Matiyu 26:5 - The Keyagana NT and 25 OT books

⁵ Apakaemo, fiku yanageʼa apano aegae, huʼa apakesamo afiteʼa, hopa afinaʼmo oʼatafaugune, huʼa huʼnae.

Matiyu 26:5 ပူးပေါင်းရင်းမြစ်များ

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Mai'naya kavane 21:30

Vayaʼmogimo afiteʼa ageʼnaya kavaʼapiletiʼmofi afiʼa aeto nehaya kavaʼapiletiʼmofi vege nehaya kavaʼapiletiʼmofi huʼa Ala kava neʼeʼmo kamemo hugayana huʼa aeʼa aga osegae.

Matiyu 14:5

Helotiʼa Yoniʼmo kamitimo amagisiyafeʼmo huʼniyaʼmonanafa Yu vayaʼmogimo huʼapaeʼmo, Gotitegati gemo alinineno aeno hakalo huno hapa nepaiya vekamo maiʼniye, huʼa apakesamo afiʼnayaʼmofeʼmo vayaʼaifeʼmo koli huteno afaʼa ateʼniye.

Matiyu 21:26

Hugiyaʼmofeʼmo ma mopafi vayaʼmogimo lekana paiʼa ateʼnae, huta hisunana vaehae asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa nehayaʼmofeʼmo apakaefeʼmo koli hune, huʼa huʼnae.

Matiyu 27:24

Pailatiʼa apaketenoʼaeʼmo lusi kava huʼa apano aeteʼa geʼnileʼmo ago huʼa aeʼa ati kaeʼnayaʼmofeʼmo afaʼa aeʼna oʼapaka segauve, huno agesamo afiteno muki vayaʼai apaulagaleʼmo aniʼmo alino ayaʼmo sese hutenoʼaeʼmo, mani alagepa vekamo falisiya vaiʼmo nagae yaʼmo ohaneʼnifa lapakaitapi yaʼmo haneʼniye, huno hapa paiʼnigeʼapaeʼmo

Maki 14:12

Yu vayaʼmogi aeno apafu noleya peleti mayamo neʼnaya hopa afinapatiʼmo hogote hopa afinaʼmo aikeli sipisipimo apamagiʼa Pasova neʼyaʼmo neʼnaya afinaʼmo afole aiʼniye. Afole aiʼnigeʼapaeʼmo Yesu geʼamo neʼafiya vayaʼmogi huʼapaeʼmo, Pasova neʼyaʼmo nesunafeʼmo haiyaʼalegamo uta alo hisune, huʼa afi geʼnae,

Maki 14:2

Maiʼneʼapaeʼmo, fiku yanageʼa neʼatafausunageʼapaeʼmo hopa afinaʼmogeʼa lagaemo lamagigayanagi oʼatafaigetao, huʼa huʼnae.

Maki 14:27

Yesuʼa hunoʼaeʼmo, Hemeni haniʼilagamo nagaetegamo afole aisiya kavatefeʼmo muki vayaʼamo ago asagautapa aigae. Goti Mukufiʼmo avoʼmo kae maleʼniya gemoʼmo ani kavafeʼmo hunoʼaeʼmo, Nagaemo sipisipileʼmo yagaino apateʼniya vekamo neʼamagisugeʼapaeʼmo sipisipi anagaʼamo atagu faeʼa apaune heʼa u eʼa hugae, huno huʼniye.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Luki 22:7

Inagi hopa afinaʼmo aeno apafu noleya peleti mayamo neʼnaya afinaʼmo Pasova neʼyaʼmo nesayafeʼmo aikeli sipisipimo neʼamagiya afinaʼmo afole aiʼniye.

Yoni 18:28

Saufamo kotilamiyapiʼmo Kaiyafasi notegatiʼmo Yesuʼmo avaleliʼa ala gamani vekamo notegamo uʼnayaʼmonanafa hopa afinaʼmo Pasova neʼyaʼmo nesayafeʼmo apakesa afiteʼapaeʼmo, fiku yanageno lagufamo alino hosu huno lategaiye. Yu nofi vekamo oʼmaiʼniyaʼmofeʼmo noʼafiʼmo uta ohaigune, huʼa huteʼa agotimo nehaya nopiʼmo uʼa ohaiʼnae.

Apa 19:29

Huʼnageʼapaeʼmo muki taonifiʼmo maiʼnaya vayaʼmogi apano aeʼa apavamusa gemo huʼnigeʼa eʼa Gaiyasiʼe Alitakasiʼeʼmo Masetoniya vekalaʼmo Poloʼeʼmo umenitata nehaʼa vekalaʼmo anatafauʼana apayamukiki huʼa anavaleliʼa aliʼa anupa huʼa neʼmaiya yategamo uʼnae.

Apa 21:38

Nagaemo kagaefeʼmo nagesa afiʼnaeʼmo, Isipi vekamo saufamo egatomo gamani vayaʼmo hapafaitalegaune, huno huteno fo tauseniʼa vayaʼmogimo vayaʼmo neʼapaiya naipemo aliʼnaya vayaʼmo apavalelino kaʼme kotega uʼniya vekae, huʼna nagesamo afiʼnove, huno ha paiʼnigenoʼaeʼmo

Apa 4:28

Kagesa afiteka himamukaletiʼmo alika afole aika ateʼnana kavaʼmo hisayafeʼmo aliʼa anupa huʼa maiʼnae.