Matiyu 24:44 - The Keyagana NT and 25 OT books

⁴⁴ yagaita maiyo. Lapakaemo, hemenimo emiʼnoʼmegaiye, hutapa hisaya afinakeʼmo Vemo mafaʼnemo eminegaiyaʼmofeʼmo yagaita maiyo.

Matiyu 24:44 ပူးပေါင်းရင်းမြစ်များ

Matiyu 24:27

Alave huteno yegemo haine neʼeya kotegatiʼmo aeno ha leteno yegemo uno lamino nefaleya kotegamo aeno ha neleya agufa kavaʼmo nehisigeno Vemo mafaʼnemo eminesigeʼa muki vayaʼmogimo agegae.

Matiyu 24:42

Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.

Matiyu 24:43

Afiyo, huʼna, no aepa vekamoʼmo hainu afinaʼmo kumaya neʼaliya vekamo egaifi, huno agesamo afiʼniyesinana yagaino maiʼnisigeno eno noʼamo aeno yakino kumaya oʼaliʼniyesinaʼmofeʼmo

Matiyu 25:10

Aniʼmo miya faisayafeʼmo uʼnagenoʼaeʼmo saufa aʼmo alisiyafeʼmo huʼniya vekamo ago eno avaʼyi huʼniye. Ago alo huʼa maiʼnaya aʼmafaʼne anagaʼmogi agaeʼeʼmo magokepi lokaeʼa uʼa haiʼa neʼyaʼmo yagita huʼnaya nopiʼmo maiʼnagenoʼaeʼmo kitamo ki maleʼniye.

Matiyu 25:13

Vemo Mafaʼnemo hainu afinaʼmo eminesifi na agufa kanaleʼmo eminesifi, hutapa oʼafiʼnayaʼmofeʼmo alagepa hutapa kava yagaita maiyo, huno hapa paiʼniye.

Luki 12:39

No aepa vekamoʼmo kumaya neʼaliya vekamo esiya afinafeʼmo afiʼniyesinana au okaleno afaʼa yagaino maiʼnisigeno kumayaʼmo neʼaliya vekamo eno noʼamo aeno akaino kumayaʼmo oʼaliʼniyesine.

Luki 12:40

Ani kavaʼmo hutapa alo huta maiyo. Vemo Mafaʼnemo hemenimo emiʼnoʼmegaiye, hutapa nehisagenoʼaeʼmo eminegaiye, huno hapa paiʼnigeno,

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Filipai 4:5

Yuna lapaipa kavaʼmo alitapa apave ligeʼa lapakeyo, Ala kava neʼmo ago eminesiya afinaʼmo alagi hogo nehiyanagi.

Yemisi 5:9

Konagaʼnimogitapae, huʼna, konagatapieʼmo ge ohapaiyo fiku yanageno Gotiʼa hosu gemo nehae, huno hugiye. Afiyo, huʼna, alino fako huno apatesiya vekamo kipateʼmo he tino maiʼniye.

Leveleseni 19:7

Amuse huta lamogaga aiteta agiʼaleʼmo alita asaga higetao. Na kava hinagetaene. Sipisipi vekamoʼmo aʼmo alisiya afinaʼmo ago afole aiʼnigeno aʼamo agaiʼamo alo huno ateʼniyaʼmofeʼmae.