Matiyu 24:49 - The Keyagana NT and 25 OT books

⁴⁹ agaeʼeʼmo magokepi lokaeʼa aliʼyaʼmo neʼaliya vayaʼmo aepa faino apamagiteno lusi aniʼmo neteʼa negi nagi nehaya vayaʼeʼmo aniʼmo neno maiteno

Matiyu 24:49 ပူးပေါင်းရင်းမြစ်များ

Mai'naya kavane 23:20

Kagaemo lokiya aniʼmo nege lusi neʼyaʼmo nege nehaya vayaʼmo alika kao yaʼmo osuvo.

Aiyeya 56:12

Vayaʼmo aliʼa anupa nehaya afinaʼmo apakaepatiʼmo mago vekamoʼmo ina gemo hunoʼaeʼmo, Nagaemo nofi alagafati aniʼmo aliniʼna esugeta lagaemo alino negi nagi huno latesiya aniʼmo neme neme ugune. Lagaemo egamo ani agufa kavaʼmo huteta magoʼe hutageʼmo negaune, huno hugiye.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Maika 3:5

Goti gemo aeʼa hakalo huʼa hapa nepaiya vayaʼmogi Goti vayaʼamo hosu kateʼmo apavaleliʼa neʼvae. Ala kava neʼmoʼa ani vayaʼaifeʼmo apava gemo hunoʼaeʼmo, Apakaemo neʼyaʼmo neʼapamiya vayaʼaifeʼmo huʼapaeʼmo, Alagepa hutapa maigae, huʼa nehayaʼmonanafa neʼyaʼmo noʼapamiya vayaʼeʼmo kame hisayafeʼmo alo nehae, huno huʼniye.

Matiyu 18:28

Aliʼyaʼamo neʼaliya vekamo neʼvigenoʼaeʼmo magokepi lokaeʼana aliʼyaʼmo neʼaliʼa vekamo aise moni anonaʼamo haneʼniya vekamo eʼnigeno agetenoʼaeʼmo anu kiliʼneno lugoʼaleʼmo atafauʼnenoʼaeʼmo, anonaʼnilefeʼmo monimo alinikeka namiyo, huno ha paiʼniye.

Matiyu 24:48

aliʼyaʼamo neʼaliya hosu vekamoʼmo, aliʼyaʼmo afoʼamoʼmo yatala afinaʼmo maiʼniye, huno agesa afiteno

Matiyu 24:50

agesa afino alo huno oʼmaiʼnisiya afinaʼmo aliʼyaʼmo afoʼamoʼmo atagi neno egaiye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Yoni 2:10

muki vayaʼmogimo hogoteʼa neʼyaʼmo neʼnaya yateʼmo eʼa maiʼnaya vayaʼmo alagepa nofi alagafati anikeʼmo lakiʼa apamiʼnageʼa asole aniʼmo netageʼapaekeʼmo henagaʼageʼmo hosuʼniya nofi alagafati aniʼmo neʼapamiye. Ani kavaʼmo nehayaʼmonanafa kagaemo hemenimo alagepa nofi alagafati aniʼmo maleka maiʼneka alinikeka nelamine, huno ha paiʼniye.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

2 Kolitiyani 11:20

Mago vayaʼmogimo aliʼyaʼapileʼmo kalavusi huʼa nelapatafi mago yatapimo aliʼa neʼnafi ane anagaʼaitefeʼmo aliʼa nelapatafi apaiyafiʼmo aliʼa nelapatafi huteʼa apayamo aliʼa atalelineʼa lapaugosafiʼmo lapamagige nehisayana afaʼa apaketapa neʼapatalae.

Filipai 3:19

Atupa afinaʼapimo Gotiʼa alino apagoʼya lagauno apatalesigeʼa alagi afela hegae. Apakaemo neʼyafekeʼmo lusi kava huʼa apakesamo neʼafiya yaʼmo gotiʼapimoʼae. Apavagage hisiya yafekeʼmo amuse huʼa neʼatae. Ma mopafi yatefekeʼmo apaipa apakesamo aliʼa atageno neʼviyaʼmonanafa

1 Pita 5:3

Gotiʼa apavaleno lapayapiʼmo lapamiʼniya sipisipileʼmo yagaitapa neʼapatetapaeʼmo alita afepi oʼapatetapa lapakame hisayafeʼmo apakaetegamo alagepa kavaʼageʼmo hiyo.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.

Leveleseni 13:7

Agaemo Goti vayaʼaeʼmo kame huno apateteno aeno apakaseno muki nofi vayaʼaitenagi muki alu apakufaʼe alu apakufaʼe vayaʼaitenagi muki alu apake alu apakemo neʼaiya vayaʼaitenagi muki alu kotega alu kotegamo maiʼnaya vayaʼaitenagi huno yagaino apatesiyafeʼmo Gotiʼa afaʼa ategeno maiʼniye.

Leveleseni 16:6

Apakaemo apaote vayakamo kamitimo apamagiʼnageno kolaʼapimo asagauno aiʼniyaʼmofeʼmo hosu kavaʼapimo anonaʼapileʼmo kolaʼmo nesayafeʼmo apamiʼnane. Kolaʼmo nesaya vayaʼmo maiʼnayaʼmofeʼmae, huno huʼnigeʼna afiʼnove.

Leveleseni 17:6

Ani a kanomoʼmo asole apaote vayaʼmo nefaliya kavaʼmo aepa a kanomo maiʼnenoʼaeʼmo Yesu agiʼalefeʼmo faliʼnaya vayaʼai kolaʼapimo neteno negi nagi huʼnigeʼna ageʼnove. Ageteʼnaeʼmo lusi kava huʼna nahau aiʼnove.

1 Samiyo 2:29

Ani kavaʼmo huʼnovaʼmofeʼmo na kavaʼmo higetapaeʼmo mono noʼnifiʼmo ofalinimo hiyo, huʼna lapa paiʼnova ofalini kavateʼmo aitapa lanu paiʼnae. Lapafayaʼe vayaʼmo hamalesayafeʼmo Isaleli vayaʼnimogi neʼnamiya ofalini yapatiʼmo hogote ameʼamo aliʼnae. Kagaemo mafaʼnekalaʼmogani anakiʼanileʼmo alika asaga nehanaʼmonanafa nagiʼnileʼmo alika afepiʼmo neʼnatane.