Matiyu 24:22 - The Keyagana NT and 25 OT books

²² Ani agufa hanageke yaʼmo afole aisiya afinaʼmo alino hogo huno oʼateʼniyesinana muki vayaʼmo ago faliʼnaesinaʼmonanafa lekana paino apateʼniya vayaʼaitefeʼmo hanageke afinaʼmo alino hogo huno ategaiye.

Matiyu 24:22 ပူးပေါင်းရင်းမြစ်များ

Aiyeya 6:13

Ataleʼa ugayaʼmonanafa ani mopaleʼmo aise nofi vayaʼmo maigae. Apakaemo aiʼa atagineʼa eʼa maigayaʼmonanafa kayoʼmo apamiguve. Apamiguvaʼmonanafa ani koteʼmo henagaʼamo nagaemo yosamo heʼya aiʼnaya atufafatiʼmo saufa ausisimo neʼaeya agufa kavaʼmo huʼna nagae apaote vayapatiʼmo saufa nofi vayaʼmo aliʼna afole aiʼna apategauve.

Matiyu 22:14

Gotiʼa asole vayaʼaifeʼmo eyo huno ge huʼniyaʼmonanafa aise vayaʼmo lekana paino apateʼniye, huno hapa paiʼniye.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 24:31

Mago enisole vekamoʼmo alopa gefatiʼmo pikuli nehisigenoʼaeʼmo agaemo enisole vayaʼamo alino apatesigeʼa ma mopamo loleʼe loleʼe atupaleʼmo uʼeʼa huʼa lekana paino apateʼniya vayaʼmo apavaleli eʼa aliʼa anupa huʼa apategae.

Maki 13:20

Ala kava neʼmoʼa ani agufa hanageke afinaʼmo alino hogo huno oʼateʼniesinana muki vayaʼamo ago faliʼnaesinaʼmonanafa lekana paino apateʼniya vayaʼaitefeʼmo ani hanageke afinaʼmo aliʼna hogo huʼna ategauve, huno agesamo afiʼniye.

Luki 18:7

Gotiʼa lekana paino apateʼniya vayaʼmogi muki felugaʼaʼe haniʼilagaʼaʼeʼmo aukaya huʼa ge huʼa afige afige nehisagenoʼaeʼmo ani kavaʼmo huno afiteno alino fako huno apateteno afaʼa hapa oʼmaegaifiye. Yatala afinaʼmo apakava maisiyaʼmoʼmo afaʼa hapa maegaiye.

Lomu 9:11

Alino oʼanateʼnigeʼanaeʼmo mago alagepa kavaʼe hosu kavaʼeʼmo osuʼnaʼa afinaʼmo Gotiʼa, yege mafaʼnemoʼa aganaʼamo aiyafiʼmo maiʼneno aliʼyaʼamo alisiya vekamo maigiye, huno ha paiʼniye. Gotiʼa hogoteno agesa afiteno hauʼnigeno lekana paino ateʼniya kavaʼamo alino afole aino atesiyafeʼmo ani gemo hu maleʼniye. Mago vekamo alagepa kavaʼaletiʼmo lekana paino oʼateʼnifa keya aeno ge nehiya vekamoʼmo agaiʼageʼmo hauʼnigeno lekana paino ateʼniye.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

1 Pita 1:1

Nagaemo Pitaʼnamo Yesu Kalaisi apa vekaʼamo maiʼneʼnaeʼmo Goti vayaʼamo kalagaʼmo hageta uteta hutapa Ponitasi kotega maige Galesiya kotega maige Kapanosiya kotega maige Esiya kotega maige Mitiniya kotega maige huʼnaya vayaʼmogitapaeʼmo mani gemo avoʼmo nekaove.