Matiyu 4:23 - The Keyagana NT and 25 OT books

²³ Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 4:23 ပူးပေါင်းရင်းမြစ်များ

Samu 103:3

Agaemo muki hosu kavaʼnimo alino ataleteno muki kaitaʼnimo alino nahageno neʼnate.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 12:9

Yesuʼa ani kotegatiʼmo atalenuno Yu vayaʼai mono nopiʼmo uno haiʼniye.

Matiyu 13:19

Mago vayaʼmogi Gotiʼa yagaino neʼapateya kavafeʼmo ava gemo afiteʼapaeʼmo alagepa huʼa noʼafisayana hosu vekamoʼmo eno apaipafiʼmo hakaleʼniya avina yaʼmo hapa faleno alinino neʼviye. Ina kava huno kateʼmo asagauno aiʼniya avina yakana huno haneʼniye.

Matiyu 13:54

Agaiʼa taonifiʼmo uno apakae mono nopiʼmo uno haino alino apaya maleʼnigeʼa afiʼa hapau aiteʼapaeʼmo, ani vekamoʼmo afiteno ageʼniya kavaʼe noʼagona agufa aune kavaʼmo nehiya himamuʼaʼeʼmo haiyatetiʼmo aliʼniye.

Matiyu 14:14

Yesuʼa ani agiʼnaleʼmo eno avaʼyi hutenoʼaeʼmo sipifatiʼmo uno lamino apakeyana asole vayaʼmo eʼa maiʼnageno apaketenoʼaeʼmo lusi kava huno hau huno apateteno kaita hapauʼniya vayaʼmo alino hapageno apateʼniye.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Matiyu 3:2

Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.

Matiyu 9:35

Yesuʼa muki alopa taonifiʼe aise taonifiʼeʼmo uneno huno Yu vayaʼai mono nopiʼmo alino apaya malege Gotiʼa yagaino neʼapateya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege huno uneno huno maiʼniye.

Maki 1:14

Apakaemo ani afinaʼmo Yoniʼa ago kalavusi huʼa ateʼnageno maiʼnigenoʼaeʼmo Yesuʼa Galeliya kotegamo uno Gotiʼa yagaino apatesiya kavafeʼmo alagepa faigoko gemo aeno hakalo huno hapa paiʼniye.

Maki 1:21

Yesuʼe geʼamo neʼafiya vayaʼeʼmo Kapeneyamu taonifiʼmo uʼa maiʼnageno Sapati afinaʼmo afole aiʼnigeno Yesuʼa Yu vayaʼai mono nopiʼmo uno haino alino apaya maleʼniye.

Maki 1:39

Huno huteno muki Galeliya kotegamo umenitata huno muki asole mono nopiʼmo aeno hakalo huno hapa paige hosu apaune vayaʼmo alino hapafaino apatalege huʼniye.

Maki 6:2

Agaemo Sapati afinaʼmo Yu vayaʼai mono nopiʼmo uno haino mono gemo aepa faino alino apaya maleʼniye. Asole vayaʼmogi ani gemo afiʼa hapau aiteʼapaeʼmo, mani vekamo ani gemo haiyaʼaletiʼmo aliʼniye. Alagepa agesa afi yaʼmo haiya agufa agesa afi yaʼmo aliʼniyaʼmofeʼmo noʼagona agufa lokiya kavaʼmo nehiye.

Maki 6:6

Agaefeʼmo apakesa afiʼa fatago osuʼnayaʼmofeʼmo agesa alaʼamo afiʼniye. Apatalenuno Goti gemo hapa pai male hapa pai male huno uneno huʼniye.

Luki 10:9

Kaita hapauʼnisiya vayaʼmo alita hapageta apatetetapaeʼmo, Gotiʼa yagaino neʼapateya kavaʼmo lapaopaleʼmo ago eʼniye, huta hapa paiyo.

Luki 13:10

Mago Sapati afinaʼmo Yesuʼa Yu vayaʼai mono nopiʼmo uno haino alino apaya neʼmalegenoʼaeʼmo

Luki 16:16

Keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼmogi geʼapiʼeʼmo haneme haneme neʼegenoʼaeʼmo Yoniʼa afole aiʼniye. Yoniʼa afole aiʼniya afinatetiʼmo Gotiʼa yagaino neʼapateya kavafeʼmo alagepa faigoko geʼamo aeta hakalo huta hapa paime hapa paime eta hemeniʼeʼmo hapa nepaunageʼapaeʼmo muki vayaʼmo afela heʼnaya vayakana huʼa apaya mukiki huʼa uʼa faleʼa nehaiye.

Luki 20:1

Mago afinaʼmo Yesuʼa Yu vayaʼai alopa mono nopiʼmo uno haino alagepa faigoko gemo alino apaya maleʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi keʼaepa gemo avoʼmo kaeʼa aliʼa apaya neʼmalaya vayanagi vayatama vayanagi huʼa eʼa,

Luki 4:14

Goti Aunemeʼamoʼmo Yesuʼa lokiya vaino ateʼnigeno halate aino atagi neno Galeliya kotega uʼnigeʼa ageteʼapaeʼmo ava gemo huʼnaya gemo muki Galeliya haopalegamo maiʼnaya vayaʼmogi afiʼnae.

Luki 5:17

Mago afinaʼmo Yesuʼa mago nopiʼmo uno haino alino apaya neʼmalegeʼapaeʼmo Falasi vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa Galeliya kotegatiʼmo muki taoniʼafatiʼmo ege Yutiya kotegatiʼmo muki taoniʼafatiʼmo ege Yulusalemu taonifatiʼmo ege huʼa eʼa Yesu haopaleʼmo aliʼa anupa huʼa maiʼnae. Yesuʼa Ala kava neʼmo himamuʼamo aliʼnenoʼaeʼmo alino hapageno apateʼniye.

Luki 6:17

Avefatiʼmo Yesuʼe apakaeʼeʼmo emi eʼa otuleʼmo he tiʼa maiʼnae. Asole vayaʼmo geʼamo neʼafiya vayanagi muki Yutiya haopalegatiʼmo ege Yulusalemu taonifatiʼmo ege ani haigifatiʼmo Taiya taonifatiʼe Saitoni taonifatiʼeʼmo ege huʼnae. Geʼamo afisayafeʼmo ege kaitaʼapimo alino hapageno apatesiyafeʼmo ege huʼa eʼa maiʼnae.

Luki 6:6

Mago Sapati afinaʼmo mago vekamo ayaʼmo kalage kiʼniya vekamo mono nopiʼmo maiʼnigeno Yesuʼa uno haino alino apaya maleʼniye.

Luki 7:21

Ani afinaʼmo Yesuʼa muki vayaʼmo alu kaita alu kaitaʼmo hapauʼniya vayaʼmo alino hapageno apatege hosu apaune vayaʼmo vayaʼai apaipafatiʼmo alino hapa faino apatalege apaulagamo ali huʼniya vayaʼmo apaulagamo alino ayakeno apatege huno maiʼniye.

Luki 7:22

Yesuʼa geʼanileʼmo aeno atagaina huno hana painoʼaeʼmo, Yonitegamo utanaeʼmo ageʼna kavaʼe afiʼna geʼeʼmo ava gemo hutana ha paiʼao. Apaulagamo ali huʼniya vayaʼmo aliʼna ayakeʼna apatege apaiyamo hosuʼniya vayaʼmo aliʼna alagepa huʼna apatege lepolosi yaʼmo hapauʼniya vayaʼmo aliʼna apakufalafaʼmo hamaleʼna apatege apakesamo akaniʼniya vayaʼmo aliʼna halo aiʼna apatege faliʼnaya vayaʼmo aliʼna he tiʼna apatege kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa paige nehuve.

Luki 8:1

Aise afinaʼmo utegeno Yesuʼa muki aise taonifiʼe alopa taonifiʼeʼmo alagepa faigoko gemo Gotiʼa yagaino neʼapateya kavafeʼmo ava gemo aeno hakalo huno hapa paimale hapa paimale hulino uneno huʼniye. Agaeʼeʼmo tuolofuʼa vayaʼmo geʼamo neʼafiya vayaʼe

Luki 9:11

Asole vayaʼmogimo afiteʼapaeʼmo Yesuʼa akame huʼa eʼa avaʼyi huʼnagenoʼaeʼmo alino falu fala huno apateteno Gotiʼa yagaino neʼapateya kavafeʼmo ava gemo huno hapa paige kaita hapauʼniya vayaʼmo alino hapageno apatege huʼniye.

Luki 9:60

afa ato, huno, faliʼnaya kavategamo maiʼnaya vayaʼmogimo falisaya vayaʼapimo aliʼa kiʼa apatesaya kavaʼmo haneʼniye. Kagaemo apatalekuka Gotiʼa yagaino neʼapateya kavafeʼmo ava gemo aeka hakalo huka hapa paiyo, huno ha paiʼniye.

Yoni 18:20

muki afinaʼmo vaya apaulagaleʼmo maiʼneʼnaeʼmo aeʼna hakalo huʼna hapa paiʼnove. Nagaemo aliʼa anupa huʼa maiʼnayategamo uʼna alopa mono nopinagi muki asole mono nopinagi huʼna aliʼna apaya maleʼnove. Mago gemo fala okiʼna muki geʼamo huʼna afole aiʼna hapa paiʼnove.

Yoni 6:59

Yesuʼa mani gemo Kapeneyamu taonifiʼmo mono nopiʼmo alino apaya maleʼniye.

Yoni 7:1

Mago afinaʼmo utegeʼapaeʼmo Yu vayaʼmogi Yesuʼmo kamiti amagigune, huʼa huʼnayaʼmofeʼmo Yutiya kotegamo umenitata osuno Galeliya kotegageʼmo umenitata huʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 18:4

Poloʼa muki sapati afinaʼae afinaʼaeʼmo Yu vayaʼai mono nopiʼmo uno haino Yu vayaʼe Galiki vayaʼmogiʼeʼmo apakesa afiʼa fatago hisaya agufa gemo hapa paiʼnigeʼa ani geʼeʼmo huge afige huʼa maitale maitale huʼnae.

Apa 20:25

Nagaemo lapakaetegamo umenitata huʼna Goti kegiʼyafiʼmo neʼmaiya vayaʼaiteʼmo yagaino neʼapateya kavafeʼmo aeʼna hakalo huʼna lapa paiʼnove. Hemenimo ago afiʼnovana halate magoʼe hutapa naugosamo oʼnagegae.

Apa 28:31

Agaemo Gotiʼa neʼyagaiya kavafeʼmo ava gemo aeno hakalo huno hapa paige Ala kava neʼmo Yesu Kalaisifeʼmo ava gemo alino apaya malege huno maiʼniye. Vayaʼmogimo oʼatafauʼnayaʼmofeʼmo mago gemo fala okino muki geʼamo aeno hakalo huno hapa paino maiʼniye.

Lomu 10:15

Mago vekamoʼmo alino apatesigeʼa oʼvisayana haiya kava huʼa uʼa aeʼa hakalo huʼa hapa paigae. Ani kavatefeʼmo avoʼmo kae maleʼniya gemoʼa hunoʼaeʼmo, alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼmogi apaiyamo kanale apaiyamo haneʼnigeʼa aliniʼa neʼae. Apakaemo alagepa kavafeʼmo ava gemo afiteʼa apamogaga aisayafeʼmo ani gemo aliniʼa neʼae.