Matiyu 26:41 - The Keyagana NT and 25 OT books

⁴¹ Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Matiyu 26:41 ပူးပေါင်းရင်းမြစ်များ

Samu 119:1

Vayaʼmogimo alagepa kavaʼmo nehuʼapaeʼmo vaiʼmo oʼaliʼa Ala kava neʼmo keʼaepa geʼamo akame nehaya vayaʼmogi Goti aulagaleʼmo alagepa huʼa maiʼnayanageʼa afaʼa apamogaga aigae.

Samu 119:115

Hosu kavaʼmo nehaya vayaʼmogitapae, huʼna, nagaetegatiʼmo ataletapa viyo. Gotiʼnimoʼmo hiyo, huno huʼniya gemo akame huguve.

Samu 119:117

Nayateʼmo aliyo, afela oseʼna afaʼa maiguve. Afaʼa maiʼneʼna muki afinaʼmo avoʼmo kae maleʼnaya keʼaepa gekamo akame huguve.

Samu 119:32

Magoʼe huka naipa nagesamo namisanageʼnaeʼmo nagu nagu huʼna gekamo hiyo, huka laha paiʼnana gemo akame huʼna huguve.

Matiyu 24:42

Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.

Matiyu 25:13

Vemo Mafaʼnemo hainu afinaʼmo eminesifi na agufa kanaleʼmo eminesifi, hutapa oʼafiʼnayaʼmofeʼmo alagepa hutapa kava yagaita maiyo, huno hapa paiʼniye.

Matiyu 26:38

falisuva agufa kana yaʼmoʼa nagupi mafaʼnemo lusi kava huno faino vego huno nateʼniye. Manile nagaeʼeʼmo magokepi kava yagaita maigetao, huno hapa paiʼniye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Maki 14:38

Apakaefeʼmo hunoʼaeʼmo, lapamalageka hisiya kavapiʼmo uta haita ofalesayafeʼmo yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa amega lapakufamoʼa hisayafeʼmo lokiya noʼvaiye, huno hapa paiʼniye.

Luki 11:4

Lagaetegamo hosu kavaʼmo nehaya vayaʼaifeʼmo hutaeʼmo, afaʼa ateyo, huta nehuna agufa gemo huka kagaetegamo hosu kavaʼmo nehisunagekaeʼmo lagaefeʼmo hukaeʼmo, afa ateyo, huka huvo. Lamalageka hisiya kavategamo lavalelikuka olateka hosu vekamo ayapatiʼmo alika hafaleka latalo, hutapa nunumuʼmo hiyo.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 22:40

Uʼa avaʼyi huteʼapaeʼmo, lapamalageka hisiya kavapiʼmo haita ofalesayafeʼmo nunumuʼmo hiyo, huno hapa paiteno

Luki 22:46

Agaemo hunoʼaeʼmo, na kava higetapaeʼmo lapau kaleta maiʼnae. Lapamalageka hisiya kavapiʼmo haita ofalesayafeʼmo he tita nunumuʼmo hiyo, huno hapa paiʼniye.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

1 Kolitiyani 10:13

Lapakaetegamo aeto aeto agufa lapamalagekaʼmo hisaya kavaʼmo muki vayaʼaitegamo apamalageka nehiya kavakeʼmo afole aiʼniye. Gotiʼa huguve, huno nehiya kavaʼmo alagi nehiya vekamo maiʼniyaʼmofeʼmo lapamalageka hisiya kavaʼmoʼa aeno lapakasesiya kaʼmo afaʼa valino oʼategaiye. Lapamalageka hisigetapaeʼmo asagauta oʼaitapa he titapa maisayafeʼmo faita kasalo paesaya kaʼmo afaʼa valino lapategaiye.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

1 Kolitiyani 9:27

Haʼao, nagufamo amagiʼna aliʼna kanale huʼna ateteʼna yagaiʼna neʼatove. Fiku yanageʼna vayaʼaifeʼmo alagepa faigoko gemo aeʼna hakalo huʼna hapa paiʼnovanageno alino fako huno natalesigeʼna hetamaʼnimo oʼaliguve.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

2 Pita 2:9

Inagi Ala kava neʼmoʼa agaefeʼmo mono nehaya vayaʼai apakufamo alino katino apatetenoʼaeʼmo hosu kavaʼmo huʼnaya vayaʼmo kayoʼmo apamiteno agoti huno apatesiya afinaʼmo yagaino apatesiyafeʼmo ageʼniye.

Leveleseni 16:15

Yesuʼa hunoʼaeʼmo, Afiyo, huno, kumayaʼmo neʼaliya vayaʼmo neʼaya kava huʼna emiʼnesugeʼapaeʼmo hapau aigae. Apakufalagaʼageʼmo maiʼnisageno apavagage osisiyafeʼmo apau okaleʼa kukena yaʼapimo alagepa huʼa hu maleteʼa yagaiʼa neʼmaisaya vayaʼmogi Goti aulena vayaʼmo maiʼnae, huno huʼniye.

Leveleseni 3:10

Nagaemo huʼnaeʼmo, oʼataletapa atafauta alagi hutapa maime maime viyo, huʼna lapa paiʼnova geleʼmo yagaitapa ateʼnayaʼmofeʼmo yagaiʼna lapatesugeʼa muki ma mopafi vayaʼmogimo lapamalageka hisaya afinaʼmo faita kasalo paetapa afaʼa maigae.