Matiyu 24:30 - The Keyagana NT and 25 OT books

³⁰ Ani afinaʼmo Vemo mafaʼnemo eminesiya alagena kavaʼmo kokuʼnapiʼmo afole neʼaisigeʼapaeʼmo muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. Apakaemo agesayana Vemo mafaʼnemo kokuʼnapi hiya mopaleʼmo lokiyaʼaʼe ha le konali yaʼaʼeʼmo alinino eminesigeʼa agegae.

Matiyu 24:30 ပူးပေါင်းရင်းမြစ်များ

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Matiyu 24:3

Yesuʼa Alifiʼaepa avefiʼmo itopaleʼmo maiʼnigeʼapaeʼmo geʼamo neʼafiya vayaʼmo apakaiʼapigeʼmo agaetegamo eʼapaeʼmo, ina afinaʼmo afole aigiye, huka laha paiyo. Emikegefeʼmo hisana afinaʼe hano hugefe hisiya afinaʼeʼmo na agufa alagena kavaʼmo afole aigiye, huʼa ge huʼa afi geʼnae.

Matiyu 24:37

Novaʼa maiʼniya afinaʼmo ma mopafi vayaʼmo maiʼnaya agufa kavakeʼmo huʼa maiʼnisageno Vemo mafaʼnemo eminegaiye.

Matiyu 24:39

Apakaemo alopa aniʼmo hegaiye, huʼa apakesamo oʼafiʼa fikugeʼmo maime maime neʼvagenoʼaeʼmo aniʼmo heteno muki vayaʼamo aniʼmoʼa alinino uʼniye. Ani agufa kavakeʼmo huʼa maiʼnisagenoʼaeʼmo Vemo mafaʼnemo eminegaiye.

Matiyu 26:64

ani gemo ago alagi nehane. Inagi nagaemo mukiʼamogitapaeʼmo magoʼe gemo lapa paiguve, lapakaemo agegayana Vemo mafaʼnemo lokiyaʼamo haneʼniya vekamo lamaga haopaleʼmo fai maiʼnenoʼaeʼmo he tino kokuʼnapi hiya mopaleʼmo eminesigetapa agegae, huno hapa paiʼniye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Maki 13:4

hainu afinaʼmo afole aigiye. Afole aisiya alagena kavafeʼmo laha paiyo, huʼa afi geʼnae.

Luki 21:27

Ani kavaʼmo hutesigenoʼaeʼmo Vemo Mafaʼnemo hiyateʼmo himamuʼaʼe alopa ha le konali yaʼaʼeʼmo eminesigeʼa agegae.

Luki 22:69

Ani afinaʼmo utesigeno Vemo mafaʼnemoʼmo uno haino himamuʼaʼe vekamo Gotiʼa lamaga haopaleʼmo fai maigiye, huno hapa paiʼnigeʼapaeʼmo

Apa 1:11

Maiʼneʼanaeʼmo, Galeliya vayane, huʼana, Na kava higetapaeʼmo kokuʼnapiʼmo aulu nehae. Ani vekamo Yesuʼa lapakae folagapatiʼmo Gotiʼa kokuʼnapiʼmo avalelino uno haiʼnigetapa ageʼnaya kava huno halate eminegaiye.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 12:1

Magoʼe huno lusi kava huno noʼagaya aune kavaʼmo kokuʼnate afole aiʼniyana mago a kanomo agufaleʼmo yegegana agufa kukena vailiʼnigeno aiyafiʼmo kaimo haneʼnigeno kakolitaʼamo aeʼa apakaseʼnaya vayaʼmogi aliʼa neʼmalaya agufa kakolitamo tuolofuʼa kanefiʼmoʼa faino ku aino ateʼnigeno kanefi kakolitamo agenopaleʼmo haneʼniye.