Matiyu 24:6 - The Keyagana NT and 25 OT books

⁶ Lapaopaleʼmo kamemo hisaya kavafeʼmo ava gemo hisagetapa afige afagi kotegamo kamemo hisaya kavafeʼmo ava gemo hisagetapa afige hutetapaeʼmo atete huteta koli osiyo. Ani kavaʼmo afole aigiyaʼmonanafa hano hugefe hisiya afinaʼmo afole oʼaigiyaʼmonanafa henagaʼamo atupa afinakeʼmo afole aigiye.

Matiyu 24:6 ပူးပေါင်းရင်းမြစ်များ

Samu 112:7

Aipamoʼmo atete nosigeno Ala kava nefeʼmo alino amufa neʼamiye. Hosu kavafeʼmo ava gemo afisiyafeʼmo koli osugiye.

Aiyeya 12:2

Afiyo, huʼa, Gotiʼa nagufamo alino katino neʼnateya vekamo maiʼniye. Ala kava neʼmoʼa mago agiʼamo Yamo nagaemo lokiya vaiʼna neʼmauva kavaʼmo nehiyanageʼna agiʼaleʼmo aliʼna asaga hisuva yokemo huguvaʼmofeʼmo nagaemo agaefekeʼmo aliʼna amufa amiʼnaeʼmo koli osuguve. Agaemo nagufamo alino katino neʼnateya vekamo hamaleʼniye.

Matiyu 2:3

Helotiʼa yagaino neʼapateya kini vekamoʼmo ani gemo afitenoʼaeʼmo hausoli huʼnigeʼapaeʼmo muki Yulusalemu taonifiʼmo maiʼnaya vayaʼmogiʼeʼmo ani kava huʼa hapausoli huʼnae.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Matiyu 26:54

Nagaemo Afoʼnimofeʼmo ge hisuvana Goti Mukufiʼmo avoʼmo kae maleʼniya gemoʼa hunoʼaeʼmo, nagaetegamo ani kavaʼmo hugae, huno huʼniyaʼmofeʼmo haiya kava huno ani gemo afole aigiye, huno hapa paiʼniye.

Luki 21:19

Lapakaemo alagepa kaʼmo oʼataleta lokiya vaitapa maisayaʼmoʼmo maige maige huta maisaya yaʼmo aligae.

Luki 21:9

Mago vayaʼmogi kamemo hisaya kavafeʼmo apava gemo huge lusi kaveta hisaya kavafeʼmo apava gemo huge hisagetapaeʼmo koli osiyo. Ani agufa kavakoʼmo hogoteno afole aisigetapaeʼmo hemenimo alagi ago hano hisiya afinaʼmo hogo nehiye, hutapa osiyo.

Luki 22:37

Lapa nepauve, huno, Goti mukufiʼmo avoʼmo kae maleʼniya gemoʼmo hunoʼaeʼmo, keʼaepa gemo amagiʼa neʼatalaya vayapiʼmo maiʼniya vekae, huʼa apakesamo afiʼnae, huno nava gemo huno avoʼmo kae maleʼniya gemo afole aigiye. Muki kavaʼaeʼmo nava gemo huʼa avoʼmo kae maleʼnaya gemo afole neʼaiye, huno hapa paiʼnigeʼapaeʼmo,

Yoni 14:1

Yesuʼa hunoʼaeʼmo, Lahapausoli osuge lapaipamoʼmo atete osuge hino. Gotifeʼmo lapakesamo afita fatago huge nagaefeʼmo lapakesa afita fatago huge nehayaʼmofeʼmo oʼataletapa magoʼe hutapa lapakesa afita fatago hiyo.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

2 Tesaloniyani 2:2

Mago vayaʼmogi huʼapaeʼmo, Kalaisi afinaʼmo ago afole aiʼniye, huʼa nehayaʼmonanafa lokiya gefatiʼmo hutaeʼmo, Goti Aunemeʼamoʼmo laha paiʼniye, huʼa huʼnisafi mago vayaʼmogi eʼa aeʼa hakalo huʼa laha paiʼnae, huʼa huʼnisafi mago vayaʼmogi huʼapaeʼmo, Poloʼeʼmo lagaefeʼmo avoʼmo kaeʼnae, huʼa lapa paiʼnisafigi ani geeʼmo afitapa lapau aitetapa lapausoli osiyo.

Leveleseni 6:4

Mago alu hosimo haesa hosimo eʼnigeno ani hosileʼmo fai maiʼniya vekamoʼmo apamagisiyafeʼmo kame huno apatesiya himamuʼamo aliʼniye. Mago vekamoʼmo alopa naipemo amiʼnigeno aliteno uʼniye.