Matiyu 3:1 - The Keyagana NT and 25 OT books

¹ Ani afinaʼmo aniʼmo faleno apateʼniya vekamo Yoniʼa eno Yutiya kotegamo kaʼme koteʼmo maiʼneno aepa faino aeno hakalo huno hapa paiʼniye.

Matiyu 3:1 ပူးပေါင်းရင်းမြစ်များ

Matiyu 11:11

Lama ge lapa nepauve, huno, Yoniʼa aniʼmo faleno neʼapateya vekamoʼmo muki ma mopafi vayaʼmo ago aeno apaka seʼniyaʼmonanafa Gotiʼa yagaino neʼapateya kegiʼyafiʼmo maiʼnaya vayapatiʼmo henaga vekamoʼmo Yoniʼmo ago aeno aga seʼniye.

Matiyu 11:7

Yoni geʼamo neʼafiya vayaʼmo ataleʼa neʼvagenoʼaeʼmo Yesuʼa asole vayaʼmo aliʼa anupa huʼa maiʼnaya vayaʼaifeʼmo aepa faino Yonifeʼmo ava gemo huno hapa painoʼaeʼmo, Lapakaemo na agufa yaʼmo agesayafeʼmo kaʼme kotegamo uʼnae. Lapakaemo yasimoʼmo hopaleʼmo alisigenoʼaeʼmo uti uti aisiya yaʼmo agesayafeʼmo uʼnafiye.

Matiyu 16:14

mago vayaʼamogi huʼapaeʼmo, Yoniʼa aniʼmo faleno neʼapateya vekamo maiʼniye, huʼa huge mago vayaʼamogi huʼapaeʼmo, Ilaiyaʼa maiʼniye, huʼa huge mago vayaʼamogi huʼapaeʼmo, Yelemaiyaʼa maiʼniye, huʼa huge mago vayaʼamogi huʼapaeʼmo, Gotitegati gemo alinineno aeno hakalo huno hapa nepaiya vekamo maiʼniye, huʼa huge nehae, huʼa ha paiʼnae.

Matiyu 21:32

Yoniʼa lapakaetegamo eno alagepa kavaʼmo hisaya kavafeʼmo ago alino lapave liʼnigetapa ageʼnayaʼmonanafa lapakesamo afita fatago osuʼnageʼapaeʼmo takesi moni neʼaliya vayaʼe kumai kavaʼmo nehaya aʼnemogiʼeʼmo apakesamo afiʼa fatago huʼnae. Mani kavaʼapimo lapakaemo ago ageʼnayaʼmonanafa lapaipamo alita afe oletapa Yoni geʼaeʼmo lapakesamo afita fatago osuʼnae, huno hapa paiʼniye.

Matiyu 3:8

Lapaipamo alita afe leʼnisayana saufa kavaʼmo hutapa nave liyo.

Maki 1:15

Hapa painoʼaeʼmo, ani afinaʼmo ago afole aiʼniye. Gotiʼa vayaʼaiteʼmo yagaino apatesiya afinaʼmo alagi hogo huʼniyanagi lapaipamo alita afe letetapa alagepa faigoko geʼaeʼmo lapakesamo afita fatago hiyo, huno huʼniye.

Maki 1:2

Gotitegati gemo alini eʼana aeʼana hakalo huʼana hapa nepaiʼa vekalaʼmoganimo ani hogoteno aepa faiʼniya kavafeʼmo ava gemo huʼana avoʼmo kae maleʼnaʼae. Mago vekamoʼmo hunoʼaeʼmo, Gotiʼa hunoʼaeʼmo, ago, huno, apa vekaʼnimo esiya kaʼmo valino atesiyafeʼmo aliʼna atesugeno uno hogotegaiye, huno huʼniye, huno avoʼmo kae maleʼnigeno mago vekamoʼmo hunoʼaeʼmo,

Luki 1:76

Kagaemo mafaʼneʼnimogae, huʼna, hogote vekamo aeno apaka seʼniya vekalegatiʼmo geʼamo alinineno aeno hakalo huno hapa nepaiya vekae, huʼa kagi aegae. Kagaemo Ala kava neʼmo esiya kaʼmo alagepa huka valika ateʼnisanageno egaiye.

Luki 7:24

Yoniʼa alino anateʼnigeʼana uʼnaʼa vekalaʼmo etaʼagenoʼaeʼmo Yesuʼa Yonifeʼmo ava gemo huno hapa painoʼaeʼmo, kaʼme kotega na agufa yaʼmo uta agesayafeʼmo uʼnae. Mago hopaleʼmo yasimo aliʼnigenoʼaeʼmo havaeno ape nehiya hopamo agesayafeʼmo uʼnafiye.

Yasuva 14:10

Afiyo, huʼna, Isaleli vayaʼmogita kahaepa kaʼme koteʼmo uteta huʼnaya afinatetiʼmo Ala kava neʼmoʼa Mosesefeʼmo ani yafeʼmo ha paiʼnigeʼna maime maime eʼnogeno foti faefuʼa kafugamo ago uno hano huʼniyaʼmonanafa Ala kava neʼmoʼa naha maeʼnigeʼna hemenimo nagaemo eiti faefuʼa kafugamo ago maiʼnogenoʼaeʼmo lokiyaʼnimo hano osuʼniye.