Matiyu 3:11 - The Keyagana NT and 25 OT books

¹¹ Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Matiyu 3:11 ပူးပေါင်းရင်းမြစ်များ

Aiyeya 4:4

Ala kava neʼmoʼa Saiyoni aʼne anagaʼmogi oʼaniʼya faiʼniya hosu kavaʼapimo sese huno ataleteno Aunemeʼaletiʼmo Yulusalemu vayaʼmogi vayaʼmo kamitimo apamagiʼnageno kolaʼmo aino lakiʼniya hosu kavaʼapilefeʼmo agoti huno apateteno hosu kavaʼapimo atafiʼmo kaeno atalegaiye.

Matiyu 3:6

Apakaemo eʼa hosu kavaʼapieʼmo aeʼa hakalo huʼa ha paiʼnageno Yoneni anipiʼmo aniʼmo faleno apateʼniye.

Maki 1:4

Inagi Yoniʼa kaʼme kotegamo afole aiteno aniʼmo faleno apateʼniye. Yoniʼa hunoʼaeʼmo, lapaipamo alita afe letetapa aniʼmo falegenoʼao Gotiʼa hosu kavatapimo alino ataleno, huno aeno hakalo huno hapa paige hapa paige huno maiʼniye.

Luki 1:17

Agaemo Aunemeʼamo lokiyaʼamo aliteno Ilaiyaʼa huʼniya agufa kavaʼmo huno uno hogotesigeno Ala kava neʼmo agae akameʼmo huno eminegaiye. Agaemo vayaʼmogi apaipamo alino aino afe leno apatesigeʼapaeʼmo mafaʼneʼapieʼmo alagepa apaipamo kaliʼa apategae. Agaemo ge noʼafisaya vayaʼmo apaipamo alino afe leno apatesigeʼapaeʼmo fatago vayaʼmogi neʼaliya agufa apaipa apakesamo aligae. Agaemo Ala kava neʼmo vayaʼamo agaetefeʼmo alo huno apategaiye, huno ha paiʼniye.

Luki 3:16

Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye.

Luki 3:3

Agaemo Yoneni aniʼmo haneʼniya haopalegamo umenitata huno gemo aeno hakalo huno hapa painoʼaeʼmo, lapaipamo alita afe leteta aniʼmo falegenoʼao Gotiʼa hosu kavatapimo alino ataleno, huno aeno hakalo huno hapa paige hapa paige huno maiʼniye.

Yoni 1:15

Yoniʼa hunoʼaeʼmo, ani vekaeʼmo hogoteʼna ava gemo huʼna lapa paiʼnaeʼmo, nagae nakameʼmo huno esiya vekamo hogote vekamo maiʼniyaʼmofeʼmo aeno nagaseʼniya vekamo maiʼniye, huʼna lapa paiʼnove, huno hapa paiʼniye.

Yoni 1:30

Nagaemo ani vekaeʼmo, nagae nakameʼmo huno esiya vekamo hogote vekamo maiʼniyaʼmofeʼmo aeno nagaseʼniya vekamo maiʼniye, huʼna ago aeʼna hakalo huʼna lapa paiʼnove.

Apa 1:5

Yoniʼa anilafapiʼmo aniʼmo faleno apatetenoʼaeʼmo aise afinaʼmo utesigeʼna Goti Aunemeʼaletiʼmo aniʼmo faleʼna lapategauve, huno hapa paiʼniye.

Apa 19:4

Poloʼa hunoʼaeʼmo, Yoniʼa aniʼmo faleno neʼapatenoʼaeʼmo, Lapaipamo alita afe letetapa nagae nakameʼmo huno esiya vekamo Yesu Kalaisifeʼmo lapakesamo afitapa fatago hiyo, huno hapa paiʼniye, huno hapa paiʼniye.

Apa 8:36

Kategamo neʼuʼanaeʼmo mago ani kotuʼmo haneʼniya yateʼmo uʼana avaʼyi nehuʼanaeʼmo meku vekamoʼmo hunoʼaeʼmo, Manile ani kotuʼmo haneʼniye. Natafauno natesiya yaʼmo haneʼnifi afaʼa aniʼmo faleka nategane, huno afi geʼnigenoʼaeʼmo

Apa 8:38

Gamani vekamoʼmo hosimo talalafiʼmo maiʼneno kaʼmo alino ho huno atelino uʼniya vekaeʼmo, Manile maigunanagi atafauka ategetao, huno ha paiʼnigeno atafauno ateʼnigeno meku vekaʼe Filipiʼeʼmo ani kotupiʼmo lamiʼana aniʼmo faleno ateʼniye.

1 Kolitiyani 12:13

Ani kavatefeʼmo Kalaisiʼa mukiʼamogitamo Aunemeʼaletiʼmo agufafiʼmo faleno lateʼnigeta magoke agufaʼamo maiʼnone. Ani kavaʼmo huno Aunemeʼamo lamiʼnigeta aniʼmo negekana huta neteta aliʼnone. Mukiʼamogitamo Yu vayanagi Yu nofi vayapatiʼmo oʼmaiʼnaya vayanagi kalavusifi maiʼneʼa afa aliʼyaʼmo neʼaliya vayanagi afaʼa neʼmaiya vayaʼmogi huta magoke Kalaisi agufaʼamo maiʼnone.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Taitasi 3:5

Agaemo fatago kavaʼmo huta alagepa aliʼyaʼmo aliʼnona kavatiletiʼmo lagufamo alino katino olateʼnifa fikumo hau huno latetenoʼaeʼmo lagufamo alino katino lateʼniye. Aunemeʼaletiʼmo alino lateteno hosu kavatimo aeno kalo paeno lateʼnigetaeʼmo saufa vayaʼmo hamaleʼnone.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.