Matiyu 4:10 - The Keyagana NT and 25 OT books10 Yesuʼa hunoʼaeʼmo, Sataniyo, huno, ataleka kaune ho. Mukufiʼmo avoʼmo kae maleʼniya gemoʼmo hunoʼaeʼmo, Ala kava netapimo Gotitapimofekeʼmo mono hutetapa agaekeʼmo akame hiyo, huno avoʼmo kae maleʼniye, huno ha paiʼnigeno အခန်းကိုကြည့်ပါ။ |
Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.
Mago yalavelaʼmoganimo magoke agufa gemo huʼanaeʼmo, laʼaote laʼaote hutaʼa maiʼnetaʼa neʼyaʼmo oʼnetaʼa mosiʼnetaʼaeʼmo nunumuʼmo huguʼae, huʼana hisaʼamoʼmo aise afinaʼmo anaote anaote huʼana havaeʼneʼanaeʼmo nunumuʼmo huteʼanaeʼmo halate magokepi lokaeʼana havaegaʼae. Lapakufaleʼmo alagepa hutapa yagaitapa olapatesageno Sataniʼa humi lapateteno lapayateʼmo aligiyanagi magokepiʼmo lokaetapa havaeyo.
Inagi Ala kava nefeʼmo koli hutetapa aigofe kavaʼmo osutapa lapaipafatiʼmo alagi lama ge kavaʼmo hutapa aliʼyaʼamo aliyo. Lapakinago vayaʼmogimo Yufaletisi aniʼmo mugagayaga faliga maiʼnayategaʼe Isipi kotegaʼeʼmo aigofe gotigitefeʼmo aliʼyaʼapimo aliʼnae. Lapakaemo ani aigofe gotigimo alita ataletetapa Ala kava nekeʼmo akame hutapa aliʼyaʼamo aliyo.
Inagi Samiyoʼmo muki Isaleli vayaʼaifeʼmo hapa painoʼaeʼmo, Lapakaemo lapaipamo alagi alita afe letetapa Ala kava netegamo halate esayana malaga vayaʼai aigofe gotiʼapimogi alita atalege a kanomo goti auneʼamo mono nehaya auneʼamo alita atalege hiyo. Lapakaemo Ala kava netefekeʼmo lapaipamo alo hutetapa agaiʼageʼmo akame hisayana Filisatini vayaʼai apayapatiʼmo lapakufamo alno katino lapategaiye, huno hapa paiʼniye.