Matiyu 26:45 - The Keyagana NT and 25 OT books

⁴⁵ Atagi neno eno geʼamo neʼafiya vayaʼaifeʼmo, maitapa falu hutapageʼmo lapau kaleʼnafiye. Ani afinaʼmo alagi ago hogo huʼniyanagi ageyo. Vemo mafaʼnemo kutulu yaʼmo aliʼniyanageno hosu vayaʼai apayapiʼmo avaleno apamigiye.

Matiyu 26:45 ပူးပေါင်းရင်းမြစ်များ

1 Kini 18:27

Felugakukuʼmo Ilaiyaʼmo kigi yokalo gemo huno hapa painoʼaeʼmo, Agaemo gotiʼa maiʼniyaʼmonanafa hemenimo mago alu yafeʼmo agesamo neʼafisifi aliyaʼamo neʼalisifi mago kotegamo uʼnisifi huʼnegaiye. Havaeno maiʼnisifigi lapakaemo hauneyo. Alopa gefatiʼmo keya aeta ge hiyo, huno hapa paiʼniye.

Matiyu 26:18

alopa taonifiʼmo uta haitapa mago agesaya vekaeʼmo, Tisa vekatimoʼmo laha painoʼaeʼmo, nagae afinaʼmo alagi ago hogo huʼniye. Nagaeʼe geʼnimo neʼafiya vayaʼeʼmo nokafiʼmo Pasova neʼyaʼmo negaune, huno laha paiʼniye, hutapa ha paiyo, huno hapa paiʼniye.

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Matiyu 26:44

apakegeno apatalenuno halate huʼniya agufa gemo huno napa tali afinaʼmo nunumuʼmo huʼniye.

Matiyu 26:46

He tita vigetao. Nagae kutulu yaʼmo aliʼniya vekamo ago neʼe, huno hapa paiʼniye.

Maki 14:35

Apatalenuno aise afagiʼaleʼmo mopafiʼmo asagauno aino agoʼya faiʼnenoʼaeʼmo hosu afinaʼmo faino kasalo paesiyafeʼmo nunumuʼmo huʼniye.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Yoni 12:23

Yesuʼa geʼapileʼmo aeno atagaina huno hapa painoʼaeʼmo, hemenimo Vemo Mafaʼnemoʼa ala agiʼamo alisiya afinaʼmo afole aiʼniye.

Yoni 12:27

Naipamoʼmo atete nehisigeʼnaeʼmo na agufa gemo huguve. Afo, huʼna, nagaetegamo hosu kavaʼmo afole aisiya kavaʼmo alika atalo, huʼna hugufiye. Haʼao. Ani hosu kavaʼmo alisuvafekeʼmo emiʼneʼnove.

Yoni 13:1

Alopa neʼyaʼmo neʼnaya Pasova afinaʼmo ago afole aigefeʼmo hogo huʼnigenoʼaeʼmo Yesuʼa agaiʼamo ago afiʼniyana ma mopamo ataleʼna Afoʼnimotegamo uʼna haisuva afinaʼnimo ago hogo huʼniye, huno afiʼniye. Agaemo ma mopafi maiʼnaya vayaʼamogifeʼmo hau ayamopafiʼmo haume haume eno atupa afinaʼeʼmo hauʼniye.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.