Matiyu 28:2 - The Keyagana NT and 25 OT books

² Ala kava neʼmo enisole vekaʼamo kokuʼnapatiʼmo emineno avayale yafaʼmo alino heleve hulinuno maleteno ani yafateʼmo fai maiʼniyaʼmofeʼmo lusi imimamo aliʼniye.

Matiyu 28:2 ပူးပေါင်းရင်းမြစ်များ

Matiyu 27:60

agaiʼamo saufamo kafi maleʼniya yafa kapiʼmo alininuno haino maleʼniye. Maleteno alopa yafakefamo alino heleve heleve hulinuno ani yafa ka avayaleʼmo aino akani maleʼniye.

Matiyu 27:66

atale uʼa aino akani maleʼniya yafateʼmo kameletiʼmo faleʼa aeʼa kamae maleteʼa ati vayaʼaifeʼmo, alagepa hutapa yagaita maiyo, huʼa hapa paiʼnageʼa uʼnae.

Yoni 20:1

Hogote afinaʼmo kotino alino ha oleʼnigenoʼaeʼmo Maliyaʼa Maganala kotega a kanomo kanolulega uno ageyana yafa kaʼmo avayaleʼmo aiʼana akani maleʼnaʼa yafaʼmo avayaleʼmo ohaneʼnifa aluyatega haneʼnigeno ageʼniye.

Apa 16:26

Maiʼnagenoʼaeʼmo malage huno lusi imimaʼmo aliteno noʼmo faiʼa ateʼnaya yafaʼmoʼa lusi kava huno uti uti aiʼnigeno muki kitaʼamo malage huno ago aino yakiʼnigenoʼaeʼmo kalavusi huʼa apateʼnaya vayaʼai seli nofiʼmo aino hatu maeʼniye.

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.

Leveleseni 11:19

Goti aote mono noʼamo kokuʼnapiʼmo haneʼniya noʼmo yakiʼnigeʼa ageʼnayana ani mono nopiʼmo kotalakemo yafateʼmo avoʼmo kae maleʼniya keʼaepa gemo kesifiʼmo haneʼnigeʼa ageʼnae. Hafosa lamiʼnigeno alino alave alave huteno hakalu hakalu huʼnigeno imimaʼmo aliʼnigeno lusi ko mopa koʼmo aiʼniye.