Matiyu 28:20 - The Keyagana NT and 25 OT books

²⁰ Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 28:20 ပူးပေါင်းရင်းမြစ်များ

Aepa Gemae 39:21

Kalavusifiʼmo maiʼniyaʼmonanafa Ala kava neʼmoʼa agaeʼeʼmo lokaeno maiʼneno hau huno ateteno ha maeʼniye. Ala kava neʼmoʼa kalavusi nopiʼmo neʼyagaiya vekamoʼmo Yosefefeʼmo hausiya agufa aipa agesamo amiʼniye.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Samu 46:7

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo uta fala kita neʼmauna kotigana huno maiʼniye.

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 8:27

Lagaemo loleʼe magoʼe afinaʼmo kaʼme kotegamo uta Ala kava netimo Gotitimoʼmo hiyo, huno laha paiʼniya kavaʼmo akame huta afumo amagita ofalinimo amigune, huno huʼnigeno

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Matiyu 13:49

Ani kava huʼa ma mopamo hano hisiya afinaʼmo enisole vayaʼmo emiʼeʼa hosu vayaʼmo fatago vayapatiʼmo apavaleliʼuʼa

Matiyu 18:20

Nagiʼnilefeʼmo lole vekalaʼmofi loleʼe magoʼe vayaʼmofi huno alino anupa huno apateʼnisageʼnaeʼmo nagaemo apakae folagapiʼmo maiʼnove, huno hapa paiʼniye.

Matiyu 24:3

Yesuʼa Alifiʼaepa avefiʼmo itopaleʼmo maiʼnigeʼapaeʼmo geʼamo neʼafiya vayaʼmo apakaiʼapigeʼmo agaetegamo eʼapaeʼmo, ina afinaʼmo afole aigiye, huka laha paiyo. Emikegefeʼmo hisana afinaʼe hano hugefe hisiya afinaʼeʼmo na agufa alagena kavaʼmo afole aigiye, huʼa ge huʼa afi geʼnae.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Maki 16:20

Apakaemo muki haopalegamo umenitata huʼa aeʼa hakalo huʼa hapa paiʼnagenoʼaeʼmo Ala kava neʼmoʼa apakaeʼeʼmo magokepi lokaeno aliʼyaʼmo aliteno hapa paiʼnaya geleʼmo aune kavatetiʼmo alino lokiya vaino ateʼniye. He, lama ge.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

1 Kolitiyani 11:2

Lapakaemo muki afinaʼmo nagaefeʼmo lapakesamo afitetapa aliʼna lapaya maleteʼna aliʼna lapamiʼnova gemo akame nehayaʼmofeʼmo lapao ke heʼnaeʼmo, alagepa kavaʼmo nehae, huʼna nehuve.

1 Kolitiyani 11:23

Ala kava neʼmoʼa naha paiʼnigeʼna lapa paiʼnaeʼmo, Ala kava neʼmo kutulu yaʼmo aliʼniya vekamo Yutasiʼa avaleno apamiʼniya haniʼilagamo peleti mayamo aliʼniye.

1 Kolitiyani 14:37

Lapakaepatiʼmo magoʼamogimo, Gotitegati gemo aliniteta aeta hakalo huta hapa nepauna vayaʼmo maiʼnone, huʼa nehisafi Goti Aunemeʼamoʼmo alino lamiʼnigeta himamuʼamo aliʼnone, huʼa nehisafigeʼa avoʼmo nekaovanageno lapakaetegamo ani avoʼmo visigetapaeʼmo lekana paitapa afitetapaeʼmo Ala kava neʼmoʼa, hiyo, huno huʼniya gemo haneʼniye, hutapa hugae.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

Yasuva 1:5

Yasuvao, huno, Ma mopafiʼmo maiʼnekaeʼmo muki vayaʼeʼmo kame hisanana huka aeka apakasegane. Nagaemo Moseseʼeʼmo magokepi lokaeʼna maiʼnova kava huʼna kagaeʼeʼmo magokepi lokaeʼna maiguve. Nagaemo alagi kataleʼna oʼuguve, huno ha paiʼniye.

2 Pita 3:2

Lapakaemo akeyaʼvilaga apaote vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogi huʼnaya geʼe Ala kava neʼmo lagufamo alino katino nelateya vekamoʼmo apa vayaʼamogitaʼeʼmo hutaeʼmo, ani kavaʼmo hiyo, huta huʼnona getiʼeʼmo halate magoʼe hutapa lapakesamo afisayafeʼmo mani gemo avoʼmo nekaove.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.