Matiyu 3:4 - The Keyagana NT and 25 OT books

⁴ Yoniʼa kukenaʼamo kamolu afumo ayokatetiʼmo alo huʼnaya kukenamo vaiteno kamolu agufaletiʼmo alo huʼnaya mapalumo afafaleʼmo aeteno akenuʼe lumemo anuʼeʼmo neno maiʼniye.

Matiyu 3:4 ပူးပေါင်းရင်းမြစ်များ

2 Kini 1:8

apakaemo geʼaleʼmo aeʼa atagaina huʼapaeʼmo, Agaemo afumogi apayokatetiʼmo alo huʼnaya kukenamo vaino aliteno mapaluʼamo pulumaka agufaletiʼmo alo huʼnaya mapaluʼmo aeno aliʼniya vekamoʼae, huʼa ha paiʼnae. Kini vekamoʼmo afitenoʼaeʼmo, Agaemo Tisame taonifi vekamo Ilaiyageʼmae, huno huʼniye.

Malakai 4:5

Afiyo, huʼna, Ala kava neʼmoʼna afinaʼnimo afole aisigeʼapaeʼmo lusi kava huʼa koli hugae. Nagaemo hogoteʼna Ilaiyaʼmo nagaetegati gemo alinineno aeno hakalo huno hapa nepaiya vekamo aliʼna atesugeno eno hogotegaiye.

Matiyu 11:18

Yoniʼa eno neʼyaʼe aniʼeʼmo oʼneno mosino maiʼnigeʼapaeʼmo ohapauʼnigeʼa hosu aune vekamo aipafiʼmo maiʼniye, huʼa huʼnae.

Matiyu 11:8

Hopamo agesayafeʼmo oʼuʼnisayana na agufa vekamo agesayafeʼmo uʼnae. Lapakaemo alagepa kukenamo vaiʼniya vekamo agesayafeʼmo uʼnafiye. Haʼao alagepa kukenamo neʼvaiya vayaʼmo yagaiʼa neʼapataya vayaʼai nopikeʼmo maiʼnae.

Maki 1:6

Yoni kukena yaʼamo kamo afumo ayokatetiʼmo alo hu maleʼnaya kukenamo vaiteno afafaleʼmo kamo agufaletiʼmoalohumaleʼnaya mapaluʼmo aeteno akenuʼe afela lumemo anuʼeʼmo neno maiʼniye.

Luki 1:17

Agaemo Aunemeʼamo lokiyaʼamo aliteno Ilaiyaʼa huʼniya agufa kavaʼmo huno uno hogotesigeno Ala kava neʼmo agae akameʼmo huno eminegaiye. Agaemo vayaʼmogi apaipamo alino aino afe leno apatesigeʼapaeʼmo mafaʼneʼapieʼmo alagepa apaipamo kaliʼa apategae. Agaemo ge noʼafisaya vayaʼmo apaipamo alino afe leno apatesigeʼapaeʼmo fatago vayaʼmogi neʼaliya agufa apaipa apakesamo aligae. Agaemo Ala kava neʼmo vayaʼamo agaetefeʼmo alo huno apategaiye, huno ha paiʼniye.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.