Matiyu 3:2 - The Keyagana NT and 25 OT books

² Hapa painoʼaeʼmo, Gotiʼa vayaʼaiteʼmo yagaino apatesiya afinaʼmo alagi ago hogo huʼniyanagi lapaipamo alita afe leyo, huno hapa paino maiʼniye.

Matiyu 3:2 ပူးပေါင်းရင်းမြစ်များ

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Matiyu 10:7

Utapaeʼmo, Gotiʼa yagaino apatesiya kavaʼmo alagi hogoʼamo afole aigefeʼmo hiye, hutapa aeta hakalo huta hapa paiyo.

Matiyu 11:20

Yesuʼa muki umenitata huʼniya taoniʼafi taoniʼafiʼmo asole noʼagaya agufa lokiya aune kavaʼmo huʼniyaʼmonanafa apaipamo aliʼa afe oleʼnayaʼmofeʼmo ani afinaʼmo aepa faino ge hapauʼniye.

Matiyu 12:41

Akeyaʼvilagamo Niniva taonifiʼmo maiʼnaya vayaʼmogimo Gotiʼa muki vayaʼmo agoti huno apatesiya afinaʼmo he tiʼa hemenimo maiʼnaya vayaʼaifeʼmo, lapakaemo hosu kavaʼmo huʼnae, huʼa hapa paigae. Na kava hinageʼapaene. Yonaʼa Goti geʼamo aeno hakalo huno hapa paiʼnigeʼa afiteʼa apaipamo aliʼa afe leʼnayaʼmonanafa hemenimo manile maiʼniya vekamoʼmo Yonaʼmo ago aeno aga seno maiʼniya vekamoʼmo Goti geʼamo aeno hakalo huno hapa nepaigeʼapaeʼmo hemenimo maiʼnaya vayaʼmogimo apaipamo aliʼa afe nolayaʼmofeʼmae.

Matiyu 13:11

Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.

Matiyu 13:24

Magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo mago hoyagana huno haneʼniye. Mago vekamoʼmo hoyaʼafiʼmo alagepa avina yaʼmo hakale maleʼniye.

Matiyu 13:31

Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago vekamoʼmo masateti avina yaʼmo hoyaʼafiʼmo fai maleʼniya avina yakana huno haneʼniye.

Matiyu 13:33

huno huteno Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago aʼmoʼa falaovafiʼmo neʼataya yaʼmo agiʼamo yisimo alino alopa falaovafiʼmo ate maleʼnigenoʼaeʼmo uneno huno muki falaovafiʼmo aliʼyaʼmo aliʼnigeno aeno apafu nele, huno hapa paiʼniye.

Matiyu 13:47

Halate Gotiʼa vayaʼaiteʼmo yagaino neʼapateya kavafeʼmo lapa paiʼnaeʼmo, vayaʼmogimo umenimo solovala anipiʼmo yaga au maleʼnageʼapaeʼmo muki alu noyame alu noyamemo uʼa haiʼa maiʼnae.

Matiyu 13:52

Agaemo hapa painoʼaeʼmo, Afamo anagaʼai afoʼapimo noʼapifiʼmo alagepa yaʼmo saufamo ageno maleʼniya yaʼe akeyaʼvilaga ageno maleʼniya yapatiʼeʼmo alino afamo anagaʼamo neʼapamiya kava huʼa muki keʼaepa gemo tisa vayaʼmogimo Gotiʼa yagaino neʼapateya kavafeʼmo aliʼa apaya maleʼnageʼa afiʼnaya tisa vayaʼapimogi saufa geʼe atafa geʼeʼmo aliʼa neʼapamiye, huno hapa paiʼniye.

Matiyu 18:23

Ani kava hisaya kavaʼmo haneʼniyaʼmofeʼmo mago kini vekamoʼmo huʼniya kava huno Gotiʼa yagaino apategaiye. Kini vekaʼapimoʼa aliʼyaʼamo neʼaliya vayaʼai anonaʼapilefeʼmo alino alagepa huno avoʼmo kaeʼniye.

Matiyu 20:1

Yesuʼa hunoʼaeʼmo, Gotiʼmo yagaino neʼapateya kavaʼmo haneʼniya kava huno mago nofi hoyamo afoʼamoʼmo kotilamiyapiʼmo uno vayaʼmo apavalelineno apatesigeʼa aliʼyaʼamo alisayafeʼmo uʼniye.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 25:1

Gotiʼa yagaino apatesiya afinaʼmo afole aisigenoʼaeʼmo hisiya kava huno naya loleʼa aʼmafaʼne anagaʼmogimo veʼeʼmo lokaeʼa ohavaeʼnaya aʼmafaʼne anagaʼaitegamo afole aiʼniye. Ani aʼmafaʼne anagaʼmogimo saufa aʼmo alisiyafeʼmo huʼniya vekaʼeʼmo uʼa fotu hisayafeʼmo uʼnae.

Matiyu 25:14

Ani kava huno Gotiʼa yagaino apatesiya afinaʼmo afole aisiya kava huno mago vekamoʼmo noʼamo ataleno alu kotega ugefe hunoʼaeʼmo aliʼyaʼamo neʼaliya vayaʼaifeʼmo ge huʼnigeʼa eʼnagenoʼaeʼmo, kagemi yaʼnileʼmo yagaita nateyo, huno hapa paiʼniye.

Matiyu 4:17

Yesuʼa ani haopalegamo uno aepa faino aeno hakalo huno hapa painoʼaeʼmo, Gotiʼa vayaʼaiteʼmo yagaino apatesiya afinaʼmo ago hogo huʼniyanagi lapaipamo alita afe leyo, huno hapa paino maiʼniye.

Matiyu 4:23

Yesuʼa Galeliya haopalegamo umenitata huno muki Yu vayaʼai mono nopiʼmo alino apaya malege Gotiʼa yagaino apatesiya kavafeʼmo alagepa faigoko gemo aeno hakalo huno hapa paige muki alu kaita alu kaitaʼmo hapauʼniya vayaʼmo alino hapageno apatege muki hosu apakufamo kaliʼniya vayaʼmo alino alagepa huno apatege huno maiʼniye.

Matiyu 5:10

Fatago kavaʼapilefeʼmo apaini huʼa apateʼnageʼa maiʼnaya vayaʼmogimo Gotiʼa yagaino neʼapateya kegiʼyafiʼmo uʼa haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Matiyu 5:3

Hapa painoʼaeʼmo, launelametefeʼmo kagemi yatimo ageta oʼmaleʼnona vayaʼmo maiʼnone, huʼa apakesamo neʼafisaya vayaʼmogimo Gotiʼa yagaino neʼapateya kegiʼyafiʼmo haiʼa maiʼnageno muki yaʼamo apakaiʼapi yaʼmo haneʼniyaʼmofeʼmo Goti aulena vayaʼamo maiʼnae.

Matiyu 6:10

Vayaʼaiteʼmo yagaika apatesana kavakamo afole aino. Muki kokuʼnapi vayaʼmogimo kahauʼniya kavakamo akame nehaya kava huʼa ma mopafi vayaʼmogimo kahauʼniya kavakamo akame hiyo.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Maki 1:15

Hapa painoʼaeʼmo, ani afinaʼmo ago afole aiʼniye. Gotiʼa vayaʼaiteʼmo yagaino apatesiya afinaʼmo alagi hogo huʼniyanagi lapaipamo alita afe letetapa alagepa faigoko geʼaeʼmo lapakesamo afita fatago hiyo, huno huʼniye.

Maki 1:4

Inagi Yoniʼa kaʼme kotegamo afole aiteno aniʼmo faleno apateʼniye. Yoniʼa hunoʼaeʼmo, lapaipamo alita afe letetapa aniʼmo falegenoʼao Gotiʼa hosu kavatapimo alino ataleno, huno aeno hakalo huno hapa paige hapa paige huno maiʼniye.

Maki 6:12

Uʼa Goti gemo hapa paiʼapaeʼmo, lapaipamo alita afe leyo, huʼa hapa paiʼnae.

Luki 1:16

Agaemo muki Isaleli vayaʼmo alino aino atagineno apatesigeʼapaeʼmo Gotiʼa Ala kava neʼapimotegamo egae.

Luki 11:20

Nagaemo Gotiʼa ati yagaina ayatetiʼmo hosu apaune vayaʼmo aliʼna hapafaiʼna neʼapatalesuvana Gotiʼa yagaino neʼapateya kavaʼmo ago eno lapaopaleʼmo afole aiʼniye.

Luki 13:3

Haʼao, lapaipamo alita afe olesayana ani kavaʼmo huta faligae.

Luki 13:5

Haʼao, lapaipamo alita afe olesayana ani kavaʼmo huta faligae, huno hapa paiʼniye.

Luki 15:10

nagaemo lama gemo lapa nepauve, huʼna, ani kavaʼmo huno mago vekamoʼmo aipamo alino afe lesigeʼapaeʼmo kokuʼnapi vayaʼmogimo enisole vayaʼmogi apaulagaleʼmo apamogaga neʼaiye, huno hapa paiʼniye.

Luki 15:7

Nagaemo lama gemo lapa nepauve, huno, ani kavaʼmo huʼa kokuʼnapi maiʼnaya vayaʼmogi ani agufa kavafeʼmo apamogaga neʼaiye. Apakaemo naeti naeniʼa fatago vayaʼmogimo apaipamo aliʼa afe lesaya kavaʼapimo ohaneʼniya vayaʼaifeʼmo aiseʼamo apamogaga neʼaiyaʼmonanafa mago hosu vekamoʼmo aipamo alino afe lesigeʼapaeʼmo magoʼe huʼa apamogaga neʼaiye, huno hapa paiʼniye.

Luki 16:30

Haʼao, naginagomo, huno, oʼafigayaʼmofeʼmo mago faliʼnisiya vekamoʼmo he tinuno hapa paisigeʼapaekeʼmo afiteʼa apaipamo aliʼa afe legae, huno ha paiʼnigenoʼaeʼmo,

Luki 21:31

Ina kavaʼmo huno ani kavaʼmo afole aisigeta agetetapaeʼmo, Gotiʼa yagaino apatesiya afinaʼmo alagi ago hogo hiye, hutapa hugae.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Luki 6:20

Yesuʼa alino maku huno apakeyana geʼamo neʼafiya vayaʼmo maiʼnageno apaketenoʼaeʼmo, kagemi yatapimo ohaneʼnisaya vayaʼmogitapamo Gotiʼa yagaino neʼapateya kegiʼyafiʼmo uta haitapa maiʼnageno muki yaʼamo lapakaitapi yaʼmo haneʼniyaʼmofeʼmo Goti aulena vayaʼamo maiʼnae.

Luki 9:2

Gotiʼa yagaino neʼapateya kavafeʼmo ava gemo aeta hakalo huta hapa paitetapa kaita hapauʼniya vayaʼmo alita hapageta apatemale apatemale huta umenitata hiyo.

Apa 11:18

Ani gemo afiteʼapaeʼmo mago gemo osuʼa Goti agiʼalekeʼmo aliʼa asaga huteʼapaeʼmo, Gotiʼa alu nofi vayaʼmo ofaliʼa afaʼa maisayafeʼmo apaipamo aliʼa afe lesaya kavaʼmo alino apamiʼniyanageʼa afaʼa maigae, huʼa huʼnae.

Apa 17:30

Akeyaʼvilaga vayaʼmogimo Goti geʼamo oʼafiʼneʼapaeʼmo negi kavaʼmo huʼnagenoʼaeʼmo afaʼa apakeno apataleʼniyaʼmonanafa hemenimo muki haopalegamo neʼmaiya vayaʼaifeʼmo hunoʼaeʼmo, Lapaipamo alita afe leyo, huno hapa nepaiye.

Apa 2:38

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa 20:21

Nagaemo Yu nofi vayaʼe Galiki nofi vayaʼefeʼmo ago afiʼnova geletiʼmo huʼnaeʼmo, Gotitefeʼmo lapaipamo alita afe lege Ala kava netimo Yesu Kalaisifekeʼmo lapakesamo afita fatago huge hiyo, huʼna hapa paiʼnove.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

2 Kolitiyani 7:10

Gotitefeʼmo apaipamoʼmo kana huʼniya kavaʼmoʼa vayaʼai apaipafiʼmo hapau osisaya kavaʼmoʼa aliʼyaʼmoʼaliʼnigenoʼaeʼmo Gotiʼa apakufamo alino katino neʼapate. Ma mopafi vayaʼmogi apaipamoʼmo kana nehiya kavaʼapimoʼa nefaliya kavaʼmo alino afole aino neʼate.

Kolosi 1:13

Agaemo hani koʼmo lokiyaʼalegatiʼmo lagufamo alino katino lateteno lavalelineno hauʼniya Mafaʼneʼamoʼmo yagaino neʼapateya kegiʼyafiʼmo lateʼniye.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Himulu 6:1

Lagaemo agava maiʼnona vekamo Kalaisi vekaeʼmo ava gemo aepa faita afiʼnona gemo afiʼnone. Aepa faita afiʼnona gemo haneʼniyana lokiya ovaiʼniya kavatefeʼmo lapaipamo alita afe leyo, huʼa huʼnageta afige Gotifeʼmo lapakesamo afita fatago hiyo, huʼa huʼnageta afige sese nehaya kavafeʼmo aliʼa laya maleʼnageta afige aliʼa apaya neʼmalaya gemo afige faliʼnaya vayaʼmo he tisaya kavafeʼmo ava gemo afige agoti huno apatesiya kavafeʼmo ava gemo afige huʼnone. Ani aepa faita afiʼnona gemoʼmo noʼmo faiʼa neʼataya yakana huno haneʼniye. Fiku yanageta halate alita faita ategaunanagi ataleta uta haita hapaigetao.

2 Pita 3:9

Mago vayaʼmogi Ala kava nefeʼmo huʼapaeʼmo, huguve, huno huʼniya kavaʼmo hisiyafeʼmo lagava maime maime neʼviye, huʼa nehayaʼmonanafa huguve, huno huʼniya kavaʼmo hisiyafeʼmo lagava neʼmaiye. Alino lagoʼya lagauno latalesiyafeʼmo ohauʼniyaʼmonanafa mukiʼamogitamo laipamo alita afe lesunafekeʼmo hauʼnigenoʼaeʼmo lagava neʼmaiye.

Leveleseni 2:21

Hosu kavaʼmo nehana kavakamo atalo, huʼna huteʼna aipamo alino afe lesiya afinaʼmo amiʼnovaʼmonanafa aipamo alino afe lesiyafeʼmo ohauʼnigeno kumai kavakeʼmo nehiye.

Leveleseni 2:5

Lapakaemo muga anaga alagepa kavategatiʼmo ataleta asagautapa aiʼnayanagi hogoteta huʼnaya kavafeʼmo halate lapakesamo afita ho hiyo. Lapaipamo alita afe letetapaeʼmo hogoteta huʼnaya agufa kavaʼmo hiyo. Lapaipamo alita afe olesayana emineʼnaeʼmo aise hiʼyalamutapileʼmo lamumo neʼmalaya hiʼyalamuʼmo aliniʼna uguve.