Matiyu 27:38 - The Keyagana NT and 25 OT books

³⁸ Lole vekalaʼmoganimo vayaʼmo apamagiteʼana kumayaʼmo neʼaliʼa vekalaʼmo agaeʼeʼmo nili aiteʼa aliʼa he tiʼa anateʼnae. Mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Matiyu 27:38 ပူးပေါင်းရင်းမြစ်များ

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Matiyu 27:37

Apakaemo mago avoʼmo kae maleʼniya gemo aliʼa agenopale yosaleʼmo nili ai maleʼnae. Ani gemo ina hosu kavaʼmo huʼniye, huʼa huteʼa agoti huʼa ateʼnaya gemoʼa hunoʼaeʼmo, Mani vekamo Yesuʼae. Yu vayaʼaiteʼmo ala kini vekaʼapimoʼae, huno avoʼmo kaeteno nili ai maleʼniye.

Matiyu 27:39

Kateʼmo u eʼa huʼnaya vayaʼmogimo keka huteʼapaeʼmo,

Matiyu 27:44

Ani gemo huʼana vayaʼmo apamagiteʼana kumayaʼmo neʼaliʼa vekalaʼmoganiʼeʼmo huʼana faipa huʼana ateʼnaʼae.

Maki 15:27

Lole vekalaʼmoganimo vayaʼmo apamagiteʼana kumayaʼmo neʼaliʼa vekalaʼmo agaeʼeʼmo malipu yosaleʼmo nili aiteʼa mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Luki 22:37

Lapa nepauve, huno, Goti mukufiʼmo avoʼmo kae maleʼniya gemoʼmo hunoʼaeʼmo, keʼaepa gemo amagiʼa neʼatalaya vayapiʼmo maiʼniya vekae, huʼa apakesamo afiʼnae, huno nava gemo huno avoʼmo kae maleʼniya gemo afole aigiye. Muki kavaʼaeʼmo nava gemo huʼa avoʼmo kae maleʼnaya gemo afole neʼaiye, huno hapa paiʼnigeʼapaeʼmo,

Yoni 19:18

Ani haopalegamo malipu yosaleʼmo nili aiteʼa aliʼa he tiʼa ateʼnae. Lole vekalaʼeʼmo malipu yosaleʼmo nili aiteʼa aluga aluga haopalateʼmo aliʼa he tiʼa anateʼnageno Yesuʼa folagapiʼmo maiʼniye.