Matiyu 26:27 - The Keyagana NT and 25 OT books

²⁷ Alita neyo, huno hapa paiteno kapumo aliʼneno Gotifeʼmo haoke heteno apamitenoʼaeʼmo, mukiʼamogitapamo mani kapufatiʼmo neyo.

Matiyu 26:27 ပူးပေါင်းရင်းမြစ်များ

Samu 116:13

Nagaemo lagufamo alino katino lateʼniya kavafeʼmo nagesamo afiteʼna kapufati aniʼmo neteʼna Ala kava nefekeʼmo keya aeʼna ge huguve.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Salomoni Yokemae 7:9

Kavayamo nofi alagafati aniʼmo hogote anikana huno hanegaiye, huno ha paiʼniye. Ani nofi alagafati aniʼmo nahau nayamopafiʼmo neʼnahaiya vekaʼnilefeʼmo haneʼniye. Ani aniʼmoʼa hagaʼageʼmo huʼniye. Apaukalegekana huʼa neʼmaiya vayaʼmogimo neʼneʼapaeʼmo ge nehae.

Aiyeya 25:6

Muki vayaʼaiteʼmo yagaino neʼapateya Ala kava neʼmoʼa muki vayaʼmogi ani aveleʼmo nesaya neʼyaʼmo hogote neʼyanagi hogote nofi alagafati aninagi alagepa ameʼagi huno yagita huʼniye.

Aiyeya 55:1

Ala kava neʼmoʼa hunoʼaeʼmo, Hae, huno, muki vayaʼmo anifeʼmo lapauʼnisiya vayaʼmogitapae, huno, anitegamo eyo. Monitapimo ohaneʼnisiya vayaʼmogitapamo eta miya faitapa neyo. He, eta nofi alagafati aniʼe pulumakamo nuʼaʼeʼmo moniletiʼmo miya ofaitapa fiku aliyo, huno hapa nepaiye.

Matiyu 15:36

seveniʼa peleti mayaʼe noyameʼeʼmo aliʼneno Gotifeʼmo haoke heteno akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae. Muki vayaʼamogimo neʼa apamu huʼnae.

Matiyu 26:26

Neʼyaʼmo neʼneʼapaeʼmo Yesuʼa peleti mayamo alino auleno ateteno nunumuʼmo huteno akaya heno geʼamo neʼafiya vayaʼmo apamitenoʼaeʼmo, mani peleti mayamo nagufaʼnimo haneʼniye.

Matiyu 26:28

Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

1 Kolitiyani 10:16

Lagaemo Ala kava neʼmo neʼyaʼmo nesunafeʼmo aote kapumo aliʼneta Gotifeʼmo hao ke heta nunumuʼmo nehune. Mani kapufi aniʼmo Kalaisi kolaʼamo netetaeʼmo afalu afalugana huta neʼnone. Ani kavaʼmo huta peleti mayamo akaya heta netaeʼmo Kalaisi agufaʼamo neʼnone.

1 Kolitiyani 11:28

Vayaʼmogimo hogoteʼa apamete apamete huʼa apakaiʼapi apaipafi kavaʼapimo aliʼa fako huʼa ateteʼa alo hu maleʼneʼapaekeʼmo peleti mayaʼe aniʼeʼmo nesaya kavaʼmo haneʼniye.