Matiyu 25:5 - The Keyagana NT and 25 OT books

⁵ Saufa aʼmo aligefe huʼniya vekamo oʼmeno yatala afinaʼmo maiʼnigeʼapaeʼmo muki aʼmafaʼne anagaʼamo apau maiʼmai huʼnigeʼa ago apau kaleʼnae.

Matiyu 25:5 ပူးပေါင်းရင်းမြစ်များ

Salomoni Yokemae 3:1

Haniʼilagamo hipaʼnileʼmo havaeʼneʼnaeʼmo nagupi mafaʼnemoʼmo hau ayamopafiʼmo hauʼniya vekaʼnieʼmo kahauya huʼnovaʼmonanafa oʼageʼnove.

Salomoni Yokemae 5:2

Haniʼilagamo nau kaleʼnovaʼmonanafa nagupi mafaʼnemoʼa auʼmo okaleno afaʼa maiʼniye. Nahau nayamopafiʼmo neʼnahaiya vekaʼnimo agemo afiʼnove. Kitaʼnileʼmo hakalu hakalu huteno, Nasaʼnimogamo nahau nayamopafi aʼnimogae, huʼna, Kitamo yakika nato. Haniʼilagamo aniʼmoʼa emineno nagenopafiʼmo aniʼmo faleno nateʼnigeno nayokapiʼmo lao yaʼmo emineno havai teʼniye, huno naha paiʼniye.

Salomoni Yokemae 5:3

Nagaemo kukenaʼnimo ago asagiʼna ataleʼnovanageʼna halate haiya kava huʼna aliʼna vaiguve. Nagaemo naiyaʼnimo ago sese hu maleʼnovanageʼna halate he tiʼna uʼneʼna hisugeno naiyaʼnileʼmo oʼaniʼya faigiye, huʼna ha paiʼnove.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Matiyu 24:48

aliʼyaʼamo neʼaliya hosu vekamoʼmo, aliʼyaʼmo afoʼamoʼmo yatala afinaʼmo maiʼniye, huno agesa afiteno

Matiyu 25:19

Yatala afinaʼmo utegeno aliʼyaʼmo afoʼamoʼmo halate atagi neno eno apamiʼniya moniletiʼmo aliʼyaʼmo aliʼnaya monieʼmo ava gemo afisiyafeʼmo eʼniye.

Matiyu 25:4

alagepa huʼa afiteʼa ageʼnaya aʼmafaʼnemogi lamuʼapifiʼmo lakiʼa ata kaesaya aniʼapiʼeʼmo aliniʼa uʼnae.

Matiyu 25:6

Haniʼilaga folaguʼmo keya aeʼa ge huʼapaeʼmo, saufa aʼmo alisiyafeʼmo huʼniya vekamo ago neʼeyanagi he titetapa fotu hiyo, huʼa ge huʼnae.

Matiyu 26:40

Atagi neno eno geʼamo neʼafiya vayaʼmo apakeyana apau kaleʼa maiʼnageno apaketeno Pitafeʼmo, lapakaemo magoke afinaʼmo nagaeʼeʼmo afaʼa yagaita oʼmaiʼnafiye, huno afi geʼniye.

Matiyu 26:43

Atagi neno eno apakeyana apau maiʼmai huʼnigeʼa apau kaleʼageʼmo maiʼnageno

Luki 1:21

Kumatega maiʼnaya vayaʼmogimo Sekalaiyasifeʼmo agava maiʼneʼapaeʼmo, na kava higenoʼaeʼmo alopa mono nopiʼmo yatala afinaʼmo maiʼniye, huʼa huʼnae.

Luki 12:45

aliʼyaʼamo neʼaliya vekamoʼmo hunoʼaeʼmo, hemenimo aliʼyaʼmo afoʼamoʼmo oʼmegaiye, huno huteno aliʼyaʼmo neʼaliya ve aʼnemo aepa faino apamagiteno alopa neʼyaʼe aniʼeʼmo neteno negi nagi huno maiʼnenoʼaeʼmo

Luki 18:8

Lama gemo lapa nepauve, huʼna, malage huno alino fako huno apateteno hapa maegaiyaʼmonanafa Vemo Mafaʼnemo emineno apakesamo afiʼa fatago nehaya vayaʼaina kahauya huno apakesifiye, huno hapa paiʼniye.

Luki 20:9

Yesuʼa aepa faino aeno kalafefa gemo huno hapa painoʼaeʼmo, mago vekamoʼmo nofi hoyamo vai maleteno mago vayaʼmogi yagaiʼa ateʼnisageno nofi alagamo afu lesigeno agaiʼamo mago nofi alagaʼamo alisigeʼa apakaemo mago nofi alagaʼamo alisayafeʼmo apavaleno apateteno afagi kotegamo uno yatala afinaʼmo maiʼniye.

Lomu 13:11

Afole aiʼniya afinaʼmo ago ageʼnayaʼmofeʼmo mani kavaʼmo hiyo. Lagesamo afita fatago huʼnona afinatetiʼmo mago afinaʼmo utesigeno Gotiʼa lagufamo alino katino latesiya afinaʼmo ago hogo nehiyaʼmofeʼmo lapaupatiʼmo he tita yagaitapa maisaya afinaʼmo afole aiʼniye.

Efasasi 5:14

Ani kavafeʼmo hunoʼaeʼmo, kaukaleʼnana vekamogamo kaupatiʼmo he tige faliʼnaya vayapatiʼmo he tige huka maigenoʼao Kalaisiʼa kaipafiʼmo ha le yaʼmo kamino, huno huʼniye.

1 Pita 5:8

Kametapimo Sataniʼa kaekae nehiya laiyonigana huno maiʼnenoʼaeʼmo vayaʼmo hapaesiyafeʼmo umenitata nehiyanagi lapau maiʼmai osutapa alagepa huta kava yagaitapa maiyo.

Leveleseni 2:25

afiʼnaya gelekeʼmo atafauta alagi huta maime maime neʼvigeʼna emineno.