʼaliya yaʼmo ha maesiya yaʼamo maketi huno fiku ago ataleʼniye.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 7:3

Ita afoʼalaʼmoganimo oʼmaige lotoʼamogimo oʼmaige huʼnae. Alino ateʼniya afinafeʼmo ava gemo ohanege faliʼniya afinafeʼmo ava gemo ohanege huʼnigeno Goti Mafaʼneʼagana huno maiʼneno mono huno neʼapateya vekamo ofalino afaʼa maige maige huno maiʼniye.

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.