Matiyu 26:39 - The Keyagana NT and 25 OT books

³⁹ Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Matiyu 26:39 ပူးပေါင်းရင်းမြစ်များ

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Aiyeya 50:5

Ala kava neʼmo Gotiʼa geʼamo afisuvafeʼmo nagesamo alino halo aiʼnigeʼnaeʼmo geʼamo amagiʼna oʼataleʼna aliʼyaʼaletiʼmo ataleʼna aiʼna afe leʼna oʼuʼnove. Mago vayaʼmogimo neʼnamagigeʼnaeʼmo namagisayafeʼmo nakameʼyamo apamige navenanapa nayokaʼmo aliʼa faige apaviʼnamo heʼa natege huʼnageʼnaeʼmo navagage hisiyafeʼmo naugosamo aliʼna fala okiʼnove.

Aiyeya 53:12

Agupi mafaʼnemoʼmo kana huʼniya aliʼyaʼmo aliʼniyaʼmofeʼmo nagaemo asole vayaʼmo apavaleʼna hetamaʼagana huʼna amiguve. Agaemo lokiya vayaʼeʼmo kamemo huteno huno aeno apaka setenoʼaeʼmo kagemi yaʼapimo aligiye. Apakaemo huʼapaeʼmo, Agaeʼe keʼaepa gemo amagiʼa neʼatalaya vayaʼeʼmo magoke agufa vayaʼmo maiʼnae, huʼa apakesamo afiʼnayaʼmonanafa asole vayaʼai hosu kavaʼapimo aliteno hosu vayaʼaifeʼmo nunumuʼmo huno apateʼniye.

Napa 14:5

Inagi Moseseʼe Eloniʼeʼmo muki Isaleli vayaʼai apaulagaleʼmo anaugosalegatiʼmo mopafiʼmo asagauʼana aiʼnaʼae.

Napa 16:22

Inagi Moseseʼe Eloniʼeʼmo mopafiʼmo anaugosalegatiʼmo asagauʼana aiteʼanaeʼmo, O Gotiyo, huʼana muki apauneʼapameʼe vayaʼmogi Gotiʼapimogamo maiʼnane. Magoke vekamoʼmo hosu kavaʼmo nehisiyaʼmoʼmo kagaemo muki Isaleli vayaʼaifeʼmo kaipamo leka apategapiye, huʼana huʼnaʼageno.

Matiyu 20:22

Yesuʼa hunoʼaeʼmo, na agufa yafeʼmo ge huta afi nekopi huta oʼafiʼnae. Aise afinaʼmo utesigeʼna kapufi aniʼmo nesuva agufa kava hutana ani kapufi aniʼmo afaʼa negaʼafiye, huno anafi geʼnigeʼanaeʼmo, afaʼa negauʼae, huʼana ha paiʼnaʼae.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 26:42

Halate napa tu afinaʼmo apataleno uno, Afoʼnimogae, huno, mani kapumo afaʼa alika oʼatalesanaʼmoʼmo kanalenagi kahauʼnisiya kavaʼmo akame huvo, huno nunumuʼmo huʼniye.

Maki 13:22

Mago vayaʼmogi huʼapaeʼmo, Kalaisiʼna maiʼnove, huʼa huge Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa noʼagaya apaune kavaʼmo huteʼa ago lekana paino apateʼniya vayaʼaifeʼmo humi apatesayafeʼmo hugayaʼmonanafa afaʼa humi oʼapategae.

Luki 17:16

Yesu aiyafiʼmo agoʼya faiteno hao ke heʼniye. Ani vekamo Sameliya kotega vekamae.

Yoni 11:41

yafaʼmo aliʼa heleve huʼa ataleʼnagenoʼaeʼmo Yesuʼa alino maku huno kokuʼnategamo ageʼnenoʼaeʼmo, Afoʼnimogae, huno, geʼnimo ago afiʼnanaʼmofeʼmo kahao keʼmo nehove.

Yoni 14:31

Ma mopafi vayaʼmogi muki yaʼmo Afoʼamofeʼmo nagaemo nahau nayamopafiʼmo nahauʼniya kavaʼmo agesayafeʼmo muki yaʼmo Afoʼamoʼmo, ina kava huvo, huno naha paiʼniya kavaʼmo akame huʼna nehuve. Mani nopatiʼmo ataleta he tita vigetao.

Yoni 18:11

Yesuʼa Pitafeʼmo hunoʼaeʼmo, naipekamo halate anoʼafiʼmo faika falu kao. Afoʼnimoʼmo namiʼniya kapufi aniʼmo oʼnesufiye, huno ha paiʼniye.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 5:30

Nagaiʼnimo nagesa afiʼna mago kavaʼmo afaʼa osuguve. Muki yaʼmo Afoʼamokeʼmo naha paiʼnigeʼna aliʼna fako huʼna neʼapatove. Nahauʼniya kavaʼmo akame osuʼna alino nateʼnigeʼna emineʼnova vekamoʼa hauʼniya kavaʼamo akame nehuvaʼmofeʼmo fatago kava huʼna aliʼna fako huʼna neʼapatove.

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Apa 10:25

Pitaʼa eno nopiʼmo uno haisiyafeʼmo nehigenoʼaeʼmo Koniliyasiʼa eno aiyafiʼmo agoʼya faiteno ape huno maiʼneno agaefeʼmo mono nehigenoʼaeʼmo

Filipai 2:8

Vayaʼmogi huʼapaeʼmo, ma mopafi vekageʼmo maiʼniye, huʼa ageʼnae. Agaiʼa agiʼaleʼmo alino afepi atetenoʼaeʼmo Goti geʼamo akame huteno faligane, huno huʼniya geleʼefeʼmo akame huteno uno haino hapaiʼniye. He, malipu yosaleʼmo falisiya kavateʼefeʼmo alagi akame huʼniye.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.