Matiyu 27:54 - The Keyagana NT and 25 OT books

⁵⁴ Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Matiyu 27:54 ပူးပေါင်းရင်းမြစ်များ

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 27:36

Aliteʼapaeʼmo itopaleʼmo maiʼneʼa yagaiʼa maiʼnae.

Matiyu 27:40

alopa mono noʼmo heʼna halagape vaiteʼna loleʼe magoʼe afinaʼmo halate kiʼna hano huguve, huka huʼnana vekamogi kagaika kagufamo alika katika kato. Goti mafaʼneʼamo maiʼnisanana aika akaika emikeno, huʼa huteʼa huʼa faipa huʼa ateʼnae.

Matiyu 27:43

Agaemo Gotifeʼmo alino amufa amiʼniye. Agaemo hunoʼaeʼmo, Goti mafaʼneʼamo maiʼnove, huno huʼniyaʼmofeʼmo Gotiʼa agufamo alino katino atesifigeta agegaune, huʼa huteʼa huʼa faipa huʼa ateʼnae.

Matiyu 27:51

Faliʼnigenoʼaeʼmo alopa mono nopiʼmo alapaʼage lavolavoletiʼmo aeʼa akani maleʼnaya lavolavomo anagati aeno apake ailino emineno afelaga ataleʼniye. Lusi imima aliʼnigeno alopa yafa avemo aino apalo atiʼniye.

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Matiyu 8:5

Yesuʼa Kapeneyamu taonifiʼmo uno nehaigenoʼaeʼmo mago Lomu nofi vekamo ati vayaʼaiteʼmo yagaino neʼapateya vekamoʼmo ha maesiyafeʼmo ge huno afi geʼniye.

Maki 15:39

Ati vayaʼaiteʼmo yagaino apateʼniya vekamoʼmo aulagaleʼmo he tino maiʼneno afiʼnigeno alopa gefatiʼmo keya aeno ge huteno faliʼnigeno agetenoʼaeʼmo, lama ge nehuve. Ani vekamo Goti mafaʼneʼamo maiʼniye, huno huʼniye.

Luki 22:70

inagi kagaemo hukaeʼmo, Goti Mafaʼneʼamo maiʼnove, huka nehapiye, huʼa ge huʼa afi geʼnagenoʼaeʼmo, lapakaitapimo ani gemo alagi nehae, huno hapa paiʼnigeʼapaeʼmo,

Yoni 19:7

Yu vayaʼmogi huʼapaeʼmo, agaemo Goti mafaʼneʼamo maiʼnove, huno huʼniyaʼmofeʼmo keʼaepa getimoʼmo hunoʼaeʼmo, ago faligiye, huno huʼniye, huʼa ha paiʼnae.

Apa 10:1

Mago vekamo agiʼamo Koniliyasiʼa Sisaliya taonifiʼmo maiʼnenoʼaeʼmo ami ati vayaʼaiteʼmo yagaino apateʼniye. Ami ati vayaʼaifeʼmo apaki aeʼapaeʼmo Itali kotega vayane, huʼa apaki aeʼnae.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Apa 21:32

malage huno ati vayaʼe ati vayaʼaiteʼmo yagaiʼa neʼapataya vayaʼeʼmo apavalelino nagu nagu huno uno lamiʼniye. Ani amagiʼnaya vayaʼmogimo agaeʼe ati vayaʼaʼeʼmo apaketeʼapaeʼmo Poloʼa magoʼe huʼa oʼamagiʼa afaʼa ateʼnae.

Apa 23:17

Poloʼa ani gemo afitenoʼaeʼmo mago ati vayaʼaiteʼmo yagaino neʼapateya vekaeʼmo hunoʼaeʼmo, Ani neya vekamoʼmo mago gemo huʼnigi hogote vekamo yagaino neʼapateya vekalegamo eka avalelika uvo, huno ha paiʼnigeno

Apa 23:23

Ati vayaʼaiteʼmo hogote vekamo yagaino neʼapateya vekamoʼmo ati vayaʼaiteʼmo yagaiʼana neʼapataʼa vekalafeʼmo hunoʼaeʼmo, Tu hataletiʼa ati vayanagi sevetiʼa hosileʼmo fai maiʼneʼa uʼeʼa nehaya vayanagi tu hataletiʼa hayomo aliʼnaya vayanagi hutana Sisaliya taonifiʼmo kitamo nekuna afinaʼmo visayafeʼmo alo hiʼao.

Apa 27:1

Itali kotegamo sipifiʼmo apavaleliʼa ugae, huʼa huteʼa Poloʼe mago kalavusi huʼa apateʼnaya vayaʼeʼmo apavaleliʼuʼa mago ati vayaʼaiteʼmo yagaino neʼapateya vekamo agiʼamo Yuliyasifeʼmo, yagaika apato, huʼa ha paiʼnae. Yuliyasiʼa hogote vekamo Sisa ati vayapati vekamo maiʼniye.

Apa 27:43

ati vayaʼaiteʼmo yagaino neʼapateya vekamoʼmo Polo agufamo alino katino atesiyafeʼmo hunoʼaeʼmo, haʼao, huno hapa paitenoʼaeʼmo nagosa neʼaiya vayaʼaifeʼmo hunoʼaeʼmo, Anipiʼmo asagautapa aiteta nagosa aime aime utapa ani agiʼnaleʼmo avaʼyi hiyo, huno hapa paiteno

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.