Matiyu 27:22 - The Keyagana NT and 25 OT books

²² Atesuvana Kalaisiʼae, hutapa agi neʼaya vekamo Yesutegamo na agufa kava hisuve, huno apafi geʼnigeʼapaeʼmo, malipu yosaleʼmo nili aiyo, huʼa ha paiʼnae.

Matiyu 27:22 ပူးပေါင်းရင်းမြစ်များ

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Matiyu 1:16

Yekopuʼa Yosefeʼmo Maliya anauʼamoʼmo alino ateʼnigeno Maliyaʼa Yesuʼmo Gotiʼa lekana paino ateʼniya vekamo agiʼamo Kalaisiʼmo alino ateʼniye.

Matiyu 27:17

Muki vayaʼmo eʼa aliʼa anupa huʼa maiʼnageno Pailatiʼa ge huno apafi geʼniye, haiya vekamo atesugeno lapakaetegamo afaʼa ugiye. Malamasiʼa atesufi Kalaisiʼae hutapa agi neʼaya vekamo Yesuʼmo atesuve, huno apafi geʼniye.

Matiyu 27:21

Yagaino neʼapateya gamani vekamoʼmo hunoʼaeʼmo, lole vekalapatiʼmo ina laʼmo atesugeno lapakaetegamo ugiye, huno ge huno apafi geʼnigeʼapaeʼmo, Malamasiʼa ato, huʼa ha paiʼnagenoʼaeʼmo,

Matiyu 27:23

Gamani vekamoʼmo, Na kava huʼnigetapaene. Haiya hosu kavaʼmo huʼniye, huno apafi geʼnigeʼapaeʼmo alopa gefatiʼmo magoʼe magoʼe huʼa huʼapaeʼmo, malipu yosaleʼmo nili aiyo, nili aiyo, huʼa ha paiʼnae.

Maki 14:55

Mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼmogiʼeʼmo Yesuna amagisageno falisiya gemo afisayafeʼmo kahauya huʼnayana oʼafiʼnae.

Yoni 4:25

Ani a kanomoʼa hunoʼaeʼmo, ago afiʼnovana Mesaiya vekamo agiʼamo Kalaisiʼa eminenoʼaeʼmo muki ani agufa gemo laha paigiye, huno ha paiʼnigenoʼaeʼmo,

Apa 13:28

Apakaemo amagisageno falisiya agufa hosu kavaʼamo oʼageʼnayaʼmonanafa Pailatifeʼmo huʼapaeʼmo, amagiyo, amagiyo, huʼa huʼnae.

Apa 13:38

Konagaʼnimogitapae, huno, Gotiʼa alino he tino ateʼniyaʼmofeʼmo ani vekamo agiʼaletiʼmo hosu kavatapimo afaʼa alino atalegaiye, huʼna aeʼna hakalo huʼna lapa nepauve. Gotiʼa Mosese keʼaepa gemo akame nehaya kavatetiʼmo hosu kavatapimo afaʼa alino ataleteno naulagaleʼmo fatago vayaʼmo maiʼnae, huno osugiye. Osugiyaʼmonanafa Gotiʼa ani vekaeʼmo apakesamo afiʼa fatago nehaya vayaʼaifekeʼmo, muki hosu kavatapimo aliʼna ataleʼnogetapa naulagaleʼmo fatago vayaʼmo maiʼnae, huno hapa nepaiye.