Matiyu 3:7 - The Keyagana NT and 25 OT books

⁷ Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Matiyu 3:7 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Mai'naya kavane 28:4

Keʼaepa gemo akame nosaya vayaʼmogi hosu kavaʼmo nehaya vayaʼai apakiʼapileʼmo aliʼa asagauʼa neʼapatayaʼmonanafa keʼaepa gemo akame nehaya vayaʼmogi kame hugekana huʼa aeʼa apakasesayafeʼmo nehae.

Aiyeya 59:5

Apamupatiʼmo nakaloʼyavemo aino apalo neʼatiye. Apakaemo kakana kafamoʼa kakanaʼmo nekiya agufa kavaʼmo nehae. Ani apamuʼmo nesaya vayaʼmo faligae. Ani apamuʼmo aino apalo atinoʼaeʼmo nakaloyavegeʼmo afole neʼaiye.

Matiyu 12:24

Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 15:12

Huno hapa paitegeʼa geʼamo neʼafiya vayaʼmo agaetegamo eʼa ha paiʼapaeʼmo, Falasi mono vayaʼmogi huʼnana gemo afiteʼapaeʼmo hosu apaipamo kaliʼnae, huka apakeʼnapiye, huʼa afi geʼnagenoʼaeʼmo,

Matiyu 16:1

Mago Falasi mono vayaʼe Satiyusi mono vayaʼeʼmo Yesutegamo eʼa amalageka huʼapaeʼmo, kokuʼnapi himamukaletiʼmo alagena kavaʼmo hugeta ageno, huʼa ha paiʼnae.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Matiyu 22:15

Falasi mono vayaʼmo uʼa aliʼa anupa huʼa maiʼneʼapaeʼmo, na agufa geletiʼmo amalageka hisunageno ge nehisigeta atafausune, huʼa huteʼa ge huge afige huʼa maiʼnae.

Matiyu 22:23

Ani afinaʼmo mago Satiyusi mono vayaʼmo Yesutegamo eʼnae. Apakaemo faliʼnaya vayaʼaifeʼmo he otigae, huʼa apakesamo neʼafiya vayane.

Matiyu 22:34

Mago Falasi vayaʼmo Yu monote yagaiʼnaya vayaʼmo Yesutegamo eʼa aliʼa anupa huʼa maiʼnae.

Matiyu 23:33

Nagaloʼyave vayanagi nagaloʼyave afamo anaga vayane, huʼna, Gotiʼa agoti huno lapatetenoʼaeʼmo, hosu vayaʼmo maiʼnae, huno hisigetapa ata kopiʼmo uta lamigae. Haiya kava hutapa faita kasalo paegae.

Matiyu 5:20

Nagaemo lapa paiʼnaeʼmo, fatago kavatapimoʼmo keʼaepa gemo avoʼmo kaeʼa aliʼa apaya neʼmalaya vayaʼai fatago kavaʼapiʼe Falasi mono vayaʼai fatago kavaʼapiʼeʼmo alagi aeno oʼagasesiyaʼmoʼmo Gotiʼa yagaino neʼapateya koteʼmo uta ohaigae, huno hapa paiʼniye.

Maki 12:13

Apakaemo ataleʼa uteʼa Falasi vayaʼe Helotiʼa akame nehaya vayaʼefeʼmo hapa paiʼapaeʼmo, aneʼaimo hanagi maleʼnageno malage huno neʼatafaiya kava hutapa yagaiʼneta geʼaletiʼmo atafaiyo, huʼa huteʼa aliʼa apateʼnageʼa agaetegamo uʼnae.

Maki 12:18

Satiyusi mono vayaʼmogi faliʼnaya vayaʼaifeʼmo he otigae, huʼa apakesamo neʼafiya vayaʼmo agaetegamo eʼnae. Apakaemo loka huʼa ge huʼa afigeʼapaeʼmo,

Maki 8:15

Yesuʼa lokiya ge hunoʼaeʼmo, alagepa huta kava yagaiyo. Falasi vayaʼai peleti mayafiʼmo aeno apafu neleya yaʼe Heloti akame vayaʼamogi peleti mayafiʼmo aeno apafu neleya yaʼefeʼmo ehetapiye, huno hapa paiʼnigeʼapaeʼmo

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Luki 18:11

Falasi vekamoʼmo he tino maiʼneno agaiʼaeʼmo nunumuʼmo huʼniye. Nunumuʼmo hunoʼaeʼmo, Gotiyo, huno, muki alu vayakana huʼna oʼmaiʼnovaʼmofeʼmo kahao keʼmo nehove. Mago kanale kavaʼmo osuge aigofe gemo huteʼa kumayaʼmo alige kumai kavaʼmo huge nehaya vayakana huʼna oʼmaiʼnove. Ani takesi monimo neʼaliya vekagana huʼna oʼmaiʼnove.

Luki 7:30

Falasi vayaʼe keʼaepa gemo aliʼa apaya neʼmalaya vayaʼmogiʼeʼmo Yoniʼa aniʼmo faleno apatesiyafeʼmo ohapauʼnigeʼapaeʼmo, haʼao, huʼa huʼnayaʼmofeʼmo Gotiʼa hapa maesiya gemo hapa paiyo, huno hapa paiʼniya gemo ago amagiʼa ataleʼnae.

Yoni 1:24

Aliʼa apateʼnageʼa eʼnaya vayaʼmo Falasi mono vayapati vayaʼmo maiʼnae.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Yoni 9:40

Mago Falasi vayaʼmo agaeʼeʼmo magokepi lokaeʼa maiʼnaya vayaʼmogi ani gemo afiteʼapaeʼmo, lagaeʼeʼmo laulagamo ali huʼnifiye, huʼa afi geʼnagenoʼaeʼmo,

Apa 15:5

Hapa paiʼnaʼageʼa afiteʼapaeʼmo mago Falasi vayapatiʼmo apakesamo afiʼa fatago huʼnaya vayaʼmogi he tiʼa huʼapaeʼmo, Haʼao, huʼa, Lapakufamo lagauʼa lapatetesagetapaekeʼmo Mosese keʼaepa gemo akame hiyo, hutapa hapa paiyo, huʼa hapa paiʼnae.

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Apa 26:5

Yatala afinaʼmo nageʼnayaʼmofeʼmo Falasi vayaʼai kavaʼmo kana huʼniya agufa monoʼmo nehaya kavaʼmo yatala afinaʼmo akame huʼniye, huʼa hapa paigefe hapauʼnisiyana ani gemo afaʼa hapa paigae.

Apa 5:17

Ani kavaʼmo nehageʼapaeʼmo hogote vekamo mono huʼa neʼapataya vayaʼaiteʼmo yagaino neʼapateya vekaʼe Satiyusi mono vayapati vayaʼmogiʼeʼmo apa vayaʼaifeʼmo apaipa kafamo hapaeʼnae.

Lomu 1:18

Kokuʼnapatiʼmo Gotiʼa aipamo leno neʼapateya kavaʼamo alino apave neliye. Gotiʼa agaefeʼmo muki mono nosaya kavaʼe muki vayaʼaitegamo muki hosu kavaʼmo nehaya kavateʼefeʼmo aipamo leno neʼapate. Apakaemo hosu kavaʼapiletiʼmo lama geʼamo apaipafiʼmo haneʼniya lama geʼaleʼmo aliʼyaʼmo oʼalisiyafeʼmo aeʼa akaniʼa neʼatae.

Lomu 5:9

Gotiʼa kolaʼamo aino lakino lateʼniya kavatetikeʼmo, naulagaleʼmo fatago vayaʼmo maiʼnae, huno laha paiʼniyaʼmofeʼmo Gotiʼa aipamo leno nelateya kayoʼmo lamisiya kavategatiʼmo magoʼe huno laha maeno lagufamo alino katino lategaiye.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

1 Yoni 3:10

Muki vayaʼmogi fatago kavaʼmo nosaya vayaʼmo Goti mafaʼneʼamo oʼmaiʼnae. Konagaʼapieʼmo nohapaiya vayaʼmogimo ani kavaʼmo huʼa Goti mafaʼneʼamo oʼmaiʼnae. Ani kavatetiʼmo Goti mafaʼnemo maiʼnafi Satani mafaʼnemo maiʼnafi huʼa apakegae.