Matiyu 24:31 - The Keyagana NT and 25 OT books

³¹ Mago enisole vekamoʼmo alopa gefatiʼmo pikuli nehisigenoʼaeʼmo agaemo enisole vayaʼamo alino apatesigeʼa ma mopamo loleʼe loleʼe atupaleʼmo uʼeʼa huʼa lekana paino apateʼniya vayaʼmo apavaleli eʼa aliʼa anupa huʼa apategae.

Matiyu 24:31 ပူးပေါင်းရင်းမြစ်များ

Samu 22:27

Muki ma mopamo loleʼe loleʼe atupaleʼmo maiʼnaya vayaʼmogimo Ala kava nefekeʼmo apakesamo afiteʼa aiʼa atagi neʼa agaetegamo egae. Muki alu nofi vaya alu nofi vayaʼmogimo agaefekeʼmo mono hugae.

Samu 67:7

Gotiʼa alino auleno latesigeʼa muki ma mopafi vayaʼmogimo agaefekeʼmo koli hugae.

Samu 81:3

Hopa afinaʼmo monoʼmo nehuna afinaʼmo pikulimo hiyo.

Hatu maeno apate'niya gemae 19:16

Ema olagaʼamo netepiʼmo alopa hiyaʼmoʼa avemo kino ati kaeʼnigenoʼaeʼmo alino alave huteno hakalu nehigenoʼaeʼmo alopa gefatiʼmo pikulimo huʼnigeʼa seli noʼapimo haneʼniya yateʼmo muki maiʼnaya vayaʼmogimo afiteʼa lusi kava huʼa atete huʼnae.

Aiyeya 11:12

Agaemo kalahuʼmeʼmo alino asai maleteno hapa faiʼa apataleʼnaya Isaleli vayaʼe hapa faiʼa apataleʼnageʼa atagu faeʼa uʼeʼa huʼnaya Yuta vayaʼmogiʼeʼmo ma mopamo loleʼe loleʼe atupaletiʼmo apavalelino eno alino anupa huno apategaiye.

Aiyeya 42:10

Lapakaemo Ala kava nefeʼmo saufa yokemo hiyo. Muki ma mopafi vayaʼmogitapamo ala agiʼamo amiyo. Solovalapiʼmo sipifiʼmo neʼvaya vayaʼmogitapamo ala agiʼamo amiyo. Muki solovalapiʼmo maiʼnaya yaʼmogitapamo ala agiʼamo amiyo. Afagi kotegatiʼe ani kotegamo maiʼnaya vayaʼmogitapaʼeʼmo ala agiʼamo amiyo.

Aiyeya 43:6

Nagaemo lamaga haopalega vayaʼaifeʼmo huʼnaeʼmo, Apatalegeʼa eyo, huʼna huge hoga haopalega vayaʼaifeʼmo huʼnaeʼmo, kaʼmo akanita oʼapateyo, huʼna huge huguve. Lapakaemo afagitegatiʼmo ve mafaʼne anagaʼnimo apavalelita eyo. Muki ma mopamo agiʼnalegatiʼmo a mafaʼne anagaʼnimo apavalelitapa eyo, huʼna hapa paiguve.

Aiyeya 45:22

Ma mopafi muki haopalegamo maiʼnaya vayane, huʼna, nagaemo Gotiʼnamo maiʼnogeno mago alu gotiʼmo alagi oʼmaiʼniyaʼmofeʼmo aulu nahaetapa nagegeʼnao lapakufamo aliʼna katiʼna lapategauvanagi, huno huʼniye.

Aiyeya 49:18

Alika maku huka maiʼneka aulu heka agelika ugeka huka apako. Muki ve mafaʼne anagakamo magokepi aliʼa anupa huteʼa kagaetegamo neʼae. Ala kava neʼmoʼa agoʼyamo ataletenoʼaeʼmo, Alagi lama gemo huʼnaeʼmo, A kanomoʼmo veleʼmo maisiyafeʼmo kanale konalimo aliteno amogaga neʼaiya agufa kava huka mafaʼne anagakamo apavaleka kamogaga aigane.

Aiyeya 60:4

Lapakaemo lapakenopamo alita maku hutapa agelita utetapa hisayategamo ve mafaʼne anagatapimo magokepiʼmo aliʼa anupa huteʼa lapakaetegamo afagi kotegatiʼmo egae. A mafaʼne anagatapimo apavaleʼa hapaifiʼyaleʼmo apateteʼa apavaleliʼa lahapaopaleʼmo egae.

Neniyo 7:2

Neniyoʼmo hunoʼaeʼmo, Nagaemo mago alagamuna ageʼnovana loleʼe loleʼe yasimo kokuʼnapati alinineno solovala aniteʼmo aliʼnigeno solovala aniʼmoʼmo aino holakau holakau huʼniye.

Matiyu 13:41

Vemo mafaʼnemoʼmo enisole vayaʼamo alino apatesigeʼa uʼa yagaino neʼapateya kegiʼyafatiʼmo aliʼa hapafaiʼa apatalegae. Hosu kavaʼmo hisayafeʼmo aliʼa he tiʼa neʼapataya vayanagi muki hosu vayanagi huʼa apavaleliʼuʼa

Matiyu 24:22

Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 24:32

Fiki yosaeʼmo aeno kalafefa gemo huʼniya gemo afiyo. Yosa akopamo alino hegafa huteno saufa anupamo maleʼnigeta agetetapaeʼmo, yegemo lesiya afinaʼmo alagi hogo hiye, hutapa nehae.

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Maki 13:27

Agaemo enisole vayaʼamo alino apatesigeʼa ma mopamo loleʼe loleʼe atupaleʼe kokuʼna atupaleʼeʼmo uʼeʼa huʼa lekana paino apateʼniya vayaʼamo apavaleli eʼa aliʼa anupa huʼa apategae.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Yoni 11:52

Yu nofi vayaʼalefekeʼmo falino oʼapategaiyaʼmonanafa muki Goti mafaʼneʼamo atagu faeʼuʼeʼa huʼa maiʼnaya vayaʼmo apavalelineno alino anupa huno apateteno magoke nofi vayaʼmo alino ha maleno apategaiye, huno hapa paiʼniye.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

1 Kolitiyani 15:52

Henaga atupa pikulimo nehisigetaeʼmo malage huta magoke afinaʼmo lauluma nehuna agufa kavaʼmo huta anonaleʼmo saufa lagufamo aligune. Pikulimo nehisigenoʼaeʼmo faliʼnaya vayaʼmo alino he tino apatesigeʼa okasalisiya apakufamo alisageta afaʼa neʼmauna vayaʼmo saufa lagufamo alino hamaleno lategaiye.

Efasasi 1:10

Agesamo afino hu maletenoʼaeʼmo, hu maleʼnova afinaʼmo afole aisigeʼnaeʼmo muki kokuʼnapi vayaʼe ma mopafi vayaʼeʼmo aliʼna anupa huʼna apatesugeno Mafaʼneʼnimoʼmo yagaino apategaiye, huno huʼniye.

1 Tesaloniyani 4:16

Ala kava neʼmo kokuʼnapatiʼmo emineʼneʼenoʼaeʼmo alopa gefatiʼmo keya aeno ge nehisigenoʼaeʼmo enisole vayaʼaiteʼmo yagaino neʼapateya enisole vekamoʼa ge nehisigenoʼaeʼmo Goti pikulimo nehisigeno agaiʼamo eminegaiye. Emineʼneʼesigeʼapaeʼmo Kalaisipiʼmo maiʼneʼa faliʼnisaya vayaʼmo hogoteʼa he tigae.

2 Tesaloniyani 2:1

Konagatimogitapae, huʼna, Ala kava netimo Yesu Kalaisiʼa eminesigetaeʼmo magokepi lokaeta maisuna kavafeʼmo ava gemo hugesune.

Leveleseni 1:20

Seveniʼa kanefiʼmo lamaga nayapiʼmo haneʼnigeka ageʼnana kanefiʼe seveniʼa goli yafatetiʼmo alo huʼnaya hiʼyalamuʼefeʼmo aepaʼamo haneʼniyana alino fala ki maleʼniya kavafeʼmo aepaʼamo kaha paiguve. Seveniʼa kanefiʼmo haneʼniya kava huʼa seveniʼa siosifiʼmo apa vayaʼmo maiʼnae. Seveniʼa aise hiʼyalamuteʼmo magoke magoke lamumo maleʼnaya hiʼyalamuʼmo haneʼniya kava huno seveniʼa siosiʼamo haneʼniye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 7:1

Ani gemo afiteʼna ageʼnovana loleʼe loleʼe enisole vayaʼmogimo mopafiʼmo loleʼe loleʼe atupaleʼmo he tiʼa maiʼneʼapaeʼmo mopalenagi solovala anitenagi yosalenagi huʼa yasimo oʼalisiyafeʼmo ma mopamo atupaleʼmo loleʼe loleʼe yasileʼmo atafauʼnageʼna apakeʼnove.

Leveleseni 8:2

Inagi ageʼnovana seveniʼa enisole vayaʼmo Goti aulagaleʼmo he tiʼa maiʼnaya enisole vayaʼmo apamiʼniya pikulimo aliteʼa maiʼnageʼna apakeʼnove.