Matiyu 25:4 - The Keyagana NT and 25 OT books

⁴ alagepa huʼa afiteʼa ageʼnaya aʼmafaʼnemogi lamuʼapifiʼmo lakiʼa ata kaesaya aniʼapiʼeʼmo aliniʼa uʼnae.

Matiyu 25:4 ပူးပေါင်းရင်းမြစ်များ

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Matiyu 10:16

Afiyo, huʼna, Nagaemo aliʼna lapatesugetapa sipisipigana huta afela kalamo maiʼnaya folagapiʼmo ugae. Nagaloʼyave anagaʼmogimo vayaʼmogi oʼapamagisayafeʼmo vase vase huʼa neʼvaya kava huta viyo. Kaugoʼyave namamogimo vayaʼmo ohapaeʼa afaʼa neʼmaiya kava huta maiyo.

Matiyu 25:2

Ani kava huʼa naya magokayagaʼa aʼmafaʼnemogimo negi nagi apakesamo afiʼnageʼapaeʼmo naya magokayagaʼa aʼmafaʼnemogimo alagepa huʼa afiteʼa ageʼnae.

Matiyu 25:3

Negi nagi aʼmafaʼnemogi lamuʼapimo aliʼnayaʼmonanafa lamuʼapifiʼmo lakiʼa ata kaesaya aniʼapimo oʼaliʼnayaʼmonanafa

Matiyu 25:5

Saufa aʼmo aligefe huʼniya vekamo oʼmeno yatala afinaʼmo maiʼnigeʼapaeʼmo muki aʼmafaʼne anagaʼamo apau maiʼmai huʼnigeʼa ago apau kaleʼnae.

Matiyu 7:24

Ani kavafeʼmo huʼnaeʼmo, muki vayaʼmogimo mani hapa nepauva gemo afiteʼa akame nehaya vayaʼmogimo mago afiteno ageʼniya vekamoʼmo noʼamo alopa yafateʼmo faino ateteno ki maleʼniya vekagana huʼa maiʼnae.

Yoni 3:34

Gotiʼa alino ateʼnigeno eʼniya vekamoʼa Goti geʼamo hapa nepaiye. Gotiʼa Aunemeʼamo alino fako huno magoʼamo maleteno oʼamiʼnifa mukiʼamo alagi amiʼniyaʼmofeʼmo Goti geʼamo aeno hakalo huno hapa nepaiye.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

1 Yoni 2:20

Apakaemo ataleʼa uʼnayaʼmonanafa lapakaeteʼmo aote vekamo Kalaisiʼa uvelimo lakino lapategekana huno Goti Aunemeʼamo lapamiʼnigetapa muki geʼamo afiʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

Yuti 1:19

Ani kavaʼmo nehaya vayaʼmogimo siosi vayaʼmo aliʼa fako huʼa neʼapatae. Goti Aunemeʼamo oʼaliʼa ma mopafi vayaʼmo maiʼnae.