Matiyu 26:46 - The Keyagana NT and 25 OT books

⁴⁶ He tita vigetao. Nagae kutulu yaʼmo aliʼniya vekamo ago neʼe, huno hapa paiʼniye.

Matiyu 26:46 ပူးပေါင်းရင်းမြစ်များ

Matiyu 26:45

Atagi neno eno geʼamo neʼafiya vayaʼaifeʼmo, maitapa falu hutapageʼmo lapau kaleʼnafiye. Ani afinaʼmo alagi ago hogo huʼniyanagi ageyo. Vemo mafaʼnemo kutulu yaʼmo aliʼniyanageno hosu vayaʼai apayapiʼmo avaleno apamigiye.

Matiyu 26:47

Yesuʼa ge nehigenoʼaeʼmo Yutasiʼmo tuolofuʼa vayapati vekamo ago eʼniye. Agaeʼeʼmo asole vayaʼmo naipe alige kayoʼmo alige huliʼa eʼnae. Mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼaiteʼmo yagaiʼa neʼapataya vayatama vayaʼmogiʼeʼmo aliʼa apateʼnageʼa eʼnae.

Maki 14:42

He tita vigetao. Ageyo, huno, nagae kutulu yaʼmo neʼniya vekamo ago neʼe, huno hapa paiʼniye.

Luki 12:50

Aniʼmo faleʼa neʼapataya kava huʼa hosu kavatetiʼmo faleʼa nategae. Kana nahaulino neʼvisigeʼna uʼna aliguve.

Luki 22:15

Agaemo hapa painoʼaeʼmo, nagafu kisiya kavaʼmo afole oʼaiʼninageʼna hogoteʼna lapakaeʼeʼmo magokepi neʼyaʼmo nesunafeʼmo lusi kava huno nahauʼniye.

Luki 22:21

Afiyo, huno, nagae kutulu yaʼmo neʼniya vekamo ayaʼmo hiʼyalamuteʼmo haneʼniye.

Luki 9:51

Gotiʼa Yesuʼmo kokuʼnapiʼmo avalelino uno haisiya afinaʼmo ago eno hogo huʼnigenoʼaeʼmo Yesuʼa lokiya agesamo afinoʼaeʼmo, Yulusalemu taonifiʼmo uʼna haiguve, huno agesamo afitenoʼaeʼmo

Yoni 14:31

Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 21:20

Pitaʼa aino afe leno ageʼniyana geʼamo neʼafiya vayapatiʼmo Yesuʼa hauʼniya vekamo anakame huno eʼnigeno ageʼniye. Ani vekamoʼmo hogoteʼa neʼyaʼmo neʼnaya afinaʼmo Yesu haopaleʼmo maiʼnenoʼaeʼmo Ala kava nene, huno, kavalelino uno hosu vayaʼaina apamisiya vekamo ina laʼmae, huno afi geʼniya vekamae.

Apa 21:13

Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.

1 Samiyo 17:48

Inagi Filisatini vekamo Nevini haopaleʼmo neʼegenoʼaeʼmo Neviniʼa malage huno Filisatini vekaʼeʼmo kamemo hisiyafeʼmo nagu nagu huno uʼniye.