36 Hainu afinaʼmofi na kanaleʼmofi huʼa muki vayaʼamogimo alagi oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo alagi oʼafiʼnayaʼmonanafa muki yaʼmo Afoʼamokeʼmo afiʼniye.
Ani kava hugayaʼmofeʼmo kava yagaita maiyo. Hainu afinaʼmo Ala kava netapimo eminesifi hutapa oʼafiʼnayaʼmofeʼmo yagaita maiyo.
yagaita maiyo. Lapakaemo, hemenimo emiʼnoʼmegaiye, hutapa hisaya afinakeʼmo Vemo mafaʼnemo eminegaiyaʼmofeʼmo yagaita maiyo.
Vemo Mafaʼnemo hainu afinaʼmo eminesifi na agufa kanaleʼmo eminesifi, hutapa oʼafiʼnayaʼmofeʼmo alagepa hutapa kava yagaita maiyo, huno hapa paiʼniye.
Na afinapi na kanalepi huʼa muki vayaʼamogimo oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo oʼafiʼnayaʼmonanafa Afoʼamokeʼmo afiʼniye.
Afoʼnimoʼmo lekana pai maleʼniya afinaʼe kanaleʼeʼmo agaiʼa yanageno hainu afinaʼmo afole aisifigetapa oʼafigae.
Ago afiʼnayana kava noʼyagaiya haniʼilagamo kumaya vayaʼmo neʼaya kava huno Ala kava neʼmo afinaʼmo afole aigiye.
Kumaya vayaʼmogimo kava noʼyagaiya afinaʼmo neʼaya kava huno Ala kava neʼmo agaiʼa afinaʼmo afole aisigenoʼaeʼmo lusi kava huno avamusa gemoʼmo nehisigenoʼaeʼmo kokuʼnaʼmo alagi hano hugiye. Muki ma mopaʼe muki ma mopafiʼmo haneʼniya yaʼeʼmo atamoʼmo leno sagalino hano hugiye.
Yesuʼa hunoʼaeʼmo, Afiyo, huno, kumayaʼmo neʼaliya vayaʼmo neʼaya kava huʼna emiʼnesugeʼapaeʼmo hapau aigae. Apakufalagaʼageʼmo maiʼnisageno apavagage osisiyafeʼmo apau okaleʼa kukena yaʼapimo alagepa huʼa hu maleteʼa yagaiʼa neʼmaisaya vayaʼmogi Goti aulena vayaʼmo maiʼnae, huno huʼniye.
Haino metaleʼniyaʼmofeʼmo afitetapa aliʼnaya geeʼmo lapake okanitapa kanale huta akame hutetapa lapaipamo alita afe leyo. Lapaupatiʼmo he otiʼnisageʼnaeʼmo kumayaʼmo neʼaliya vekamo neʼeya kava huʼna fiku kesi katetiʼmo esugetapaeʼmo hainu afinaʼmo esufigetapa oʼnagegae.