Matiyu 27:12 - The Keyagana NT and 25 OT books

¹² Mono huʼa neʼapataya vayaʼaiteʼmo yagaiʼa neʼapataya vayaʼe vayatama vayaʼmogiʼeʼmo huʼapaeʼmo, ani hosu kavaʼmo huʼniye ina hosu kavaʼmo huʼniye, huʼa huʼnagenoʼaeʼmo ge osuno afaʼa maiʼniye.

Matiyu 27:12 ပူးပေါင်းရင်းမြစ်များ

Aiyeya 53:7

Yesuʼmo muki anonaʼapilefeʼmo miya faisiyafeʼmo Gotiʼa kana yaʼmo amige vayaʼmogi aliʼa afepiʼmo atege huʼnayaʼmonanafa ge osuno afaʼa maiʼniye. Vayaʼmogimo aikeli sipisipimo amagisayafeʼmo avaleliʼa neʼvaya agufa kava huʼa avaleliʼa uʼnae. Vayaʼmogimo sipisipimo ayokaʼmo lagaunagenoʼaeʼmo age noʼaiya agufa kava huno ge osuno afaʼa maiʼniye.

Matiyu 26:63

Halate agaefeʼmo hukaeʼmo, maige maige huno neʼmaiya Gotitegatiʼmo alagi lama gemo nehuve, huka huvo. Kalaisi vekamo Goti mafaʼneʼamo maiʼnisanana laha paiyo, huno afi geʼnigenoʼaeʼmo,

Matiyu 27:13

Pailatiʼa hunoʼaeʼmo, muki kavafeʼmo kagaefeʼmo nehaya gemo oʼafiʼnapiye, huno afi geʼniyaʼmonanafa

Matiyu 27:14

geʼaleʼmo aeno atagaina huno ha opaiʼniyaʼmofeʼmo gamani vekamoʼmo lusi kava huno hau aiʼniye.

Luki 23:9

Inagi Yesufeʼmo loka huno ge huno afi ge afi ge huʼniyaʼmonanafa geʼaleʼmo aeno atagaina huno ge osuʼniye.

Apa 8:32

Goti Mukufiʼmo lekana paiʼniya gemoʼa hunoʼaeʼmo, Sipisipigana huno maiʼnigeʼa avaleli eʼa amagiʼnae. Vayaʼmogimo aikeli sipisipimo ayokaʼmo lagauʼnagenoʼaeʼmo age noʼaiya sipisipigana huno maiʼnenoʼaeʼmo ge osuno afaʼa maiʼniye.

1 Pita 2:23

Huʼa faipa huʼa ateʼnagenoʼaeʼmo geʼapileʼmo aeno atagaina huno huno faipa huno oʼapateʼniye. Kana yaʼmo amige amagige huʼnageno lusi kava huno agafu kiʼnigenoʼaeʼmo, lapamagiguve, huno osuʼniyaʼmonanafa alagepa huno alino fako huno neʼapateya vekamo ayapiʼmo maleʼniye.