Matiyu 25:10 - The Keyagana NT and 25 OT books

¹⁰ Aniʼmo miya faisayafeʼmo uʼnagenoʼaeʼmo saufa aʼmo alisiyafeʼmo huʼniya vekamo ago eno avaʼyi huʼniye. Ago alo huʼa maiʼnaya aʼmafaʼne anagaʼmogi agaeʼeʼmo magokepi lokaeʼa uʼa haiʼa neʼyaʼmo yagita huʼnaya nopiʼmo maiʼnagenoʼaeʼmo kitamo ki maleʼniye.

Matiyu 25:10 ပူးပေါင်းရင်းမြစ်များ

Samu 95:11

Naipamo leʼnigeʼnaeʼmo nagoʼyamo ataleteʼna lokiya gefatiʼmo huʼnaeʼmo, nagaeʼeʼmo eʼa haiʼeʼa maiʼa haga lesaya koteʼmo alagi eʼa haiʼeʼa oʼmaigae, huʼna huʼnove.

Matiyu 24:42

Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.

Matiyu 24:43

Afiyo, huʼna, no aepa vekamoʼmo hainu afinaʼmo kumaya neʼaliya vekamo egaifi, huno agesamo afiʼniyesinana yagaino maiʼnisigeno eno noʼamo aeno yakino kumaya oʼaliʼniyesinaʼmofeʼmo

Matiyu 24:44

yagaita maiyo. Lapakaemo, hemenimo emiʼnoʼmegaiye, hutapa hisaya afinakeʼmo Vemo mafaʼnemo eminegaiyaʼmofeʼmo yagaita maiyo.

Matiyu 25:6

Haniʼilaga folaguʼmo keya aeʼa ge huʼapaeʼmo, saufa aʼmo alisiyafeʼmo huʼniya vekamo ago neʼeyanagi he titetapa fotu hiyo, huʼa ge huʼnae.

Matiyu 7:21

Muki vayaʼmogimo nagaefeʼmo huʼapaeʼmo, ala kava nene, ala kava nene, huʼa nehaya vayaʼmogimo Gotiʼa yagaino neʼapateya koteʼmo afaʼa uʼa ohaigayaʼmonanafa kokuʼnapi afoʼnimoʼmo hauʼniya kavaʼageʼmo nehaya vayaʼageʼmo afaʼa uʼa haigae.

Luki 12:35

Kukena yaʼapimo vaiteʼa lamuʼapifiʼmo kani aeʼa kaeteʼa alo huʼa maiʼnaya vayakana huta maiyo.

Luki 13:25

Noʼmo afoʼamoʼmo he tino kitamo ki maleʼnisigetapaeʼmo kumatega he tita maiʼnetapaeʼmo kitaleʼmo hakalu hakalu nehutapaeʼmo, Ala kava nene, hutapa, kitamo yakika lato, huta nehisagenoʼaeʼmo, olapakeʼnova vayanagi haiyaʼalegati eʼnae, huno ge huno lapafi gesigetapaeʼmo,

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.

1 Pita 1:13

Ani alagepa faigoko gemo afole aiʼniyaʼmofeʼmo alagepa huta afisayafeʼmo lapakesamo alo hutetapa lapakufaleʼmo yagaita lapateyo. Yesu Kalaisiʼa emineno vayaʼai apaulagaleʼmo afole aitenoʼaeʼmo fikumo laha maeno lamigiye, huta ani geʼaekeʼmo lapakesamo afitetapa agava maiʼnetapa lapavayagunagu hutapa maiyo.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 19:7

Amuse huta lamogaga aiteta agiʼaleʼmo alita asaga higetao. Na kava hinagetaene. Sipisipi vekamoʼmo aʼmo alisiya afinaʼmo ago afole aiʼnigeno aʼamo agaiʼamo alo huno ateʼniyaʼmofeʼmae.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.