Matiyu 27:18 - The Keyagana NT and 25 OT books

¹⁸ Apaipa kafamo haeʼnagenoʼaeʼmo avaleli eʼa nayapiʼmo ateʼnae, huno ago ageʼniyaʼmofeʼmo ani ge huno ge huno apafi geʼniye.

Matiyu 27:18 ပူးပေါင်းရင်းမြစ်များ

Aepa Gemae 37:11

Yosefe nepuʼamogimo apaipa kafa haeʼnayaʼmonanafa afoʼamoʼmo afitenoʼaeʼmo ani kavafeʼmo alino aipa agesafi maleʼniye.

Samu 106:16

Kaʼme kotega maiʼneʼapaeʼmo Moseseʼe Ala kava neʼmo aliʼyaʼamo neʼaliya vekamo Eloniʼefeʼmo, aetana laga oseʼnaʼaʼmofeʼmo yagaitana olateʼao, huʼa huʼnageno mopamo aino akaka vaeʼnigeʼa Netaniʼe afamo anagaʼaʼenagi Amilamiʼe afamo anagaʼaʼenagi huʼa asagauʼa aiʼnageno aino akaniteno aeno apati kaeʼniye.

Mai'naya kavane 27:4

Apaipamo neleya vayaʼmogimo hapau huʼa oʼapateʼa apaipa nelegeʼa apaya mukiki huʼa vayaʼmo aeʼa neʼapaka sayaʼmonanafa aeʼa apaka seʼnaya vayaʼaifeʼmo hosu apaipamo nekaliya kavaʼmoʼa magoʼe huno aeno agaseʼniye.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Matiyu 27:17

Muki vayaʼmo eʼa aliʼa anupa huʼa maiʼnageno Pailatiʼa ge huno apafi geʼniye, haiya vekamo atesugeno lapakaetegamo afaʼa ugiye. Malamasiʼa atesufi Kalaisiʼae hutapa agi neʼaya vekamo Yesuʼmo atesuve, huno apafi geʼniye.

Matiyu 27:19

Pailatiʼa uno haino agoti huno neʼapateya siyateʼmo fai maiʼnigenoʼaeʼmo aʼamoʼmo mago gemo huno atalegeno agaetegamo eʼniye. Ani gemo hunoʼaeʼmo, hemeni haniʼilagamo alagamuna ageteʼnaeʼmo ani vekaeʼmo naipamoʼmo lusi kava huno kana huʼniyaʼmofeʼmo ani alagepa vekalegamo mago agufa kavaʼmo afaʼa osuka ato, huno ha paiʼniye.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 5:17

Ani kavaʼmo nehageʼapaeʼmo hogote vekamo mono huʼa neʼapataya vayaʼaiteʼmo yagaino neʼapateya vekaʼe Satiyusi mono vayapati vayaʼmogiʼeʼmo apa vayaʼaifeʼmo apaipa kafamo hapaeʼnae.

Apa 7:9

Henagaʼamo ani nofi vayaʼai aepa vayaʼmogimo Yosefefeʼmo apaipa kafamo haeteʼapaeʼmo avaleʼa maketi huʼa alu kotega vayaʼmo apamiʼnageʼa miya faiʼa avaleliʼuʼa Isipi kotegamo ateʼnageno afa aliʼyaʼmo alino maiʼniye.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.