Matiyu 25:42 - The Keyagana NT and 25 OT books

^42-43 Naga teʼnigetapaeʼmo neʼyaʼmo oʼnamige anifeʼmo nahauʼnigetapaeʼmo aniʼmo hefita oʼnamige alu kotegatiʼmo eʼnogetapaeʼmo navaleliteta alita falu huta oʼnatege kukenaʼnimo ohaneʼnigetapaeʼmo aliniteta vaitapa oʼnatege kaita nahauʼnigetapaeʼmo yagaita oʼnatege kalavusifiʼmo maiʼnogetapaeʼmo yagaita oʼnatege huʼnayaʼmofeʼmae, huno hapa paigiye.

Matiyu 25:42 ပူးပေါင်းရင်းမြစ်များ

Matiyu 12:30

Mago vekamo nao vekamo oʼmaiʼnisiyana kameʼnimo maiʼniye. Mago vekamoʼmo aliʼna anupa huʼna apatesuvafeʼmo naha noʼmaesiyana alino atagu faeno alino hapa faino neʼapatale.

Matiyu 25:35

Naga teʼnigetapaeʼmo neʼyaʼmo namige anifeʼmo nahauʼnigetapaeʼmo aniʼmo namige alu kotegatiʼmo eʼnogetapaeʼmo navaleliteta alitapa falu hutapa natege huʼnae.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 4:2

Agaemo fotiʼa felugaʼe haniʼilagaʼeʼmo neʼyaʼmo oʼneno maiʼnigeno aga teʼnigeno maiʼniye.

Yoni 14:21

Vayaʼmogi keʼaepa geʼnimo ma kava hiyo, ina kava osiyo, huʼna hapa nepauva gemo afiteʼa akame nehaya vayaʼmogi nagaefeʼmo hapau apayamopafiʼmo nehapaiya vayaʼmo maiʼnae. Afoʼnimoʼmo nagaefeʼmo hapau apayamopafiʼmo nehapaiya vayaʼaifeʼmo ani kavakeʼmo huno hau ayamopafiʼmo hauʼnisigeʼna nagaeʼeʼmo ani kavakeʼmo huʼna nahau nayamopafiʼmo nahauʼnisigeʼna nagaiʼnimo aliʼna apave lisugeʼa nagegae, huno hapa paiʼnigeno

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

1 Kolitiyani 16:22

Ala kava nefeʼmo hapau apayamopafiʼmo nohapaiya vayaʼmo Gotiʼa alagi apatalesigeʼa afela heyo. Ala kava netimo emikeno.

2 Tesaloniyani 1:8

Kalaisiʼa Gotiʼmo oʼagege Ala kava netimo Yesu Kalaisifeʼmo alagepa faigoko geʼamo oʼafige huʼa neʼmaiya vayaʼmo anonaʼapilefeʼmo ata kayotetiʼmo apamagigiye.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.