Matiyu 26:65 - The Keyagana NT and 25 OT books

⁶⁵ Mono huʼa neʼapataya vayaʼaiteʼmo yagaino neʼapateya vekamoʼmo ani gemo afiteno agaiʼa kukenaʼamo alino apake aitenoʼaeʼmo, Gotifeʼmo huno faipa huno ateʼniye. Magoʼe faigoko gemo eʼa laha paisaya vayaʼaifeʼmo ge osugune. Hemenimo Gotifeʼmo huno faipa huno ateʼniya gemo ago afiʼnagi

Matiyu 26:65 ပူးပေါင်းရင်းမြစ်များ

Napa 14:6

Yasuvaʼmo Nani mafaʼnemoʼe Kelepiʼmo Yefune mafaʼnemoʼeʼmo anakaemo ani vayaʼmogimo uʼa Kenani mopamo agesayafeʼmo uʼnageʼanaeʼmo kukena yaʼaniʼmo aliʼana apake aiʼnaʼae.

Matiyu 9:3

Keʼaepa gemo avoʼmo kaeʼa aliʼa apaya neʼmalaya vayaʼmogimo huʼapaeʼmo, Ani vekamoʼmo Gotifeʼmo huno faipa huno ateʼniye, huʼa apaipafi apakesamo afiʼnae.

Luki 5:21

keʼaepa gemo avoʼmo kaeʼa aliʼa apaya neʼmalaya vayaʼmogiʼe Falasi vayaʼmogiʼeʼmo ani gemo afiteʼapaeʼmo, ani vekamo ina laʼae. Gotifeʼmo huno faipa huno neʼate. Gotikeʼmo vayaʼmogi hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Yoni 10:33

alagepa kavaʼmo huʼnanaʼmofeʼmo kamagisunafeʼmo nosunaʼmonanafa Gotifeʼmo huka faipa huka neʼatanaʼmofeʼmo kamagisunafeʼmo nehune. Ina agufa vekamo maiʼnanaʼmonanafa Gotiʼnamo maiʼnove, huka nehanaʼmofeʼmae, huʼa ha paiʼnagenoʼaeʼmo,

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Apa 14:14

Manamasiʼe Poloʼeʼmo ani kavaʼmo ageteʼanaeʼmo ohanauʼnigeʼana kukenaʼanimo aliʼana apake aiteʼana ani vayaʼai folagapiʼmo nagu nagu huʼana uʼnaʼae.