Matiyu 4:24 - The Keyagana NT and 25 OT books

²⁴ Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Matiyu 4:24 ပူးပေါင်းရင်းမြစ်များ

Hatu maeno apate'niya gemae 15:26

Apamitenoʼaeʼmo, Lapakaemo Ala kava neʼmo Gotitapimoʼnamo geʼnimo afitetapa naulagaleʼmo alagepa kavaʼmo huge ani kavaʼmo hiyo, huʼna lapa paiʼnova kavaʼmo huge muki keʼaepa geʼnimo akame huge hisayaʼmoʼmo nagaemo Isipi vayaʼmo apamiʼnova agufa kaita kayoʼmo olapamiguve. Ala kava neʼmoʼnageʼmo kaitatapimo aliʼna lahapageʼna nelapatove, huno hapa paiʼniye.

Matiyu 12:22

Ani afinaʼmo mago vayaʼmogi hosu aune vekamo aipafiʼmo maiʼniya vekamo aulagamo ali huʼnigeno agemo noʼaiya vekamo avaleliʼa Yesutegamo eʼnageno Yesuʼa aulagamo alino ayakeno ateʼnigeno ageno ayaketeno agemo aiʼniye.

Matiyu 14:1

Ani afinaʼmo Helotiʼa Galeliya koteʼmo yagaino neʼapateya gamani vekamoʼmo Yesufeʼmo ava gemo huʼnageno afiʼniye.

Matiyu 15:22

Neʼvigenoʼaeʼmo mago Kenani nofi a kanomo ani haopalega maiʼniya a kanomo agaetega eno alopa gefatiʼmo, Ala kava neʼmo Nevini aginagomo, huno, kahau huka nato. Mago hosu aune vekamoʼa aʼmafaʼneʼnimo aipafiʼmo haino maiʼnenoʼaeʼmo alagi alino hosu huno neʼate, huno ha paiʼniyaʼmonanafa

Matiyu 17:15

Ala kava nene, huno, mafaʼneʼnieʼmo kahau huka ato. Negi nagi kavaʼmo nehigeno agufamo alagepa huno nohane. Muki afinaʼae afinaʼaeʼmo atafiʼmo asagauno aige anipiʼmo asagauno aige nehiye.

Matiyu 17:18

Yesuʼa hosu aune vekaeʼmo ke hauʼnigeno ani mafaʼnemo aipafatiʼmo ataleno lamino uʼnigeno ani afinatetiʼmo alagepa huno maiʼniye.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 8:28

Yesuʼa ani kotuʼmo lakaeno mugagayaga faliga Gegasini vayaʼai haopalega uno avaʼyi nehigeʼanaeʼmo lole vekalaʼmo faliʼnaya vayaʼmo kiʼa neʼapataya yafa no kapatiʼmo eʼana Yesuʼeʼmo fotu huʼnaʼae. Anaipafiʼmo hosu apaune vayaʼmo maiʼnayaʼmofeʼmo lusi kava huʼana negi maleteʼana afela kavaʼmo nehaʼa vekalaʼmo maiʼnaʼaʼmofeʼmo muki vayaʼmo ani haopalegamo oʼuʼnae.

Matiyu 8:33

Ani afu anagaʼaiteʼmo yagaiʼa neʼapataya vayaʼmo apaune hetaleʼuʼa taonifilagamo muki huʼniya kavafeʼmo ava gemo huʼa hapa paige Yesuʼa ani lole vekalaʼani anaipafiʼmo hosu apaune vayaʼmo maiʼnaya vekalaʼanitegamo huʼniya kavafeʼmo ava gemo huʼa hapa paige huʼnae.

Matiyu 8:6

Ala kava nene, huno, aliʼyaʼnimo neʼaliya vekamo noʼnifiʼmo lusi kava huno agafu kiʼnigeno alagi kanage kanaga osuno havaeno maiʼniye, huno ha paiʼnigenoʼaeʼmo,

Matiyu 9:26

Ani kavaʼmo huʼniya ava gemo muki haopalegamo aino atagu faeno uneno huʼniye.

Matiyu 9:35

Yesuʼa muki alopa taonifiʼe aise taonifiʼeʼmo uneno huno Yu vayaʼai mono nopiʼmo alino apaya malege Gotiʼa yagaino neʼapateya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege huno uneno huno maiʼniye.

Maki 1:28

Ina kava huʼnigeno malage huno Yesufeʼmo ava gemoʼmo aino atagu faeno muki Galeliya kotegamo uneno huʼniye.

Maki 1:32

Yegemo uno lamino faleʼnigeʼapaeʼmo mago vayaʼmogi Yesutegamo kaita hapauʼniya vayanagi hosu apaune vayaʼmo apaipafiʼmo maiʼnaya vayanagi huʼa apavaleliʼa eʼnae.

Maki 2:3

loleʼe loleʼe vayaʼmogi kanage kanaga osuno neʼmaiya vekamo hiʼyopa aliniʼa Yesutegamo eʼnae.

Maki 2:4

Nopiʼmo ago kili paeʼnayaʼmofeʼmo Yesuʼa maiʼniya haopaleʼmo avaleliʼuʼa ohaiʼnafa apakaemo nokatoʼmuleʼmo aliniʼa uʼa haiʼneʼa Yesuʼa maiʼniya yatetiʼmo nokatoʼmuʼmo aliʼa akai maleʼneʼa hiʼyopa kayoteʼmo nofi aeteʼa atalageno uno lamiʼniye.

Maki 2:9

Nagaemo hosu kavakamo aliʼna ataleʼnove, huʼna huʼnovanageʼna he tika hiʼyopa kayokamo aliteka uvo, huʼna hisuvana haiya kavaʼmo lokiya kavaʼmo ohaneʼniye.

Luki 2:2

Ani afinaʼmo apakimo hogoteʼa aliʼnaya afinaʼmo Kiniyasiʼa Siliya kotega maiʼnaya vayaʼaiteʼmo yagaino apateʼniye.

Luki 4:14

Goti Aunemeʼamoʼmo Yesuʼa lokiya vaino ateʼnigeno halate aino atagi neno Galeliya kotega uʼnigeʼa ageteʼapaeʼmo ava gemo huʼnaya gemo muki Galeliya haopalegamo maiʼnaya vayaʼmogi afiʼnae.

Luki 4:38

Yesuʼa mono nopatiʼmo uno laminoʼaeʼmo Saimoni nopiʼmo uno haiʼniye. Saimoni ayemoʼamoʼmo amuko kaita hauʼnigeno havaeno maiʼniye. Apakaemo Yesufeʼmo huʼapaeʼmo, alika hageka ato, huʼa ha paiʼnae.

Luki 5:15

Huno ha paiʼniyaʼmonanafa Yesufeʼmo ava gemo magoʼe magoʼe huno aino atagu faeno uneno huʼnigeʼapaeʼmo muki asole vayaʼmogimo ani gemo afiteʼapaeʼmo kaita hapauʼniya vayaʼmo alino hapageno apatesiyafeʼmo Yesutegamo eʼa aliʼa anupa huʼa maiʼnae.

Luki 7:17

Ani kavafeʼmo ava gemo huli u eʼa huʼnageno aino atagu faeno muki Yutiya kotegaʼe muki haopalegaʼeʼmo uneno huʼniye.

Yoni 10:21

mago vayaʼamogi huʼapaeʼmo, hosu aune vekamo aipafiʼmo maiʼnisiya vekamoʼa ani agufa gemo afaʼa osugiye. Hosu aune vekamoʼa aulagamo ali huʼnisiya vekamo aulagamo afaʼa alino ayakeno oʼategaiye, huʼa huʼnae.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 15:23

Ani gemo avoʼmo kaeʼapaeʼmo, Konagatimogitapae, huta, Alu nofi vayane. Atiyoki taonifiʼmo maiʼnaya vayaʼe Silisiya kotegamo maiʼnaya vayaʼmogitapaʼeʼmo ge lapamamaeʼnone. Lagaemo konagatapimogitamo apa vayaʼmogitaʼe yagaita neʼapatona vayatama vayaʼmogitaʼeʼmo avoʼmo kaeʼnone.

Apa 15:41

Poloʼe Sailasiʼeʼmo muki Siliya kotegaʼe Silisiya kotegaʼeʼmo u eʼana huʼana siosi vayaʼmo aliʼana lokiya vaiʼana apatemale apatemale huliʼana uʼnaʼae.

Apa 28:9

ageteʼapaeʼmo ani ani agoʼnanenafiʼmo maiʼnaya vayapatiʼmo muki kaita hapauʼniya vayaʼmo ete ete huʼnageno alino hapageno apateʼnigeʼapaeʼmo

Apa 8:7

Agaemo lokiya kavaʼmo huʼnigeʼapaeʼmo hosu apaune vayaʼmo muki vayaʼai apaipafatiʼmo emiʼeʼapaeʼmo alopa gefatiʼmo ge hu maleʼa ataleʼa apaune heʼnae. Agaemo muki kanage kanaga osuʼa neʼmaiya vayaʼmo alino he tino apatege apaiyamo hosuʼniya vayaʼmo alino api aino apatege huʼnigeʼapaeʼmo

Yasuva 6:27

Ani kavatefeʼmo Ala kava neʼmoʼa Yasuvaʼeʼmo magokepi lokaeno maiʼnigenoʼaeʼmo muki kotegamo ala agiʼamoʼmo aino atagu faeno uneno huʼniye.