Matiyu 27:52 - The Keyagana NT and 25 OT books

⁵² Yafa kapiʼmo kiʼa apateʼnaya vayaʼmo yafa kaʼmo aino apalo atiʼnigeno Gotiʼa apaote asole vayaʼmo alino he tino apateʼniye.

Matiyu 27:52 ပူးပေါင်းရင်းမြစ်များ

Aiyeya 25:8

Agaemo nefaliya kavaʼmo alagi alino hano huno atalegaiye. He, Ala kava neʼmo Gotiʼa apaulagafatiʼmo muki apaunumo alagi alino laneno atalegaiye. Ala kava neʼmoʼa, ani kavaʼmo huguve, huno huʼniyaʼmofeʼmo ma mopafiʼmo muki haopalega maiʼnaya vayaʼmogi apavagage yaʼmo alagi alino hano huno atalegaiye.

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

Yoni 11:11

Lao vekamo Layosiʼmo ago au kaleno maiʼniyaʼmofeʼmo uʼna aupatiʼmo hauneʼna ategauve, huno hapa paiʼnigeʼapaeʼmo,

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

1 Kolitiyani 11:30

Lapakaepatiʼmo mago vayaʼmogi ani kavaʼmo huʼa fikumo aliʼa neʼnayaʼmofeʼmo lokiya oʼvaige kaita hapauge huʼnigeʼa mago vayaʼamo ago faliʼnae.

1 Kolitiyani 15:20

Ani gemo nehuvaʼmonanafa lama gemo haneʼniyana Kalaisiʼa ago he tiʼniye. Agaemo hoyafatiʼmo hogoteno leʼniya neʼyakana huno he tiʼniyaʼmofeʼmo agae akamelegamo asole vayaʼmo he tigae.

1 Kolitiyani 15:51

Inagi afiyo, huʼna, nagaemo mago fala kiʼniya gemo lapa paigesuve. Mukiʼamogitamo ofaligunaʼmonanafa Gotiʼa mukiʼamo saufa lagufamo alino hamaleno latesigetaeʼmo saufa lagufamo aligune.

1 Tesaloniyani 4:14

Lagaemo, Yesuʼa ago faliteno he tiʼniye, huta lagesamo afita fatago nehunaʼmofeʼmo Gotiʼa Yesupiʼmo faliʼnaya vayaʼe Yesuʼeʼmo apavalelino eminegaiye, huta lagesamo afita fatago hugune.

1 Tesaloniyani 5:10

Falitesunageno eminesifi afaʼa maiʼnisunageno eminesifigeta agaeʼeʼmo magokepi lokaeta maisunafeʼmo falino lateʼniye.