Matiyu 25:21 - The Keyagana NT and 25 OT books

²¹ aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:21 ပူးပေါင်းရင်းမြစ်များ

Mai'naya kavane 14:35

Kini vekamoʼmo afiteno ageʼneno aliʼyaʼamo neʼaliya vekaeʼmo haoke neheyaʼmonanafa avagage yaʼmo alino neʼamiya vekaeʼmo aipamo leno ateno maiʼniye.

Mai'naya kavane 28:20

Geʼamo akame huno alagepa aliʼyaʼmo neʼaliya vekamoʼmo asole aulena yaʼmo aligiyaʼmonanafa malage huno kagemi yaʼamo alisiyafeʼmo hauʼnisiya vekamo kayoʼmo amigiye.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 24:47

Lama ge lapa nepauve, huno, aliʼyaʼmo afoʼamoʼmo muki kagemi yaʼaleʼmo yagaisiyafeʼmo alino he tino ategaiyaʼmonanafa

Matiyu 25:23

aliʼyaʼmo afoʼamoʼmo hunoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Luki 12:44

Lama gemo lapa nepauve, huno, aliʼyaʼmo afoʼamoʼmo hunoʼaeʼmo, muki yaʼnileʼmo yagaiyo, huno ha paigiyaʼmonanafa

Luki 16:10

Mago vekamoʼmo aise yateʼmo alagepa huno yagaiʼnisiyaʼmoʼmo ani kavaʼmo huno alopa yateʼeʼmo alagepa huno yagaigiye. Mago vekamoʼmo aise yateʼmo alagepa huno oʼyagaiʼnisiyaʼmoʼmo ina kavaʼmo huno alopa yateʼeʼmo alagepa huno oʼyagaigiye.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Yoni 17:24

Afo, huʼna, nahauʼniyanagi apavaleka namiʼnana vayaʼnimo nagaetegamo eʼa maiʼneʼa namiʼnana ha le konali yaʼnimo agesayafeʼmo nahauʼniye. Ma mopamo alo osuʼnana afinaʼmo nagaefeʼmo kahau kayamopafiʼmo kahauʼniyaʼmofeʼmo ha le konali yaʼnimo namiʼnane.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 10:18

Apakaiʼapieʼmo huʼapaeʼmo, Alagepa aliʼyaʼmo aliʼnone, huʼa nehaya vayaʼmogi ala apakiʼapimo oʼaligafa Ala kava neʼmoʼa hunoʼaeʼmo, Alagepa aliʼyaʼmo aliʼnae, huno hisigeʼapaeʼmo ala apakiʼapimo aligae.

2 Kolitiyani 5:9

Lagufafiʼmo maiʼnopi ataleta visupi nehutaeʼmo amuse huno latesiyafeʼmo aliʼyaʼamo neʼalune.

Filipai 1:23

Lole kavaʼmoʼa heno navayu hulino neʼviye. Ma mopamo ataleʼna uʼna Kalaisiʼeʼmo maisuva naipamo nekaliye.

1 Timoti 3:13

Alagepa nikeni aliʼyaʼmo alisiyana ala agimo aliteno agesamo afino fatago nehuno lokiya vaino maigiye.

2 Timoti 2:12

Alagi oʼataleta kana yaʼmo alime alime neʼvisunana kini vayakana huta agaeʼeʼmo magokepi lokaeta maiʼneta yagaita apategaune. Lagaemo agaefeʼmo oʼageʼnona vekae, huta nehisunana lagaefeʼmo oʼapakeʼnova vayane, huno hugiye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 21:7

Aeʼa neʼapakasaya vayaʼmogimo muki yaʼmo alisageʼna Gotiʼapimoʼnamo maisugeʼapaeʼmo mafaʼneʼnimo maigae.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.

Leveleseni 7:17

Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.