Matiyu 24:15 - The Keyagana NT and 25 OT books15 Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta အခန်းကိုကြည့်ပါ။ |
Apakaemo kame vayaʼapimogimo huʼapaeʼmo, gotitapimoʼmo muki afinaʼae afinaʼaeʼmo ofalini neʼamiya kavaʼmo magoʼe osiyo huʼa huge hosu yaʼmoʼa alino hosu huno neʼateya yaʼmo avenatuʼnaʼmo heno neʼataleya yakana huno haneʼniya yaʼmo aliʼa he tiʼa atege hisaya afinatetiʼmo vani tauseni tu hataleti naetiʼa afinaʼmo uno hano hutesigenoʼaeʼmae.
Ani kava hugiyaʼmofeʼmo kagaemo afole aisiya kavaʼmo afiteka ago. Halate Yulusalemu taonimo utapa kiyo, huno hisiya afinaʼmo seveniʼa sotamo afole aiteno sigisiti tuʼa sotamo afole aitesigeno Mesaiya vekamo yagaino apatesiya vekamoʼmo aliʼyaʼamo aepa faino aligiye. Hogoteno seveniʼa sotamo afole neʼaisigeʼapaeʼmo alopa hanageke yaʼmo afole aisiya afinaʼmo Yulusalemu kaʼe yafa kegiʼyaʼeʼmo hugae.
Mago sotafiʼmo agaemo asole vayaʼeʼmo kotalakemo hu malegaiye. Ani sotamo folagapiʼmo afumo amagiʼa ofalini amige alu ofalini amige nehaya kavaʼmo alino hano huno atalegaiye. Mago ami vayaʼmo alagi hosu faipa vayaʼmo afole aisageno kini vekaʼapimoʼa muki yaʼmo alagi alino hosu huno atalesigeno muki mopamo kaʼme kokana huno haneme haneme neʼvisigenoʼaeʼmo atupa afinaʼmo hosu kavaʼmo ani alino hosu huno atalesiya vekaleʼmo asagauno aigiye.
Lekana nepaiya vayaʼmogitapamo mani gemo aepaʼamo alagepa huta afiyo. Lapakaemo agegayana lusi hosu yaʼmoʼa alino hano huno atalesiya agufa yaʼmo haneʼnisigetapa agegae. Neniyoʼa Gotitegati gemo alinineno aeno hakalo huno hapa nepaiya vekamoʼmo ani yafeʼmo avoʼmo kae maleʼniye. Ani agufa hosu yaʼmo ohaneʼnisiya nopiʼmo haneʼnisigetapa agetetapaeʼmo ataleta lapaune heyo. Yutiya kotega maiʼnisaya vayaʼmogi avelegamo apaune hetaleʼa uʼa haiʼa maiyo.
Oʼatafauta afaʼa ageta ataleʼnisunageno ani agufa kavakeʼmo hulino neʼvisigeʼapaeʼmo muki asole vayaʼmogimo agaefekeʼmo lama gemo nehiye, huʼa huteʼa akame hugae. Lomu gamani vayaʼmogimo eʼa alopa mono notimo heʼa halagape vaiʼa ataleteʼa kame huʼa latesageta ataleta atagu faetuteta hugune, huʼa huʼnae.
Isaleli vayaʼmogitapae, huʼa, Laha maeyo. Ani vekamoʼmo Yu vayaʼmogitaeʼmo hosu lava gemo huge Mosese keʼaepa geʼaeʼmo hosu gemo haneʼniye, huno huge mani alopa mono nofeʼmo hosu ge huge huno muki kotegamo alino apaya neʼmale. Agaemo hemenimo mago alu nofi vayaʼmo apavalelineno lagae laote mono notimo alino hosu huno ateʼniye, huʼa hapa paiʼnae.