Matiyu 26:28 - The Keyagana NT and 25 OT books

²⁸ Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.

Matiyu 26:28 ပူးပေါင်းရင်းမြစ်များ

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Matiyu 26:27

Alita neyo, huno hapa paiteno kapumo aliʼneno Gotifeʼmo haoke heteno apamitenoʼaeʼmo, mukiʼamogitapamo mani kapufatiʼmo neyo.

Matiyu 26:29

Lapa nepauve, huno, halate nofi alagafati aniʼmo oʼneʼna maime maime neʼuʼna Afoʼnimoʼmo yagaino neʼapateya koteʼmo saufa afinaʼmo afole aisigeʼnaeʼmo lapakaeʼeʼmo magokepi lokaeta maiʼneta negaune, huno hapa paiʼniye.

Matiyu 6:12

Vayaʼai anonaʼapilefeʼmo afaʼa ateyo, huta nehuna ge huka anonatilefeʼmo afaʼa ateyo, huka laha paiyo.

Maki 1:4

Inagi Yoniʼa kaʼme kotegamo afole aiteno aniʼmo faleno apateʼniye. Yoniʼa hunoʼaeʼmo, lapaipamo alita afe letetapa aniʼmo falegenoʼao Gotiʼa hosu kavatapimo alino ataleno, huno aeno hakalo huno hapa paige hapa paige huno maiʼniye.

Maki 14:24

Agaemo hunoʼaeʼmo, mani kapufi aniʼmo kolaʼnimae. Gotiʼa mani kavaʼmo huguve, huno hu maleʼniya saufa kotalakemo afole aisiyafeʼmo muki asole vayaʼaitefeʼmo aiʼna lakiguve.

Luki 22:19

Peleti mayamo alino nunumuʼmo huno hao ke heteno alino akaya heno apamitenoʼaeʼmo, manimona nagufaʼniye. Lapakaetefeʼmo Gotina amiguve. Mani afinatetiʼmo nagaefeʼmo lapakesamo afita ho hisayafeʼmo ani kavaʼmo huge huge huta maiyo.

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

Lomu 5:15

Maiʼniyaʼmonanafa Gotiʼa magoke vekaletiʼmo fikumo hapa maeno neʼapamiya kavaʼe mago alu vekamoʼmo huʼniya hosu kavaʼamoʼeʼmo alu kava alu kavaʼmo haneʼniye. Magoke vekamo hosu kavaʼaletiʼmo muki asole vayaʼmo faliʼnayaʼmonanafa Gotiʼa magoke vekamo Yesu Kalaisitetiʼmo asole vayaʼmo fikumo hapa maeno neʼapamiya kavaʼamoʼmo magoʼe huno ago aeno agaseʼniye.

Lomu 5:19

Magoke vekamoʼmo Goti geʼamo amagino ataleʼniya kavatetiʼmo Gotiʼa asole vayaʼaifeʼmo hunoʼaeʼmo, hosu vayaʼmo maiʼnae, huno huʼniya kava huno magoke vekamoʼmo geʼamo akame huʼniya kavatetiʼmo asole vayaʼaifeʼmo hunoʼaeʼmo, naulagaleʼmo fatago vayaʼmo maiʼnae, huno hugiye.

1 Kolitiyani 11:25

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, Mani kapufi haneʼniya aniʼmo kolaʼniye. Kolaʼniletiʼmo saufa kotalakemo hu malesuva kolaʼnimo haneʼniye. Muki afinaʼmo mani aniʼmo neʼnetapaeʼmo nagaefeʼmo lapakesamo afitapa ho hiyo, huno hapa paiʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Kolosi 1:14

Agaepiʼmo maiʼnonagenoʼaeʼmo kolaʼaletiʼmo miya faino hatu maeno latetenoʼaeʼmo hosu kavatimo alino ataleʼniye.

Kolosi 1:20

Hauʼniyanageno kokuʼnapi vayaʼe ma mopafi vayaʼeʼmo agaetetiʼmo alino nanu aeno apatesigeʼa magokepi lokaeʼa maisayafeʼmo hauʼniye. Gotiʼa hauʼnigenoʼaeʼmo Mafaʼneʼamoʼmo malipu yosaleʼmo aino lakiʼniya kolaʼaletiʼmo alino nanu aeno lateʼniye.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.

Leveleseni 7:14

Ala vekae, huʼna, oʼapakeʼnove. Kagaemo apakeʼnanagi naha paiyo, huʼna afi geʼnogeno naha painoʼaeʼmo, Kalaisiʼa lusi kava huʼa apaini huʼa lapatesaya afinaʼmo afole aigiye, huno lapa paiʼniya afinaʼmo alopa hanageke yaʼmo ago afole aiʼnigeʼa Goti geʼamo oʼataleʼa eʼa maiʼnae. Yatala kukenaʼapimo aikeli sipisipi vekamo kolaʼaletiʼmo sese huʼnageno yaveyave kukenamo hamaleʼniye.

Leveleseni 7:9

Ani kavaʼmo afole aitegeʼna ageʼnovana asole vayaʼmo lekana opaisuna agufa vayaʼmo muki alu kotega alu kotegamo neʼmaiya vayanagi muki alu nofi vaya alu nofi vayanagi muki alu apakufaʼe alu apakufaʼe vayanagi muki alu apake alu apakemo neʼaiya vayanagi huʼa yagaino neʼapateya vekamo siya aulagaʼe aikeli sipisipimo aulagaʼeʼmo eʼa he tiʼa maiʼnageʼna apakeʼnove. Apakaemo yatala yaveyaveʼage kukenamo vaiʼa aliʼnaya vayaʼmogi vayaveʼmo haitagana yaʼmo apayapiʼmo aliʼnae.