Matiyu 26:18 - The Keyagana NT and 25 OT books

¹⁸ alopa taonifiʼmo uta haitapa mago agesaya vekaeʼmo, Tisa vekatimoʼmo laha painoʼaeʼmo, nagae afinaʼmo alagi ago hogo huʼniye. Nagaeʼe geʼnimo neʼafiya vayaʼeʼmo nokafiʼmo Pasova neʼyaʼmo negaune, huno laha paiʼniye, hutapa ha paiyo, huno hapa paiʼniye.

Matiyu 26:18 ပူးပေါင်းရင်းမြစ်များ

Matiyu 21:3

Mago vekamoʼmo ge huno lanafi gesigetanaeʼmo, Ala kava neʼmoʼa aliʼyaʼamo alisaʼafeʼmae, hutana ha paisaʼagenoʼaeʼmo malage huno alino anatesigeʼana egaʼae, huno hana paiʼniye.

Matiyu 23:10

Kava netapimo magoke vekamo Kalaisiʼa maiʼniyaʼmofeʼmo lapakaefeʼmo, kava vayatimogitapae, huʼa lapaki aesaya agufa kavatapimo ohaneʼniye.

Matiyu 23:8

Nehapaiyaʼmonanafa lapakaefeʼmo, ala tisa nene, huʼa lapaki aesaya agufa kavatapimo ohaneʼniye. Ala tisa netapimo magoke vekatapimo maiʼnigetapaeʼmo lapakaemo magoke aiyaya konaga vayaʼmo maiʼnayaʼmofeʼmae.

Matiyu 26:19

Geʼamo neʼafiya vayaʼmogi hapa paiʼniya gemo akame huʼa uʼa Pasova neʼyaʼmo alo huʼnae.

Matiyu 26:2

ago afiʼnayana lole afinaʼmo utesigeno Pasova hopa afinaʼmo afole aigiye. Afole aitesigeʼapaeʼmo Vemo mafaʼnemo malipu yosaleʼmo nili aiteʼa aliʼa he tiʼa atesayafeʼmo avaleli uʼa apamigae, huno hapa paiʼniye.

Matiyu 26:49

Yutasiʼa eno avaʼyi nehunoʼaeʼmo malage huno Yesutegamo unoʼaeʼmo, Tisao, huno ge amamaeteno haeno neʼniye.

Maki 5:35

Ha nepaigeʼapaeʼmo mago vayaʼmo Yailasiʼa Yu vayaʼai monoteʼmo yagaiʼniya notegatiʼmo eʼapaeʼmo, aʼmafaʼnekamo ago faliʼnigi na kava higeka tisa vekamo alaga haesiya yaʼmo alika neʼamine, huʼa ha paiʼnae.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Yoni 11:28

Mataʼa ani gemo hutenoʼaeʼmo halate aino atagi neno uno vayaʼmogimo oʼafisayafeʼmo aganaʼamoʼmo Maliyafeʼmo sumi huno ha painoʼaeʼmo, Tisa vekamo ago eno manileʼmo avaʼyi huteno kagaefeʼmo eno, huno ge nehiye, huno ha paiʼnigeno

Yoni 12:23

Yesuʼa geʼapileʼmo aeno atagaina huno hapa painoʼaeʼmo, hemenimo Vemo Mafaʼnemoʼa ala agiʼamo alisiya afinaʼmo afole aiʼniye.

Yoni 13:1

Alopa neʼyaʼmo neʼnaya Pasova afinaʼmo ago afole aigefeʼmo hogo huʼnigenoʼaeʼmo Yesuʼa agaiʼamo ago afiʼniyana ma mopamo ataleʼna Afoʼnimotegamo uʼna haisuva afinaʼnimo ago hogo huʼniye, huno afiʼniye. Agaemo ma mopafi maiʼnaya vayaʼamogifeʼmo hau ayamopafiʼmo haume haume eno atupa afinaʼeʼmo hauʼniye.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Yoni 20:16

Yesuʼa hunoʼaeʼmo, Maliyao, huno huʼnigeno aino afe leno Himulu gefatiʼmo hunoʼaeʼmo, Lamonai, ina ge huno, Tisao, huno huʼnigenoʼaeʼmo,

Yoni 7:30

atafauʼa kalavusi huʼa atesayafeʼmo huʼnayaʼmonanafa agae afinaʼmo afole oʼaiʼniyaʼmofeʼmo mago vekamoʼa atafausiya kaʼmo ohaneʼniye.

Yoni 7:6

Yesuʼa hunoʼaeʼmo, nagae afinaʼmo hemenimo afole oʼaiʼniye. Lapakae afinaʼmo muki afinaʼamo haneʼniye.

Yoni 7:8

Lapakaemo hopa afinaʼmogeʼa aliʼa anupa huʼa maisayategamo viyo. Hemenimo nagae afinaʼmo alagi afole oʼaiʼniyaʼmofeʼmo oʼuguve, huno hapa paiteno Galeliya kotegamo maiʼniye.